Back channel talks sa CPP-NPA-NDF kinansela ng Pangulo

Kinansela na ni Pangulong Rodrigo Duterte ang  back channel talks  sa pagitan ng gobyerno at CPP-NPA-NDF  na itinakda sana sa mga susunod na araw.

Ito, ayon kay Presidential Adviser  on the  Peace Process Secretary  Jesus  Dureza, ay matapos ang pananambang ng mga miyembro ng NPA o New People’s Army sa convoy ng Presidential Security Group o PSG sa Arakan, Cotabato, kahapon.

Nasagad  na anya ang  pasensya  ng  gobyerno sa CPP dahil sa  panibagong  pag-atake kaya’t nawalan na ng gana upang isulong ang peace negotiations.

Nananatili  ang   utos  ng  Pangulo na  suspendido ang  5th round ng  peace  talks sa  National Democratic Front  hangga’t  walang  naipapakitang  pirmadong  bilateral ceasefire.

Pag atake ng NPA sa PSG kinondena ng Malacanang

Kinondena  ng  Malacañang  ang  pag-atake ng  New  People’s  Army  sa Presidential Security Group sa Arakan, North Cotabato na  ikinasugat ng  apat  na  PSG personnel.

Ayon kay Presidential Spokesman Ernesto Abella, ang  ganitong  aksyon ng   rebeldeng  komunista  ang dahilan ng  agam-agam ng  gobyerno sa sinseridad  ng   National Democratic Front  na  nakikipag-usap sa  government  peace  panel.

Magugunitang  mismong  si Pangulong  Duterte  ay  nainis sa grupo ni Communist  Party of the Philippines Founding  Chairman Jose  Maria  Sison dahil iba  ang  sinasabi nito sa negotiating  table   sa ginagawa  ng  kanilang  mga  tauhan tulad  ng  pananambang  sa  mga  tropa ng gobyerno, pag-atake, extortion activities  at  pangungulekta  ng  revolutionary tax sa  mamamayan.

Gayunman, hindi masabi ni Abella   kung  magkakaroon ng  epekto sa  peace  talks  ang  ginawang  pag-atake sa  miyembro ng  P.S.G.  kaya’t  hintayin na lamang  anya  ang  payo at  direktiba  ni Pangulong Duterte  sa  issue.

By Drew Nacino

Comments

comments