Kalaboso ang isang babae sa Quezon City dahil sa pagbebenta ng mga pekeng vaccination card sa halagang P15K ang bawat isa.
Kinilala ng Quezon City Police District ang suspek na si Huwela Gabrido.
Ayon sa Q.C.P.D., mayroong nagbigay ng impormasyon hinggil sa iligal na aktibidad ni Gabrido.
Narekober mula sa suspek ang mga vaccination card mula Q.C. at Parañaque City na binebenta nito sa halagang 15K kada isa at isang notebook.
Kasalukuyan namang nakapiit si gabrido na nahaharap sa kasong Falsification of Public Documents at paglabag sa RA 11525 COVID 19 Vaccination Law of 2021. —sa panulat ni Mara Valle
