Judith Estrada-Larino

Tiwala ang Korte Suprema na marami pa ang mapapalayang inmates ngayong nahaharap ang bansa sa coronavirus disease 2019 (COVID-19) pandemic.

Kasunod na ito ito nang pag kumpirma ng high tribunal hinggil sa halos 10,000 nauna nang pinalayang bilanggo sa panahon nang pag iral ng enhanced community quarantine (ECQ).

Batay sa record ng office of the court administrator nasa kabuuang 9,231 Persons Deprived of Liberty ang napalaya mula Marso 17 hanggang Abrril 29.

Una nang nagpalabas ng administrative circular si Chief Justice Diosdado Peralta hinggil sa pagpapababa ng piyansa at recognizance sa mahihirap na pdl’s subalit hindi kasama rito ang convicted PDL’s.

Tiniyak ng Commission on Higher Education (CHED) ang tulong sa mahigit 1,000 estudyante at faculty na stranded sa ibang bansa para makauwi ng Pilipinas sa gitna ng coronavirus disease 2019 (COVID-19) pandemic.

Sa virtual hearing ng House Committee on Higher and Technical Education, sinabi ni CHED chairman Prospero de Vera na nakikipag ugnayan na sila sa Overseas Workers Welfare Administration (OWWA) at Department of Foreign Affairs (DFA) hinggil dito.

Ipinabatid ni De Vera na hindi kaagad nakauwi ng Pilipinas ang mga estudyante at faculty dahil sa kanilang ongoing intership.

Sa ngayon aniya ay 147 pa lamang ang nakauwi ng bansa habang 76 pa ang naghihintay ng kanilang repatriation.

Inihayag ni De Vera na umaasa lamang sila sa sweeper flights para sa repatriation ng mga apektadong estudyante at faculty matapos suspindihin ang public transportation nang isailalim sa enhanced community quarantine ang buong Luzon nuong Marso.

Bibigyan ng P10,000 cash ni PNP chief Archie Gamboa ang mga pulis na nakapasa sa bar examinations.

Kasunod na rin ito nang pagbati ni Gamboa sa mga nasabing pulis na bagong abogado kasabay ang apela sa mga ito na manatili sa PNP na nangangailangan ng kanilang serbisyo.

Sinabi ni Gamboa na kumakalap pa sila ng impormasyon kung ilang pulis nila ang pumasa sa bar exam.

Magkakasa ng ‘new normal’ ang Department of Labor and Employment (DOLE) para sa kapakanan at proteksyon ng mga manggagawa.

Ayon kay Labor Secretary Silvestre Bello III, sa paggunita ng araw ng paggawa ngayong Mayo 1, magpapalabas sila kasama ng Department of Trade and Industry (DTI) ng point guidelines para sa proteksyon ng mga empleyado sa coronavirus disease 2019 (COVID-19).

Ipinabatid ni Bello na mayruon na silang pina-plantsang post-COVID recovery plan para sa paglikha ng panibagong 1-milyong trabaho sa mga probinsya sa mga susunod na buwan.

Kasama aniya sa package ang pagsagot sa tatlong buwang suweldo ng mga manggagawa sa miscro and small scale enterprises.

Inihayag pa ni Bello na ang plano ay nakatuon sa konseptong Balik Probinsya  program kaya’t paiigtingin pa nila ang Tulong Pang-hanapbuhay sa Ating Disadvantaged/Displaced (TUPAD) worker’s program sa susunod na tatlong buwan para magkaruon ng trabaho ang mga sasailalim sa programa.

33 pang Pilipino sa ibayong dagat ang dinapuan ng coronavirus disease 2019 (COVID-19).

Ayon sa DFA, hanggang kahapon, April 30, nasa 1,677 Pinoy ang kumpirmadong positibo sa COVID-19 sa 46 na bansa at rehiyon.

Sa nasabing bilang, 1,025 ang patuloy na nagpapagamot sa ibat ibang ospital at 451 ang naka recover na mula sa nakakahawang sakit.

Dalawa pa ang nadagdag sa death toll kayat nasa 201 na ang bilang ng mga Pinoy abroad na nasawi dahil sa COVID-19.

Pinakamaraming naitalang confirmed COVID-19 positive na Pinoy sa bahagi ng Europe na may 483 cases; America, 471 cases; Asia Pacific Region, 367; at Middle East/Africa na may 356 cases.

Pinayuhan ni Department of Tourism (DOT) Secretary Bernadette Romulo-Puyat ang mga Pilipino na isantabi muna ang pagba biyahe sa ibang bansa ngayong taon.

Ayon kay Puyat hindi pa magiging normal ang pag ba biyahe at kahit pa ma lift na ang enhanced community quarantine (ECQ), hindi pa kaagad magiging bukas ang ilang lgu sa mga foreign visitors samantalang mayruon pa rin tiyak na travel restrictions mula sa ibang bansa.

Sinabi ni Puyat na ang tourism industry ng bansa ang  sumalo ng pinaka matinding epekto partikular sa ekonomiya ng coronavirus disease 2019 (COVID-19) crisis.

Ipinabatid ng DOT na nasa 1.3-M foreign nationals lamang ang dumating sa bansa mula Enero hnggang Marso at ito ay  mahigit 40% na mas mababa sa bilang ng mga dumating sa parehong mga buwan nuong isang taon.

Kumuha pa ng dagdag na laboratory encoders ang Department of Health (DOH) para matugunan ang backlog sa pagpapapalabas ng coronavirus disease 2019 (COVID-19) test results.

Ayon kay Health Undersecretary Maria Rosario Vergeire sumalang ka nasa test ang maraming samples subalit nagkaka problema sila sa pag e encode ng resulta.

Sinabi pa ni vergeire na hindi nagkakatugma ang mga kumpirmadong kaso ng COVID-19 sa online tracker ng DOH at mga nag positibo sa virus dahil sa validation process.

Mayruon aniya silang hinahabol na case investigation forms na nanggagaling sa local government units na hindi naman naku kumpleto  ang mga impormasyon kayat hindi makapasok sa kanilang sistema na siya namang ginagawa ng kanilang encoders.

Kumikilos na ang gobyerno para sa pagpapatupad ng balik probinsya program.

Ipinabatid ito ni Presidential Spokesman Harry Roque magtapos ihayag na ang nasabing panukala ni Senador Bong Go ay top priority at long term project ng gobyerno.

Sinabi ni Roque na naghahanap na ang pamahalan ng mga paraan para makauwi na sa probinsya ang mga nais makauwi base na rin sa itinatakdang quarantine requirements.

Batay sa nasabing panukala ni Go hindi lamang ang libreng pagpapauwi ang i-aalok ng pamahalaan kundi ang pagtiyak na magiging kaaya aya ang mga lalawigan para sa mga bagong negosyong ipapatayo ng investors.

Sa ganitong paraan aniya ay hindi na luluwas ng Maynila o sa mga malalaking syudad ang mga manggagawa para makahanap ng trabaho.

Ito ayon kay Department of Science and Technology (DOST) Secretary Fortunato Dela Pena ang layon ng mga ikinabit na plywood wall, clear waterproof acrylic window, air conditioning, roof mounted ventilation at specimen table sa specimen collection booths na sinimulan nang i-deliver ng gobyerno sa iba’t ibang bahagi ng bansa.

Sinabi pa ni Dela Pena na mayruon ding isang feature ang nasabing booth na positive pressure para maiwasan ang pagpasok ng kontaminasyon mula sa labas at mayruong compression sensor na ginagamit.

Ipinabatid ni Dela Pena na nakapag-deliver na ang DOST ng 53 units ng nasabing speicmen collection booth sa Metro Manila at Regions 1 at 2 at ang iba ay nasa proseso pa lamang ng delivery.

Ang Philippine Council for Industry, Energy and Emerging Technology Research and Development ang gumawa ng disensyo ng booth sa tulong ng DOST.