Judith Estrada-Larino

Lumobo pa ang bilang ng mga nagpositibo sa COVID-19 sa bansa.

Ayon sa Department of Health (DOH) hanggang kahapon Mayo 4, 262 ang panibagong nadagdag sa kumpirmadong kaso ng COVID-19 nitong nakalipas na magdamag kaya’t pumapalo na sa 9,485 ang kabuuang kaso ng nasabing virus sa Pilipinas.

Sa nasabing bilang 122 rito o 47% ay mula sa National Capital Region (NCR), 88 o 33% sa Region 7 at 52 o 20% ay mula sa iba pang lugar.

16 naman ang bilang ng mga bagong nasawi dahil sa COVID-19 kaya’t umaabot na sa 623 na ang death toll sa bansa.

101 namang mga pasyente ang gumaling kaya’t nasa 1,315 na ang total recoveries ng COVID-19 sa Pilipinas.

Nakadepende sa National Telecommunications Commission (NTC) ang patuloy na operasyon ng ABS-CBN.

Binigyang diin ito ni Presidential Spokesman Harry Roque matapos bantaan ni Solicitor General Jose Calida ang NTC na mahaharap sa graft charges ang mga opisyal nito kapag pinayagan ang ABS-CBN na makapag-operate kahit expired na ang prangkisa nito.

Ayon kay Roque ang solicitor general ay alter ego ng Pangulong Duterte at sumulat na ito sa NTC kaya’t hintayin na lamang ang sagot dito ng NTC at anumang desisyon nito ay siyang ipatutupad ng Pangulo.

Labing isang panukala hinggil sa pagre-renew ng prangkisa ng ABS-CBN ang naisampa na sa house committee on legislative franchises simula pa noong August 2019 at isang beses pa lamang nagsagawa ng hearing ang komite sa usapin.

Hanggang ngayong araw na ito na lamang epektibo ang prangkisa ng Kapamilya network.

Pinag-aaralan na ng Department of Trade and Industry (DTI) ang posibilidad na lagyan ng cap ang delivery charges sa gitna nang pagtaas ng demand para sa delivery services sa kasagsagan ng quarantine.

Subalit sinabi ni DTI Secretary Ramon Lopez na maituturing na convenience ang delivery service at pinapahintulutan ang pagpapataw ng service charge para rito.

Ang consumer protection group aniya ng DTI sa pangunguna ni Undersecretary Ruth Castelo ang tututok sa isyu ng delivery fees at kung posibleng lagyan ito ng price ceiling.

Patuloy ang paglobo ng kaso ng coronavirus disease 2019 (COVID-19) sa bansa.

Ayon sa Department of Health (DOH) hanggang kahapon, Mayo 1 nasa  8,772 na ang tinamaan ng nasabing virus sa bansa matapos maitala ang 284 na bagong kaso ng COVID-19 sa nakalipas na magdamag.

11 pasyente naman ang nasawi sa magdamag kayat nasa 579 na ang death toll, samantalang   nasa  41 ang mga bagong naitalang gumaling sa COVID-19 kayat pumapalo na sa 1,084 total recoveries mula sa nasabing virus.

Pasok ang Pilipinas sa mga bansang makakatanggap ng anti-flu drug mula sa Japan bilang experimental medicine kontra coronavirus disease 2019 (COVID-19).

Kinumpirma ito ni Department of Health (DOH) Undersecretary Maria Rosario Vergeire matapos iahayg ni Japanese Foreign Minister Toshimitsu Motegi na kabilang ang Pilipinas sa 38 bansa na padadalhan ng gamot na favipiravir o mas kilala sa brand name na avigan.

Sinabi ni Vergeire na pinag aaralan pa ng PHG at DOH ang protocol sa gagaing clinical trial ng nasabing gamot.

Tinukoy naman ni Vergeire ang mga gamogt na susubukan sa solidarity trial na kinabibilangan ng remdesivir, chloroquine o hydrocholorquine ang mga gamot laban sa hiv na lopinavir kasama ang retonivir at interferon beta-1a.

 Ayon sa DOH, 20 ospital sa bansa ang sumali sa solidarity trial kung saan 500 pasyente ang nakatakdang sumailalim sa nasabing clinical trial.

Binigyang diin ng DOH na tulad ng avigan drug ang mga gamot na gagamitin sa malawakang clinical trial ay posibleng magdulot ng side effect sa paggagamitang pasyente.

Aabot sa 500 Overseas Filipino Workers (OFW)’s ang naka quarantine sa dalawang quarantine ships sa Manila South Harbor at sa Eva Macapagal Terminal.

Ang mga nasabing pasilidad ay pinangangasiwaan ng Department of Transportation (DOTr), Philippine Ports Authority, Coast Guard at Marines katuwang ang Lopez Group of Companies, 2GO at Asian Terminals Incorporated.

Ipinabatid ng DOTr na mayruong 255  OFW’s sa isa sa mga barko, 77 sa isa pa at 204na OFW’s naman ang nasa Eva Macapagal Terminal.

Simula Abril 11 ay mayruon nang 48 OFW’s na naka kumpleto ng 14-day mandatory quarantine.