Judith Estrada-Larino

Mayruon nang go signal ang Securities and Exchange Commission (SEC) sa pagkakasa ng trading pause sakaling bumulusok ang stock market dulot na rin ng coronavirus disease 2019 (COVID-19) pandemic.

Sakaling magkaruon ng mabilis na pagbaba ang PSE index hanggang 10%  maaaring itigil ang trading ng hanggang 15 minuto.

Kapag 15%  naman ang ibinagsak  30 minuto ang magiging pagtigil angkalakalan at aabot naman sa isang oras ang pagtigil kung nasa 20% na ang pagsadsad ng trading.

Subalit ayon kay Sec. Chair Emilio Aquino isang pagkakataon lamang maaaring magpairal ng trading pause kada araw kayat wala nang anumang pagtigil sa mga transaksyon kapag bumaba ang stocks sa huling dlawampung minuto bago ang pagsasara ng trading.

Isang kasunduan ang nilagdaan ng PhilHealth at Philippine Red Cross hinggil sa isinagawang mass testing ng Red Cross para sa coronavirus disease (COVID-19).

Ayon kay Red Cross Chairman Senador Richard Gordon nakasaad sa kasunduan na covered na ng PhilHealth ang gastos para sa COVID-19 testing sa Red Cross.

Dahil dito ipinaalala ng Red Cross na dalhin lamang ang PhilHealth card o documentation/number kapag magtutungo nasa kanilang tanggapan para sa testing.

Nasa 18 na ang bilang ng mga accredited coronavirus disease (COVID-19) testing laboratory sa bansa.

Ito ayon kay Department of Health (DOH) Undersecretary Dr. Maria Rosario Vergeire ay matapos aprubahan ng DOH ang accreditation ng Philippine Genome Center.

Kabilang sa mga testing laboratories ang RITM, Baguio General Hospital and Medical Center, Vicente Sotto Memorial Medical Center, Lung Center of the Philippines, Southern Philippines Medical Center, St Lukes Medical Center – BGC, Western Visayas Medical Center, Philippine Red Cross, UP National Institutes of Health, St Lukes Medical Center – Quezon City

Bukod pa ito sa San Lazaro Hospital, Makati Medical Center, Chinese General Hospital, The Medical City, Detoxicare Molecular Diagnostics Laboratory, bicol regional diagnostic and reference laboratory at V. Luna Hospital.

Maglalabas ng panuntunan ang Department of Health (DOH) kaugnay sa nang ipatutupad na minimum health standard sa mga lugar na sakop ng general community quarantine (GCQ).

Sinabi ni Health Undersecretary Maria Rosario Vergeire na hindi naman nalalayo sa kasalukuyang protocol ang bagong panuntunan kung saan kabilang pa rin dito paalala sa physical distancing, cough etiquette at proper hygiene.

Kasali rin sa minimum health standard ang expansion ng testing capacity at isolation.

Hindi pa pinal ang inirekomenda ng ng Inter-Agency Task Force for the Management of Emerging Infectious Diseases (IATF) sa Pangulong Rodrigo Duterte na sa buwan ng Setyembre bubuksan ang klase para sa school year 2021-2020.

Ayon kay Education Secretary Leonor Briones magkakaruon pa sila ng final presentation sa IATF sa unang linggo ng susunod na buwan.

Nakasaad sa Republic Act 7977 o Act on Lengthening of School Calendar ang pagbubukas ng klase ay hindi dapat lumampas sa huling araw ng buwan ng Agosto.

Sinimulan na ng Department of Public Works and Highways (DPWH) ang pag convert sa mga shipping container bilang mobile health facilities.

Ipinabatid ng DPWH na mayruon na itong design plans para sa 40 feet by 8 feet container vans na maaaring gawing mobile field hospitals.

Sinabi ni DPWH Secretary Mark Villar na natapos na ng DPWH-NCR ang pag-convert ng isang shipping container na hinati sa apat na kuwarto, may proper ventilation at toilet and bath na idinisenyo base na rin sa guidelines ng Department of Health (DOH).

Patuloy nakumakalap ang World Health Organization (WHO) ng  mga pag-aaral kaugnay sa tunay na bilang ng mga taong tinamaan ng coronavirus disease 2019 (COVID-19) sa buong mundo.

Sinabi ni Dr. Maria Van Kerkhove, technical lead ng who sa coronavirus response ..ilang linggo o buwan na lamang ang hihintayin ng mga bansa para malaman kung anong klaseng gamot ang gagamiting panlaban sa COVID-19.

Batay aniya sa isinagawang pag aaral  sa Germany  abot ng 2%  hanggang 14%ng populasyon sa buong mundo ang nakapag develop ng anti bodies matapos mag positibo sa nasabing sakit.

Sinabi pa ni Kerkhove na kapansin pansin din na mas mababa ang antas ng pathogen kaysa sa mga naunang models kung saan nabaitd na mas mabilis kumalat ang sakit.

Tiniyak ni Kerkhove ang mahigpit na pag monitor sa daan-daang COVID-19 drug trials na ginagawa sa ibat ibang panig ng mundo.