Judith Estrada-Larino

Nakaranas ng mainit at maalinsangang panahon ang maraming lugar sa bansa kahapon.

Kabilang sa mga nakapagtala ng pinakamataas na temperatura  ayon sa PAGASA ang Echague, Isabela – 37.4 degrees celsius  Camiling, Tarlac – 37 degrees celsius  Tagum City – 36. 8 degrees celsius Dipolog City – 36. 7 degrees celsius at La Carlota City – 36. 7 degrees celsius.

Ipinabatid pa ng pagasa ng kabilang naman sa mga lugar na nakapagtala ng mataas na heat index ang San Jose, Occidental Mindoro – 48. 1 degrees celsius ..Tanauan City, Batangas – 47. 1 degrees celsius Sangley Point, Cavite – 46. 6 degrees celsius , Dagupan City – 44. 6 degrees celsius at Puerto Princesa City – 43. 5 degrees celsius.

Pinaghahandaan na ng economic development cluster ang posibilidad na magkaruon ng second wave ng coronavirus disease 2019 (COVID-19).

Sa katunayan ipinabatid ni Budget Secretary Wendel Avisado na binabalangkas na nila ang mga plano sa pondong maaaring gamitin ng gobyerno kapag lumubo pa ang kaso at death toll COVID-19.

Sa ilalim ng P4-1-T national budget ngayong taon sinabi ni avisado na P397-B  ang maaaring galawin ng pamahalaan para sa COVID-19 response subalit nasa P352.7-B na ang nagagastos sa laban kontra sa nasabing virus.

Hindi kailangang ilantad ang pangalan ng coronavirus disease 2019 (COVID-19) patients para maisagawa ang contact tracing.

Ayon kay commissioner Mon Liboro ng National Privacy Commission kaya ng gobyerno na isagawa ang contact tracing nang napapanatili ang privacy ng mga pasyente.

Ang mahalaga lamang aniya ay mailahad ang mga lugar na pinanggalingan nito para maalerto ang mga posibleng nakasalamuha niya at kaagad makipag ugnayan sa gobyerno.

Sa ilalim ng data privacy act sinabi ni Liboro na pinapayagang makuha ang mga detalye ng pasyente kapag talagang kailangan subalit dapat matiyak na tanging ang mga otoridad lamang ang gagamit at kailangang mapatunayan ang pangangailangan nito.

Sapat aniya ang probisyon sa data privacy act para magampanan ng gobyerno ang kailangang contact tracing at gumamot ng mga pasyente ng COVID-19.

Tiniyak ito ni DTI Secretary Ramon Lopez matapos palawigin pa ng dalawang linggo o hanggang may 15 ang  enhanced community quarantine (ECQ) sa Metro Manila at iba pang lugar.

Sinabi ni lopez na tuloy ang trabaho sa mga food production business kayat maraming supply ng de lata, instant noodles, gatas at iba pang pangunahing produkto.

Tuluy tuloy din aniya ang operasyon ng mga kumpanyang gumagawa ng alcohol, shampoo at sabon.

Siniguro rin ni Lopez ang sapat na tauhan ng mga grocery store at iba pang essential businesses sa kabuuan ng quarantine period.

Ipinaalala rin ni Lopez ngayong extended muli ang ECQ sa mga nagpapa renta ng residential at commercial units, public utility companies at mga bangko na huwag munang maningil ng renta o loan hanggang Mayo 15.

Nagpapasaklolo na sa konsulado ng bansa sa California, USA ang ilang Pilipinong na-stranded doon matapos ang travel restriction na ipinatutupad ng Estados Unidos dahil sa coronavirus disease 2019 (COVID-19) pandemic.

Ipinabatid ni Philippine Consul General for San Francisco Henry Bensurto na karamihan sa mga stranded ay mga turista o may J1 visa na nagtungo sa Amerika para sa training at dapat sanang nakabalik na ng Pilipinas subalit inabutan nga ng lockdown.

Mayroon aniyang ilang eroplano na may available flights subalit hindi naman direct flight.

Tiniyak naman ni Bensurto na tinutulungan nila ang mga stranded na Pinoy at maging ang mga Pinoy doon na kabilang sa tinatawag na vulnerable sector.

Sakop ng tanggapan ni Bensurto ang 10 estado sa Amerika kabilang ang Alaska at tinatayang 1-milyong Pilipino ang naririto.

Prayoridad ng Department of Health (DOH) ang emergency hiring at pagbibigay ng mga benepisyo sa mga healthcare worker.

Tiniyak ito ni Health Undersecretary Maria Rosario Vergeire dahil pinakamahalaga aniya sa coronavirus disease 2019 (COVID-19) response ang mga health worker.

Sinabi ni Vergeire na 15,000 health workers ang kinakailangang tumulong sa COVID-19 response kaya’t kailangang gawin ang emergency hiring at ang budget para sa  mahigit 800 health workers pa lamang ang naaprubahan ng DBM.

Ipinabatid ni Vergeire na hanggang nitong April 22, pitong health facilities na ang nagrerequest ng dagdag na health workforce sa ilalim ng emergency hiring.

Batay sa pitong requests, 701 ang sinisimulan nang iproseso para sa Lung Center of the Philippines, Philippine General Hospital, Tala Hospital at RITM.

Inatasan ng Inter-Agency Task Force (IATF) ang mga kinauukulang ahensya na pag-aralan ang posibilidad nang pagbubukas muli ng pampublikong transportasyon sa gitna nang patuloy na pakikipaglaban ng bansa sa coronavirus disease 2019 (COVID-19) pandemic.

Ayon kay Presidential Spokesman Harry Roque, pinakilos ng IATF ang Department of Transportation (DOTr), Department of the Interior and Local Government (DILG), Department of Tourism (DOT) at Department of Health (DOH), gayundin ang Bureau of Quarantine para pag-aralan at magrekomenda ng protocols –base sa mga panuntunan hinggil sa social distancing, isolation at quarantine.

Sakop ng pag-aaral ang air, land at sea travel.

Una nang inihayag ni Transportation Secretary Arthur Tugade na tinututukan nila ang posibleng operasyon muli ng bus at tren bagamat hindi pa full operations.

Pinatatapos na ng Department of Social Welfare and Development (DSWD) sa mga local government unit (LGU) ang pamamahagi ng emergency cash subsidy sa mga mahihirap na pamilya sa iba’t ibang lugar para sa kasalukuyang buwan.

Ayon sa DSWD, hindi sila mamamahagi ng cash subsidy para sa buwan ng Mayo kapag hindi nakumpleto ang pamamahagi ng unang tulong at hindi makapagsumite ng liquidation report ang LGUs hinggil dito.

Sinabi ni DSWD Undersecretary Rene Glen Paje na mapipilitan silang huwag munang ibigay ang kasunod na bahagi ng emergency subsidy sa sinumang LGU na hindi makakapagpasa ng liquidation report sa takdang araw.

Nakikipag-ugnayan na aniya sila sa Department of the Interior and Local Government (DILG) para atasan ang LGUs na pabilisin ang pay-out ng cash subsidies para sa buwang ito.

Wala pang natatanggap ang Philippine Embassy sa South Korea na request para sa repatriation ng mga Pilipino doon, sa gitna na rin ng paglaban sa coronavirus disease 2019 (COVID-19) pandemic.

Ayon ito kay Consul General Christian De Jeusus na nagsabing Pebrero pa lamang ay nagtanong na sila sa mga Pilipino sa South Korea na nais umuwi ng Pilipinas.

Inihayag ni De Jesus na ang pagkakaintindi nila ay may mga trabaho pa ang mga Pinoy sa SoKor at nakakatanggap din ng tulong ang mga ito sa gobyerno doon.

Mayroong mahigit 5,000 Pilipino ang nakatira at nagtatrabaho sa SoKor na ang tugon sa COVID-19 pandemic ay pinupuri at ina-adopt na ng maraming bansa.