Tila nabulabog ang Pasig City Hall sa isang kahong natagpuan sa harap nito.
Gayunman sinabi ni Pasig City Police Chief Colonel Moises Villaceran na negatibo naman sa anumang pampasabog ang naturang kahon na naglalaman lamang ng diyaryo.
Pasado 12:00nn ng tanghali nang matagpuan ang nasabing kahon na hinihinalang naglalaman ng pampasabog kayat kaagad rumesponde ang mga operatiba ng explosives and ordnance division, bitbit ang K9 units.
Magtatalaga ng mga checkpoint ang Philippine National Police Highway Patrol Group (PNP-HPG)
Ayon kay PNP-HPG Chief Brigadier General Eliseo Cruz inatasan na niya ang kanilang mga tauhan para magsagawa ng randm inspection sa mga sasakyan para matiyak na tanging authorized persons outside of residence (APOR) lamang ang nakasakay bukod pa sa masunod ang physical distancing kahit sa loob ng sasakyan.
Ang mga itatayo nilang aniyang checkpoints ay bukod pa sa mahigit 100 nang naitalaga na.
Hindi pa ligtas sa pananagutan si NCRPO Chief Major General Debold Sinas.
Ito ay kahit pa inihayag ng Pangulong Rodrigo Duterte na hindi niya sisibakin si sinas kahit pa lumabag ito sa quarantine protocols.
Sinabi ni Presidential Spokesman Harry Roque na si Sinas ay nahaharap pa rin sa kasong kriminal dahil sa birthday maninita nito nuong May 8 na paglabag umano sa panuntunan laban sa mass gathering at social distancing.
Naisampa na aniya sa piskalya ang kaso at hayaan nang umusad ang proseso hinggil dito lalo nat kailangan pa ring depensahan ni sinas ang kaniyang sarili.
Ipinabatid ni Roque na kailangan ang clearance mula sa malakaniyang bago maisampa ang administrative charges laban kay sinas at sa ilang police officials na dumalo sa birthday party nito
Uuwi na ng Pilipinas ang apat na Pilipinong nasa Sweden sa gitna na rin ng coronavirus disease 2019 (COVID-19) pandemic
Ayon kay Consul General Raul Dado ang mga naturang Pinoy ay nagtatrabaho sa isang lugar sa Sweden na hindi ligtas kayat nais na ng mga itong bumalik ng Pilipinas.
Gayunman ipinabatid ni Dado na ligtas ang iba pang Pinoy sa Sweden na nakapagtala na ng mahigit 31,000 kaso ng COVID-19 kung saan halos 4,000 rito ay nasawi.
Wala aniyang Pilipino sa Sweden na mayruong sakit bagamat mino-monitor naman nila ang sitwasyon ng mga ito.
Ayon sa Department of Foreign and Affairs(DFA) tinatayang labing limang libong pinoy ang nagta trabaho sa sweden bilang health workers, engineers, mining professionals, administrative staff at mga nasa industriya ng fashion, culinary, services at iba pang sektor.
Nagpaliwanag si PhilHealth President Ricardo Morales hinggil sa mataas na bayarin sa package para sa testing ng coronavirus disease 2019 (COVID-19).
Ayon kay Morales ang P8, 150 na presyo para sa COVID-19 test ay para lamang sa test na ginawa nuong marso kung kailan limitado ang supply nito.
Sinabi ni Morales na malakas ang demand subalit kakaunti lamang ang mahahanap na test kits nuong mga panahong yuon kayat mataas ang presyo.
Ang pagbaba aniya ng presyo na nasa P2, 700 na lamang ay nangyari nang pumasok na ang pribagong sektor at tumaas naman ang available test kit sa bansa.
Nagbukas na ang tanggapan ng Philippine Embassy sa Wellington sa New Zealand matapos bahagyang luwagan ang restrictions kaugnay sa coronavirus disease 2019 (COVID-19) pandemic.
Una nang nag operate ang embahada ng bansa sa pamamagitan ng work from home sa nakalipas na pitong linggo kung kailan nakataas ang alert level 4 sa buong New Zealand.
Habang naka lockdown nag ayos ng repatriation flight ang embahada para sa stranded pinoys at nagbigay ng pagkain sa mga apektadong residente.
Bago magbukas muli sumunod ang embahada ng bansa sa safety regulations ng New Zealand tulad ng sanitation, personal protective equipment, safe work stations at contact tracing mechanism.
Nagbukas na ng 24/7 crisis hotline ang National Center for Mental Health (NCHM) para tumutok sa mental health care ng mga publiko ngayng nahaharap sa coronavirus disease 2019 (COVID-19) pandemic ang bansa.
Ayon kay Dr. Roland Cortez, pinuno ng NCMH sumusunod lamang sila sa utos ng Pangulong Rodrigo Duterte kayat sinuman ang nakakaranas ng anxiety o iba pang mental health issues ay maaaring tumawag sa 09178998727 0 89898727
Sinabi ni Cortez na handang makinig ang kanilang experts sa sinumang tatawag sa kanila para mapagaan ang pakiramdam sa gitna nang hinaharap na pagsubok ng bansa.
Mahgipit nang binabantayan ng mga otoridad ang paligid ng Fontana Leisure Parks sa Clark, Pampanga.
Kasunod na rin ito ng direktiba ng public safety division ng Clark Development Corporation na ipasara ang Fontana Leisure Parks matapos madiskubre ang iligal na operasyon ng nasabing medical facility na para lamang sa mga chinese nationals
Sa ngayon ay naka full lockdown na ang Fontana Leisure Park na nasa loob ng Clark Freeport.
Pinangunahan ni Senador Bong Go ang send off sa unang batch ng mga beneficiary ng Balik Probinsya, Bagong Pag Asa program sa isinagawang unang pilot roll
Nasa 111 ang beneficiaries ng programa at ito ay binubuo ng walumput limang pamilya na napauwi na ng leyte kung saan karamihan ay heads ng pamilya at bahagi ng mahigit tatlong libong natukoy na aplikante na nagnainais bumalik sa ibat ibang bayan ng Leyte.
Si Go ay proponent ng Balik Probinsya, Bagong Pag Asa program na naglalayong mabigyan ng magandang kinabukasan ang mga pilipino lalo nart may ruong health crisis sa bansa.
Nakikipag-ugnayan na ang Bureau of Immigration (BI) sa iba pang otoridad para mahanap ang Chinese nationals na nagpaggamot sa sakit nilang coronavirus disease 2019 (COVID-19) sa isang hindi otorisadong ospital sa Pampanga na una nang ni-raid ng mga pulis.
Kasunod na rin ito ng direktiba ni Justice Secretary Menardo Guevarra sa BI na makipag-ugnayan sa PNP at Local Government Units (LGU) para tugisin ang mga nasabing Chinese nationals.
Sinabi ni Guevarra na kapag natagpuan ang mga Chinese nationals na ito dadalhin sila sa mga lehitimong ospital o quarantine facilities para magamot ng maayos.