Judith Estrada-Larino

Sarado muna hanggang ngayong araw na ito ang punong tanggapan ng Department of Labor and Employment (DOLE)  sa Intramuros, Maynila.

Ayon sa DOLE 3:00 p.m. kahapon ay isinara muna ang kanilang opisina para sa regular disinfection sa buong mga pasilidad ng ahensya.

Kaugnay nito sinabi ng DOLE na hindi muna sila makakatanggap ng mga tawag sa DOLE hoteline 1349 habang nakasara pa ang kanilang central office. —ulat ni Aya Yupangco (Patrol 5)

Humihingi ng pang-unawa sa publiko ang Malakaniyang sa hindi pa rin pagbibigay ng ‘go signal para mabuksang muli ang lahat ng uri ng public transportation kahit nasa general community quarantine (GCQ) na ang Metro Manila dahil sa coronavirus disease 2019 (COVID-19).

Sinabi ni Presidential Spokesman Harry Roque na masisira lamang ang layunin ng ilang buwang quarantine na ipinatupad ng gobyerno bagamat naiintindihan anila ng Palasyo ang hinaing ng commuters na hirap makapasok sa kani kanilang trabaho dahil sa kawalan ng masasakyan.

Kayat pakiusap nila aniya sa mga employer sa pribadong sektor na magbigay ng shuttle service sa kanilang manggagawa.

Ayon pa kay Roque hindi dapat maging kampante ang gobyerno hanggang walang bakuna kontra sa nasabing virus at araw araw naman sila aniyang nagsasagawa ng assement para matulungan ang lahat.

Tiniyak ng Department of Education (DepEd)  ang pagsunod sa direktiba ng Pangulong Rodrigo Duterte na ipagpaliban muna ang pagsasagawa ng face to face classes hangga’t walang bakuna kontra coronavirus disease 2019 (COVID-19).

Sinabi ni Education Secretary Leonor Briones na handa sila sa anumang hamon kaugnay sa nakatakdang implementasyon ng mga alternatibo sa pisikal na klase tulad ng online o distance learning para sa nalalapit na pasukan.

Binigyang diin ni Briones na ang radio, television, online at modular learning na maituturing nang pre-existing methods at ginagamit na ng ilang dekada ay inihahanda na nila at ina-update para sa taong ito.

Tinututukan ng Malakaniyang ang posibleng blended State of the Nation Address (SONA)  ng Pangulong Rodrigo Duterte sa susunod na buwan.

Ito ayon kay Presidential Spokesman Harry Roque ay base na rin sa inilatag sa health protocols kontra coronavirus disease 2019 (COVID-19).

Sinabi ni Roque na maaaring maging online o sa internet na lamang ang gagawing talumpati ng pangulo tulad ng sistema ng blended education.

Ang ika-limang SONA ay nakatakdang isagawa sa Hulyo 27.

Ipinaalala ng Department of the Interior and Local Government (DILG) sa local government units ang pag monitor sa bayad sa mga tricycle sa pagbabalik ng operasyon ng mga ito.

Ito ayon kay DILG Undersecretary Jonathan Malaya ay sa gitna na rin nang papapalabas ng ahensya ng memorandum hinggil sa fare matrix sa mga tricycle.

Sinabi ni Malaya na dahil isa na lang ang sakay ng tricycle mayruong paggalaw sa pamasahe sa mga tricycle kayat nakikiusap sila sa lgu’s na huwag hayaan ang sobra sobrang pagtaas sa pamasahe rito.

Limang lugar sa bansa ang nakapagtala ng mataas na heat index kahapon.

Kabilang dito ayon sa PAGASA ang Ambulong, Tanauan City na nakapagtala ng pinkamataas na heat index na umaabot sa 50 °C, 2:00 p.m. ng hapon.

Bukod dito ipinabatid ng PAGASA na ilan pa sa mga nakapagtala ng mataas na heat index ang Aparri, Cagayan – 48 °C Sangley Pint, Cavite City – 48 °C, Science City of Munioz – 46 °C at Legazpi City – 45 °C.

Samantala ..umaabot naman sa 41 °C ang naitalang heat index sa Science Garden sa Quezon City kung saan naitala rin ang 35 °C na pinakamataas na temperature 3:00 p.m. ng hapon.

Muling ibinabala ng pagasa ang panganib na posibleng idulot kapag umabot sa 41 hanggang 54 °C ang heat index sa isang lugar tulad ng heat cramps at heat exhaustion na posibleng mauwi sa heat stroke.

Dahil dito pinayuhan ng pagasa ang publiko na dalasan ang pag inom ng tubig at iwasan ang physical activity tuwing tanghali at hapon.