Judith Estrada-Larino

Idinipensa ng Department of Health (DOH) ang mga pag kuwestyon sa halos 40,000 bagong recoveries sa isang araw na naitala nuong huwebes.

Ayon kay Health Undersecretary Maria Rosario Vergeire  ang mga asymptomatic patients ay kinukunsider nang recovered kung hindi na nagpakita ng mga sintomas sa loob ng labing apat na araw mula nang isailalim ito sa RT-PCR test.

Recovered na rin aniyang maituturing ang mga mayruong mild symptoms kapag cleared na ng kanilang duktor at nakatapos na sa 14-day isolation period.

Binigyang diin ni Vergeire na naka base ito sa scientific evidence at hindi sa assumption lamang na ipinatutupad din sa ibang bansa.

Sinabi pa ni Vergeire na asahan na ring tataas ang bilang ng mga nakaka-recover sa naturang sakit dahil 90 porsyento ng coronavirus disease 2019 (COVID-19) cases sa bansa ay mild at asymptomatic cases.

Muling nakapagtala ng record high na dagdag kaso ng coronavirus disease 2019 (COVID-19) sa bansa.

Ayon sa Department of Health (DOH)  pumapalo sa  4,063 ang dagdag na kaso ng COVID-19 kayat pumapalo na sa 93,354 ang kabuuang kumpirmadong kaso COVID-19 sa bansa.

Nakapagtala naman ng 165 dagdag na gumaling sa sakit kaya’t umakyat na sa 65,178 ang total recoveries.

Kabilang sa mga nakapagtala ng pinakamataas na dagdag kaso ng COVID-19 ang National Capital Region – 2, 153 cases 69 na porsyento ng kabuuang kaso Region 7 o Central Visayas – 558 cases / 15% at Region 4A  o Calabarzon – 492 cases / 13%.

Nasa 2,023 na ang kabuuang death toll matapos madagdagan ng 40 bagong nasawi sa COVID-19.

Naitala naman sa 26,153  ang aktibong kaso ng COVID-19 sa bansa.

Nanindigan ang Department of Health (DOH) na bumuti na ang sitwasyon ng bansa sa coronavirus disease 2019 (COVID-19).

Binigyang diin ni Health Undersecretary Leopoldo Vega na kabilang ang recovery at death rate sa mga dapat ikunsider para masabing bumubuti na ang COVID-19 situation.

Sa ngayon aniya ay nasa 73% ang recovery rate sa confirmed cases at nasa 2.2% na man ang death rate.

Sinabi ni Vega na dumaan sa masusing validation at reconciliation ang mga hawak nilang datos.

Una nang binatikos ang DOH sa halos 40,000 bagong recoveries bagamat nasa halos 4,000 naman ang naitalang dagdag na kumpirmadong  kaso ng COVID-19.

Asahan nang papalo sa 150,000 ang kumpirmadong kaso ng coronavirus disease 2019 (COVID-19) sa bansa hangang sa katapusan ng Agosto.

Ang naturang projection  ayon kay Professor Ranjit Rye ng UP OCTA research ang tinutukoy na exponential growth ng mga experts.

Sinabi ni rye na inirekomenda nila sa Pangulong Rodrigo Duterte na ibalik sa modified ECQ  ang Metro Manila o kaya naman ay panatilihin ito sa GCQ na may pinaigting na localized lockdown at pinalakas na testing, tracing at isolation.

Inihayag ni Rye na mataas pa rin o dapat ay nasa below 1 ang reproduction number ng virus o ang bilang ng mga taong napagpasahan ng virus ng infected person sa Metro Manila bagamat bumaba na ito mula 1.75 sa pagitan ng 1.3 hanggang 1.4.

Samantala ipinabatid naman ni OCTA Research Team Member Professor Guido David na bumaba naman sa less than 1 o na sa .8 o  .9 ang reproduction number ng virus sa Cebu City.

Una nang inihayag ng up OCTA team na para masabing na flatten na ang curve dapat ay nasa less than 1 ang reproduction number na kung more than 1 naman ay nagpapatunay na kumakalat ang pandemya.

Halos 90,000 o 89,374 ang kumpirmadong kaso ng coronavirus disease 2019 (COVID-19) sa bansa.

Ito ayon sa Depatment of Health (DOH) ay matapos madagdag ang halos 4,000 o 3,954  na bagong kaso ng COVID-19 kung saan 1,320 ang fresh cases at 2,634 ang late cases.

Sa nasabing bilang nasa 22,327 ang aktibong kaso.

Naitala naman ang 38,075 ang bagong gumaling sa COVID-19 kaya’t pumapalo na sa 65,064 ang total recoveries o katumbas ng 73 porsyento  ng kabuuang bilang ng mga kumpirmadong kaso sa bansa.

Samantala  umakyat na sa 1,983 ang kabuuang bilang ng mga nasawi dahil sa COVID-19  matapos madagdag ang 23 bagong nasawi sa virus.