Judith Estrada-Larino

Umakyat na sa 311, 694 ang kabuuang kaso ng coronavirus disease 2019 (COVID-19) sa bansa.

Ito ayon sa Department of Health (DOH) ay matapos maitala ang 2, 426 na mga bagong kaso ng COVID-19 sa Pilipinas.

Nangunguna pa rin ang metro manila sa nakapagtala ng pinakamataas na bagong kaso ng COVID-19 na nasa 887, sumunod ang Cavite – 201, Rizal – 147, Negros Occidental – 115 At Batangas – 99.

Pumapalo na sa 253, 488 ang total recoveries kung saan kabilang ang 585 na mga bagong gumaling sa nasabing sakit.

Limamput walo naman ang panibagong nasawi sa COVID-19 kayat sumirit na sa 5,504 ang death toll sa naturang virus.

Nasa 52,702 ang aktibong kaso ng COVID-19 sa bansa kung saan 86. 4% ang mild, 9% ang asymptomatic, 1. 4% ang severe at 3.2%  ang critical condition.

JUST IN: Kaso ng COVID-19 sa bansa, nadagdagan pa ng 2,426 ngayong Miyerkules, Setyembre 30.

Pumalo na sa kabuuang 311,694 ang bilang ng kumpirmadong kaso ng COVID-19 sa bansa. Mayroon namang 52,702 naitalang active cases. | https://t.co/HHOy7zaafm pic.twitter.com/uiUl2dO8kb

— DWIZ Newscenter (@dwiz882) September 30, 2020

Lumakas pa ang bentahan ng ecstasy drugs at marijuana na ginagamit sa bahay matapos ipagbawal ang mga party dahil sa COVID-19 pandemic.

Inamin ito ni PDEA Director General Wilkins Villanueva matapos masabat ang halos 4,000 ecstasy tablet na nagkakahalaga ng P6.6M sa Paranaque City noong ika-8 ng Agosto.

Bukod pa aniya ito sa mahigit 9,000 ecstasy tablet na nagkakahalaga naman ng mahigit P16M  na nasabat ng mga otoridad sa Lubao, Pampanga sa parehong araw kung saan 5 suspek ang naaresto.

Tuloy-tuloy din naman ayon kay Villanueva ang mga operasyon nila kung saan nakakumpiska sila ng marijuana na ang pinakahuli ay sa Quezon City at Clark, Pampanga.

18 kilos ng marijuana na nagkakahalaga ng mahigit P126M ang nakumpiska sa Quezon City kung saan naaresto ang 2 chinese nationals samantalang 113 kilos na may street value na P13M naman ang nasabat sa Clark, Pampanga

Kasabay nito hinimok ni Villanueva ang publiko na report ang mga drug problem sa kanilang mga barangay sa pamamagitan ng ‘Isumbong Mo Kay Wilkins’ facebook page at hotlines 0995 354 7020 o 0931 027 8212.

Walang epekto sa pagsusulong at pagpasa ng priority measures ng senado ang inaasahang pagpapalit sa liderato ng kamara.

Ayon ito kay Senate President Vicente Sotto III dahil kaya nilang makipag-trabaho sa kahit sinong House Speaker basta’t magkapareho lamang ang kanilang pananaw.

Kasunod na rin ito ng report na October 14 na magsisimulang umupong bagong lider ng kamara si Congressman Lord Allan Velasco matapos magreferee ang Pangulong Rodrigo Duterte at igiit ang pagsunod sa gentleman’s agreement ni Velasco at House Speaker Alan Peter Cayetano.

Samantala inihayag ni Sotto na makakabuti kung ipagpapatuloy nila ang pagdaraos ng mini LEDAC sa pamumuno ni Velasco para regular na mapag-usapan ang mga legislative measure na priority na maipasa lalo na ang mga panukalang isinusulong ng Malakanyang.

Hindi pumasa ang South Korean SD biosensor COVID-19 antigen test sa evaluation ng Department Of Health base na rin sa mga itinakdang panuntunan ng World Health Organization (WHO)

Ayon kay Health Undersecretary Maria Rosario Vergeire hindi umabot ang naturang antigen test sa diagnostic performance na inirekomenda ng WHO na 80% sensitivity at 97%  specificity.

71% sensitivity lamang aniya mayroon ang SD biosensor.

Subalit sinabi ni Vergeire na pinag-aaralan pa nila ang susunod na hakbang sa SD biosensor na aprubado ng WHO sa emergency use listing nito.

Ipinabatid ni Vergeire na isinailalim pa nila sa pilot testing ang effectiveness ng antigen test sa Baguio City bagamat hindi naman conclusive ang mga paunang resulta.

Hindi na kailangang kumuha pa ng travel authority ang mga sasakay ng provincial bus.

Sa halip na travel pass sinabi ni Joint Task Force Covid Shield Commander Police Lieutenant General Guillermo Eleazar na kailangan lamang mag-presenta ng manggagawa ng Employment Certificate lalo na kung may kinalaman sa trabaho ang biyahe sa mga lalawigan.

Nilinaw ni Eleazar na tanging ang mga indibidwal lamang na hindi kinokonsidera bilang Authorized Persons Outside Residence (APOR) ang kailangang magpresenta ng travel authority para sa provincial bus trips.

Una nang binuksan simula ngayong araw na ito ang 12 modified provincial bus routes mula at patungong Metro Manila at Regions 3 at 4a kung saan babyahe ang halos 300 bus.

Naging matumal naman ang dating ng provincial bus sa Paranaque Integrated Transport Exchange (PTIX)

Inihayag ni Alex Yague, Executive Director ng provincial bus operators of the Philippines na kakaunting bus lamang ang babyahe sa mga bagong binuksang ruta.

Posible aniyang naguguluhan ang mga pasahero kaugnay sa requirement na kailangang may 48 hours na pre-booking.

Inararo ng isang elf truck ang mga concrete barrier sa EDSA-Santolan tapat ng Camp Aguinaldo.

Ayon sa MMDA matapos araruhin ang mga concrete barrier diretsong bumangga sa pader ng MRT ang nasabing elf truck.

Dahil dito pansamantalang isinara ang EDSA busway sa bahagi ng EDSA Santolan bago mag flyover.

Halos pumalo na sa 200% ang pagtaas ng kaso ng COVID -19 sa Metro Manila.

Ayon ito kay Presidential Spokesman Harry Roque na nagsabing ang paglobo ng kaso at naitatalang average daily attack rate ay factors sa pagpapasya ng gobyerno sa quarantine classifications.

Sinabi ni Roque na kinukumpara nila ang figures o numero ng COVID -19 cases kada 2 linggo samantalang ang daily attack rate o ilan ang nagkakaroon sa kada 100k sa Metro Manila ay doble o mataas pa rin o nasa “high”.

Una nang pinanatili ng Pangulong Rodrigo Duterte sa General Community Quarantine(GCQ) ang Metro Manila sa buong buwan ng Oktubre.