Judith Estrada-Larino

Hindi bahagi ng anumang rebeldeng grupo ang aktres na si Angel Locsin.

Tiniyak ito ni Senador Panfilo Lacson sa isinagawang pagdinig nang pinamumunuang Senate Committee on National Defense and Security hinggil sa usapin ng red-tagging.

Kasunod na rin ito nang pagsisiwalat ni Lacson kay National Task Force to end Local Communist Armed Conflict Spokesperson Lt. General Antonio Parlade na tatayo siyang ninong sa kasal ni Locsin kay Neil Arce na kaibigan ng anak ng senador.

Magugunitang nagkaruon ng girian sina Parlade at Locsin matapos umanong i- red tag ng heneral ang aktres nang sabihin nitong may kaugnayan ang kapatid ng aktres sa New People’s Army.

Nilinaw naman ni Parlade sa pag-uusisa ni Lacson sa umano’y pag red tag kay Locsin na hindi naman miyembro ng NPA ang aktres na ikinatuwa naman ng senador at tiyak na makakaalis ng pangamba nito.

Subalit iginiit ni Parlade na  NPA member ang kapatid ng aktres na si Ella Colmenares.

Ipinabatid ni lacson na hiningi ni Arce ang tulong niya para patunayang hindi miyembro ng NPA ang kasintahang aktres na kayang patunayang hindi siya kabilang sa rebeldeng grupo.

Sinabi pa ni Parlade na si dating Bayan Muna Partylist Representative Neri Colmenares na tiyuhin ni Locsin ay hindi NPA subalit miyembro ng communist party.

Nanganganib mapalunon ng pera ng Pangulong Rodrigo Duterte ang tinatayang 70 miyembro ng ‘pastillas’ gang na aniya’y gumagawa ng katiwalian sa NAIA.

Ayon sa pangulo mayruon na siyang listahan ng mga sangkot sa ‘pastillas’ scheme at hindi aniya niya papalampasin ang kalokohan ng mga ito.

Dahil mahilig sa pera ang sindikato  sinabi ng pangulo na ipapakain niya sa mga ito ang perang kinukulimbat sa kanilang kalokohan  bagama’t batid niya aniyang hindi magandang magpakain ng pera na maaaring ituring na Criminal Act.

Idinipensa ng Malakanyang ang pagkakatalaga kay National Task Force against COVID-19 Chief Implementer Carlio Galvez bilang vaccine czar.

Ayon kay Presidential Spokesman Harry Roque  logistics at hindi medical challenge ang pagiging vaccine czar.

Kailangan aniya ng managerial skills sa pagbili ng bakuna kontra coronavirus disease 2019 (COVID-19) lalo nat hindi naman sa pilipinas gagawin ang bakuna na aangkatin lamang sa ibang bansa.

Sinabi ni Roque na ang medical issue sa bakuna ay kung ligtas ba ito at ang usaping ito ay kailangang tutukan ng food and drug administration.

Ayon naman kay Galvez na bagama’t wala siyang medical background tiwala siyang magagampanan niya ang bagong tungkulin dahil may koneksyon na siya sa mga pulis at sundalo na una nang inatasan ng Pangulong Duterte na pangasiwaan ang pagbabakuna sakaling dumating na ito sa bansa.

Inamin ng Food and Drug Administration (FDA) na nagkakaruon ng aberya sa supply ng ilang bakuna dahil sa laki ng demand.

Ayon kay FDA Director General Eric Domingo tumaas ang flu at pneumonia vaccines sa bansa dahil sa takot ng ilan sa coronavirus disease 2019 (COVID-19).

Sinabi ni Domingo na nag-check sila sa suppliers ng bakuna at tiniyak naman ng mga ito na walang kakapusan ng supply ng vaccine.

Kasabay nito  sinabihan ni Domingo si Quezon Governor Danilo Suarez na magpatulong sa regional office ng DOH para makabili ng bagong flu vaccine supply.

Umakyat na sa 387, 161 ang kabuuang kumpirmadong kaso ng coronavirus disease 2019 (COVID-19) sa bansa.

Kasunod na rin ito nang naitalang dagdag na 1, 772 na mga bagong kaso ng COVID-19.

Ayon sa Department of Health (DOH) kabilang sa nakapagtala ng pinakamataas na bagong kaso ng COVID-19 ang Pampanga – 154, Quezon City – 115, Laguna – 83, Baguio City – 70 at Lungsod ng Maynila – 69.

Samantala pumapalo na sa 348, 967 ang total recoveries matapos maitala ang 153 patients na mga bagong gumaling mula sa naturang virus.

Nai-record ang 49  na bagong nasawi sa COVID-19 kayat sumampa na sa 7, 318 ang death toll sa naturang sakit.

Nasa 30, 876 ang active cases na sumasailalim sa gamutan o quarantine kung saan 82. 5% ang mild, 10%  ang asymptomatic, 2.7% ang severe at 4. 8% ang critical condition.

JUST IN: Kaso ng COVID-19 sa bansa, nadagdagan pa ng 1,772 ngayong Martes, Nobyembre 3.

Pumalo na sa kabuuang 387,161 ang bilang ng kumpirmadong kaso ng COVID-19 sa bansa. Mayroon namang 30,876 naitalang active cases. | https://t.co/HHOy7zaafm pic.twitter.com/51bREJIqgR

— DWIZ Newscenter (@dwiz882) November 3, 2020

Ligtas ang flu vaccines na ginagamit sa bansa

Tiniyak ito ng Department of Health (DOH) matapos maitala ang mga kaso ng pagkamatay sa South Korea dahil sa pagturok ng flu vaccines.

Ayon kay Dr. Beverly Ho, DOH director 4  walang naitatalang adverse events following immunization (AEFI) o regular surveillance sa flu vaccine na itinuturok sa mga Pilipino.

Sinabi ni Ho na sinuri na rin ng Food and Drug Administration ang logs and batches ng flu vaccines na dumating sa bansa subalit wala sa mga ito ang vaccine brands na ginamit sa South Korea.

Una nang ipinatigil ng Singapore Health Ministry at kanilang health sciences authority ang paggamit ng flu vaccines na Sky Cellflu Quadrivalent at Vaxigriptetra.

Una nang inihayag ng Korea Disease Control and Prevention Agency na karamihan sa mga nasawi ay nasa pagitan ng 70 hanggang 80 taong gulang.