Judith Estrada-Larino

Tinawag na duwag ni Senador Ronald “Bato” Dela Rosa si retired Supreme Court Associate Justice Antonio Carpio matapos tanggihan si Presidential Spokesman Harry Roque na maka-debate sa isyu ng West Philippine Sea.

Ipinagtanggol din ni Dela Rosa ang Pangulong Rodrigo Duterte nang umatras ito sa pagkasa ni Carpio sa naunang hamon na debate dahil ayaw ng pangulo na bumaba sa level ng dating mahistrado lalo’t wala naman aniyang makukuha rito ang pangulo.

Hirit pa ni Dela Rosa, #CarpioDuwag ang dapat pausuhin at hindi #DuterteDuwag na nag-trending sa social media nitong nakalipas na linggo matapos na atasan na lamang si Roque na makipag-debate kay Carpio gayung siya ang unang naghamon sa retiradong mahistrado.

Suspendido ang trabaho sa Batasang Pambansa Complex mula Mayo 10 hanggang 14 para sa disinfection.

Ito ayon kay House Speaker Lord Allan Velasco ay bilang paghahanda sa pagbabalik sesyon ng kongreso sa may 17.

Kasabay nito ipinabatid ni Velasco na gugulong na rin ang pag bakuna sa mga empleyado ng kamara sa Mayo 10, alas-8 ng umaga hanggang alas-4 ng hapon sa south wing annex.

Priority aniya sa vaccination program ng mababang kapulungan ang mga nasa health services, senior citizens, mga may comorbidities at frontline personnel sa essential sectors kabilang ang uniformed personnel.

Matuturukan pa ng ikalawang dose ng Sinopharm vaccine ang Pangulong Rodrigo Duterte kahit pa hiniling nito sa China na huwag nang mag-donate ng nasabing COVID-19 vaccine.

Ayon ito kay Presidential Spokesman Harry Roque matapos maturukan ang pangulo ng sinopharm vaccine nuong Lunes.

Una nang nag sorry ang Pangulong Duterte sa pagturok sa kanya ng hindi pa rehistradong bakuna bagamat sakip ito ng compassionae special permit na inisyu ng FDA.

Idinipensa ng Malakaniyang ang direktiba ng Pangulong Rodrigo Duterte sa mga pulis na arestuhin ang mga hindi naka-mask sa mga pampublikong lugar.

Sinabi ni Presidential Spokesman Harry Roque na kailangang hulihin muna ang violator bago ito patawan ng parusa at ang pag-aresto rito ay hindi pa mismong parusa.

Inalmahan ni Roque ang mga komentong “to harsh” o masyadong malupit ang nasabing direktiba ng pangulo dahil mayruong mga ordinansa hinggil sa minimum health protocols na pinapayagan ang pagdampot o warrantless arrest kapag ang krimen ay ginawa sa harap ng personal na may kaalamang police officer.

Kaugnay nito nagda-draft na ng mga panuntunan ang DOJ para sa pagpapatupad ng naturang kautusan ng Pangulong Duterte.

Tatanggap pa ang Department of Education (DepEd) hanggang sa katapusan ng buwang ito ng mga enrollees para sa school year 2021-2022.

Ito ayon kay Education Undersecretary Jesus Mateo ay para mabigyan ng sapat na panahong makapag register ang mga magulang at estudyamte.

Ipinabatid ng DepEd,  na sa kasalukuyan nasa mahigit 4.3 million ang nakapagpa-rehistro sa kinder, grades 1, 7 at 11 para sa bagong school year.

Ang CALABARZON ang nakapagtala ng pinakamataas ng registered students na nasa 437, 561 sinundan ng Central Visayas – 395, 830 at Western Visayas – 365, 361.

Natutuwa naman si Education Secretary Leonor Briones sa resulta ng early registration na aniya’y lumampas pa sa kanilang inaasahang bilang ng mga mag a aral at magulang na handang pasimulan o ituloy ang pag aaral ng mga nasabing estudyante.

Nagkasa ang MMDA ng 30 minutong heatstroke break para sa mga traffic enforcers at street sweepers ngayong tag-init.

Ayon sa MMDA, naka-depende sa schedule ng kada empleyadon ang arawang 30 minute break.

Tinukoy ng MMDA ang alas-10 hanggang alas-10:30 sa pagitan ng alas-10:30  ng umaga hanggang alas-11ng umaga ang heatstroke break ng empleyado kung ang shift ay mula alas-5 ng madaling araw hanggang ala una ng hapon

Samantala  uubra namang makapag break ang mga traffic enforcer st street sweeper ng mmda mula alas-2:30 hanggang alas-3 ng hapon o kaya naman ay alas-3:30 hanggang alas-4  ng hamon kung ang shift ay ala-1  ng hapon hanggang alas-9 ng gabi.

Alas-3  hanggang alas-3:30 ng hapon naman o alas- 3:30 hanggang alas-4 ng hapon para sa mga nasa 2 to 10 PM  schedule.

Handa ang Philippine Bar Association (PBA) na i-host ang debate sa pagitan ng Pangulong Rodrigo Duterte at dating Supreme Court Associate Justice Antonio Carpio sa usapin ng West Philippine Sea.

Tiniyak ito ni PBA President Rico Domingo sakaling magkasundo sa petsa ng debate sina Pangulong Dutere At Carpio.

Bilang pinakamatagal na voluntary private organization ng mga abogado sa bansa sinabi ni Domingo na magkakaloob sila ng balanced arena para sa dalawang abogado na may kapwa mataas na estado at sapat na karanasan para pag usapan ang mga pangunahing isyung may kinalaman sa mga claims sa WPS.

Libre aniyang ibibigay ng PBA ang forum at walang gagastusin ang magkabilang panig bilang suporta sa mataas na diskurso para maisulong ang rule of law sa usaping tiyak na pakikinabangan ng mga Pilipino.

Pambansang trahedya.

Ito ang taguri ni dating Foreign Affairs Secretary Albert Del Rosario matapos aniyang kampihan ng Pangulong Rodrigo Duterte ang China sa laban ng Pilipinas sa West Philippine Sea.

Ayon pa kay Del Rosario, matinding sugat ang dala sa mga Pilipino nang paniniwala ng Pangulong Duterte na ang arbitral ruling ay isang pirasong papel lamang na dapat itapon sa basurahan.

Iginiit pa ni Del Rosario ang trabaho ng pangulo sa ilalim ng konstitusyon na i-depensa ang claim ng bansa sa WPS at ipatupad ang arbitral ruling laban sa China.

Kasado na sa susunod na linggo ang Placebo controlled clinical trial para sa lagundi tablets o syrup bilang COVID-19 therapeutic supplement.

Ipinabatid ito ni DOST Secretary Fortunato Dela Peña, na tiwalang matatapos kaagad ang two stage, randomized and placebo controlled clinical trials para sa lagundi na sasalihan ng 278 participants mula sa pitong quarantine facilities.

Sinabi ni Dela Peña na layon ng 10 month long project na suriin ang efficacy at safety ng lagundi tablet o syrup sa mga pasyente na walang comorbidities na suspected o confirmed mild COVID-19 case.

Tapos na aniya ang screening at recruitment ng participants para sa stage 1 ng trial na kinabibilangan ng dose finding at safety study na isinagawa sa Quezon Institute at PNP camp bagong diwa final special care facility gayundin ang stage 2 ng nasabing trial.