Judith Estrada-Larino

Pinarangalan ng United Nations (UN) ang tatlong Pinoy staff members nito na nasa nasawi habang nakaduty.

Kabilang sa mga pinarangalan ni UN Secretary General Antonio Guterres sa annual memorial service sa UN headquarters sa New York sina Joanna Abaya na nagsilbi sa UNICEF, Dr. Ronald Santos na nasa United Nations Assistance Mission for Iraq at Maria Luisa Almirol Castillo na bahagi ng United Nations High Commission for Refugees.

Ayon kay Guterres, ang mahigit 300 tauhan ng UN mula sa 82 bansa ay nasawi bilang peacemakers o coronavirus disease 2019 (COVID-19) noong 2020.

Ipinaabot naman ni Ambassador Enrique Manalo, permanent representative ng Philippine Mission to the United Nations ang pasasalamat sa UN sa pagkilala sa serbisyo at sakripisyo ng mga Pilipinong empleyado nito at ang dedikasyon ng mga ito ay magsisilbing inspirasyon sa lahat ng mga Pilipino.

Wala pang opisyal na kumpirmasyon ang Philippine Airlines (PAL) hinggil sa plano nitong maghain ng chapter 11 bankruptcy protection sa Amerika.

Nalubog umano sa utang ang PAL matapos ang serye ng lockdown na naging dahilan para isara ang boarders ng mga bansa at pansamantalang itigil ang mga biyahe.

Lumutang ang plano ng PAL na maghain ng court protection mula sa creditors habang sumasailalima ito sa debt restructuring at isa sa mga option nito ang US chapter 11.

Nabatid na nakikipagtulungan na ang PAL sa international law firm na Norton Rose Fulbright habang kinuha naman nito ang New York-based finance specialist na Seabury Capital bilang adviser.

Mayroon umanong $5-billion o halos P3-trilyong utang ng PAL Holdings kabilang na ang obligasyon nila sa kanilang inutangan.

Kinumpirma ng Department of Health (DOH) na nakapasok na sa Pilipinas ang coronavirus disease 2019 (COVID-19) variant na na-detect sa India.

Ayon kay Health Undersecretary Maria Rosario Vergeire, dalawang kaso ng India variant ang natukoy nilang nakapasok na sa bansa.

Magugunitang limang nagbiyahe mula sa India ang nagpositibo sa COVID-19 noong isang linggo at kabilang ang mga ito sa mahigit 100 pasahero na dumating sa Pilipinas bago pa man higpitan ang border restrictions noong ika-29 ng Abril para sana hindi makapasok ang nasabing bagong variant.

BREAKING: DOH, kinumpirma ang pagkakatala ng dalawang kaso ng India variant ng COVID-19 sa Pilipinas https://t.co/HHOy7zaafm pic.twitter.com/gFVYsPgJ7n

— DWIZ Newscenter (@dwiz882) May 11, 2021

Una nang inihayag ng World Health Organization (WHO) na maituturing na global concern ang B.1.617 na unang nadiskubre noong isang taon at pang-apat na variant na nangangailangan ng mas pinahigpit na tracking at analysis bukod pa sa higit itong nakakapinsala kumpara sa UK, South Africa at Brazil variants.

‘Calibrated easing of quarantine measures’.

Ito ang isinusulong ni Marikina City Mayor Marcelino Teodoro matapos lumutang ang mga pananaw sa posibilidad na pagsailalim sa general community quarantine (GCQ) mula sa modified enhanced community quarantine (MECQ) sa NCR Plus matapos ang ika-15 ng Mayo.

Sinabi sa DWIZ ni Teodoro na kailangang balansehin ang pangangailangang pang ekonomiya lalo na’t bumababa na ang trend ng coronavirus disease 2019 (COVID-19) cases.

Ayon kay Teodoro, sa lalong madaling panahon ay kailangang magpulong na ang Metro Manila mayors para plantsahin ang susunod na quarantine status sa NCR.

Nakikita natin na ang strain ng COVID cases natin ay bumababa ngunit gusto pa rin natin na ito ay maging below the critical level. Pero kailangan balansehin na natin ‘yung pangangailangan ng ekonomiya, kaya nakikita ko, kailangan natin ng calibrated easing of quarantine measures natin,” ani Teodoro. —sa panayam ng IZ sa Alas Sais

Pabor si Dr. Ted Herbosa na maisailalim na sa general community quarantine ang National Capital Region (NCR) Plus.

Ito, ayon kay Herbosa, medical expert sa National Task Force on COVID-19 ay dahil bumababa na ang 7-day average attack rate na maaaring maging 3,000 hanggang 5,000 sa mga susunod na linggo, ang reproduction number na nasa below 1% na, at maging ang hospitalization utilization rate.

Manageable na ‘yung number of new cases, pangalawa, ‘yung tinatawag na reproductive number, ‘yung numero nasa below 1 na tayo, that means ihihinto na natin ‘yung transmission kaya bumababa na ‘yung new cases. ‘Yung ating hospital utilization rate tuluyan nang bumababa,” ani Herbosa.

Gayunman, binigyang diin sa DWIZ ni Herbosa na pinakamahalaga pa rin ang  pagtugon o aksyon ng tao sa pandemya.

Ang importatne ‘yung behavior ng tao, tignan mo MECQ tayo, nag-open ‘yung isang resort sa Caloocan. Kahit na ganoon ang classification mo, kung ang mga tao ay, may magbubukas ng resort, at magpupuntahan… Sinasabi ko nga, pag matataong lugar, umalis ka na, umiwas ka na,” ani Herbosa. —sa panayam ng IZ sa Alas Sais

Idinipensa ni Cagayan Governor Manuel Mamba ang paglalagay sa kanilang lalawigan sa modified enhanced community quarantine (MECQ) mula sa general community quarantine (GCQ).

Ayon kay Mamba, mismong siya na ang lumapit sa national Inter-Agency Task Force (IATF) at nakiusap dito na ilagay ang Cagayan sa MECQ dahil apektado na ang buong probinsya kung saan 60% ng kabuuang kaso nito ng coronavirus disease 2019 (COVID-19) ay mula sa Tuguegarao City.

Tila aniya modified MECQ ang nangyayari sa Tuguegarao City na sa tingin niya ay nagpapataas pa sa kaso ng COVID-19 sa lungsod at maging sa iba pang bahagi ng probinsya.

Apektado po kaming lahat doon sa nangyayari sa Tuguegarao. 60% of our COVID cases ay nasa Tuguegarao… Kaya noon pa sinasabi ko na na ang problema ay ‘yung home quarantine ng mga positive cases, nilalagay nila sa mga bahay-bahay, hindi sila nagpagawa ng mga isolation centers sa bawat barangay,” ani Mamba. —sa panayam ng IZ sa Alas Sais

Tumangging magbigay ng rekomendasyon ang OCTA Research group kaugnay sa posibilidad na mag-general community quarantine (GCQ) na ang Metro Manila matapos ang ika-15 ng Mayo.

Gayunman, sinabi sa DWIZ ni Dr. Michael Tee, miyembro ng OCTA Research, na bumababa na ang kaso ng coronavirus disease 2019 (COVID-19).

Tanging ang Inter-Agency Task Force (IATF) lamang aniya ang makapagpapasya kung kakayanin nang mag-GCQ sa NCR Plus batay na rin sa kaso ng nasabing virus.

Bumababa na ang ating kaso… mababa na kaysa sa surge capacity. Meron na tayong 2,347 na average, mas mababa ‘yan ng 58%,” ani Tee.

Kasabay nito, pinayuhan ni Tee ang publiko na ituloy lamang ang mahigpit na pagsunod sa minimum health and safety protocols at magpa bakuna na rin para makaiwas sa COVID-19.

Ang rekomendasyon ko sa ating mga kababayan ay magpatuloy sa ating ginagawang minimum health protocols, lalo na ang quarantine, at kung meron mang bakuna na io-offer sa kanila, magpabakuna na sila,” ani Tee. —sa panayam ng Balitang Todong Lakas