Judith Estrada-Larino

Tanging ang mga mahahalagang biyahe lamang sa loob at labas ng NCR plus ang papayagan sa GCQ with heightened restrictions na ipatutupad simula bukas, Mayo15.

Ayon ito kay Presidential Spokesman Harry Roque ay kayat 18 hanggang 75 anyos lamang ang uubrang lumabas ng kanilang mga bahay.

Nasa 20%naman ang venue o seating capacity sa mga indoor dine in services sa NCR plus habang nasa 50%  capacity naman ang Al Fresco Dining.

Pu puwede ring magbukas ang outdoor tourist attractions sa bubble sa 30% capacity at mahigpit na susunod sa minimum health standards.

30% capacity rin sa ilalim ng GCQ with heightened restrictions ang operasyon ng personal care services para sa mga serbisyong hindi nire require ang pag aalis ng face mask tulad ng salon, parlor at beauty clinics

Pinapayagan din sa NCR plus ang specialized markets ng Department of Tourism.

Samantal mananatili namang operational ang pampublikong transportasyon sa kapasidad at protocol na naka depende sa panuntunan ng Department of Tourism at bawal pa rin ang interzonal travel mula NCR plus areas maliban na lamang kung authorized persons outside residence (APOR).

Sampung porsyento naman ng venue capacity ang papayagan sa mga religious gatherings gayundin sa burol, lamay, inurnment at libing para sa mga namatay sa ibang sakit sa NCR plus.

Non-contact sports, games at scrimmages na gagawin sa labas ang binibigyan ng go signal sa GCQ status at puwede ring mag operate ang entertainment venues tulad ng bar, concert halls at theaters, recreational venues tulad ng internet cafes, billiard halls at arcades amusement parks, fairs, playground at kiddie rides, indoor sports courts and venues, indoor tourist attractions at venues para sa meetings, conference at exhibitions.

Nagpahiwatig si Manila Mayor Isko Moreno ng posibleng pagtakbo sa 2022 Presidential Elections.

Ibinunyag ito ni dating senador Antonio Trillanes IV kasunod nang isinagawang prequalification process ng opposition coalition na 1Sambayan.

Tinukoy ni Trillanes si Moreno bilang “Johnny-come-lately” o bagong salta at bukas na sinusungkit ang pag-endorso ng Pangulong Rodrigo Duterte.

Dahil dito, tinawag ni Trillanes ang mga “Johnny-come-lately” bilang oportunista dahil sumasabay lamang sa agos ng pulitika ang mga ito at nagpapalipat-lipat ng alyansa at mapagpanggap tulad ng Pangulong Duterte sa simula’t simula pa.

Nakikiisa si Vice President Leni Robredo sa pagdiriwang ng Eid’l Fitr ng mga kapatid na Muslim.

Ipinaalala ni Robredo sa mga kapatid na Muslim ang spiritual ties at sama-samang pagdarasal kahit pa naka-physical distance sa isa’t isa maliban lamang sa mga pinamalalapit na kapamilya.

Binigyang diin ni Robredo na ang Eid’l Fitr ay higit pa sa pagdiriwang o pagtatapos ng isang buwang pag-aayuno ng mga kapatid na Muslim kundi patuloy na paalala na ang Pilipinas ay isang single community.

Tone-toneladang bangus ang nasawi dahil sa matinding init sa Dagupan, Pangasinan gayundin ang ilang manok sa Vintar, Ilocos Norte.

Nabatid na napilitan ang ilang bangus growers na kunin na lamang ang libu-libong bangus mula sa mga fish pond kahit maliliit pa ang mga ito kaysa mangamatay dahil sa matinding init ng panahon.

Tiniyak naman ni Vlad Mata, OIC ng Dagupan Agriculture Office, na sapat ang supply ng bangus sa mga palengke sa lungsod.

Samantala, dalawang manok ang namamatay sa bayan ng Vintar kada araw simula nitong Sabado kahit pa pinipilit ng mga may-ari na painumin ng tubig ang mga ito.

Sinabi naman ng Ilocos Norte Provincial Veterinary Office na maaaring dehydrated ang mga manok dahil sa matinding init kaya’t dapat ilagay ang mga ito sa malamig lamig na lugar.

Legal ang konstruksyon ng mega vaccination site sa lupaing pag-aari ng Nayong Pilipino Foundation Incorporated (NPFI) sa Parañaque City.

Binigyang diin ito ng Department of Tourism (DOT) dahil ang nasabing proyekto ay papakinabangan ng publiko at hindi para pagkakitaan, batay na rin sa nakasaad sa Presidential Decree 1445 o Government Auditing Code of the Philippies.

Itinanggi rin ng DOT ang mga claim na walang detalye sa pag-convert ng nasabing lupain bilang vaccination center dahil ika-8 ng Abril pa lamang ay nakatanggap na ang ahensya ng sulat mula kay National Task Force Secretary Carlito Galvez, Jr. na humihingi ng kunsiderasyon sa NPFI para sa nasabing proposal.

Bumagsak ang kita ng gobyerno mula sa turismo.

Ayon kay Tourism Secretary Bernadette Romulo-Puyat, sumadsad sa P2-bilyon mula sa halos P14-milyon ang kita sa turismo ng bansa.

Mabuti na lamang aniya dahil mayroong nakalaang P3-bilyon sa ilalim ng Bayanihan 2 para tulungan ang tourism workers na nawalan ng trabaho dahil sa pandemya.

P100-milyon mula sa nasabing pondo ay ibibigay sa mga tour guides na bawat isa ay makakatanggap ng P5,000.

Ipinag-utos ni Department of Foreign Affaris (DFA) Secretary Teodoro Locsin, Jr. ang paghahain ng diplomatic protest laban sa China dahil sa namataang 287 militia vessels nito sa West Phlippine Sea.

Nabisto ang Chinese militia vessels na nakatambay sa katubigang bahagi ng bansa sa isinagawang maritime patrols nitong ika-9 ng Mayo na patunay na pagsuway sa mga naunang protesta at demand ng gobyerno para alisin na ang mga barko nito sa teritoryo ng Pilipinas.

Magugunitang iginiit ni Locsin ang paghahain ng diplomatic protest kahit araw-araw pa hanggang tuluyang i-atras ng China ang mga barko nito sa West Philippine Sea.

Hinimok ng Private Hospitals Association Philippines Incorporated (PHAPI) ang PhilHealth na kasuhan ang mga ospital na sinasabi nitong mayroong mga pekeng claims.

Kasunod na rin ito ng imbestigasyon ng PhilHealth sa isinampa ritong 15,000 kaso ng false claim mula 2019 hanggang 2021.

Ayon kay Dr. Jose De Grano, pangulo ng PHAPI, na ang nasabing bilang ng kaso ay maliit na porsyento lamang ng may 3-milyong claims na isinasampa ng mga ospital.

Hindi aniya tamang lahatin ang mga pribadong ospital dahil apektado sa mga ganyang akusasyon ang mga tunay na ospital na wala namang ginagawang ilegal.

Sinabi ni De Grano na sa tuwing nahihirapan ang PhilHealth sa pagbabayad, pinalulutang nito ang mga umano’y pekeng claims kaya’t kung may ebidensya ang PhilHealth ay kasuhan na ang mga nasabing ospital.

Ipinabatid ni De Grano na batay sa assessmet ng PHAPI ngayong buwan, nasa mahigit P28-bilyon pa ang utang ng PhilHealth sa private hospitals at nasa 35% lamang sa halip na 60% ng claims ng mga ospital ang binabayaran ng PhilHealth sa ilalim ng debit-credit payment method.

Tiwala si Health Secretary Francisco Duque III na tuluy-tuloy na ang pagbaba ng kaso ng coronavirus disease 2019 (COVID-19) sa bansa.

Kasunod na rin ito ng magkasunod na araw na halos 5,000 na lamang ang naitatalang bagong kaso ng COVID-19.

Sinabi sa DWIZ ni Duque na malaking factor sa pagbaba ng COVID-19 cases ang mahigpit na pagpapatupad ng health and safety protocols

Dalawang araw nang sunod na 4,000 tayo. 4000 plus nalang, below 5,000. Sana magtuluy-tuloy. ‘Yung ginagawa ng ating national and local government ‘yung pagsunod ng ating mga kababayan, pinaigting na minimum public health standards,” ani Duque. —sa panayam ng IZ sa Alas Sais