Judith Estrada-Larino

Kinastigo ng alternative media outlets ang militar at ilang ahensya ng gobyerno na anila’y nasa likod ng cyber attacks sa websites nila.

Kasunod na rin ito nang pagbubunyag ng Sweden based media foundation na Qurium hinggil sa natanggap na denial attacks nuong isang buwan sa pages ng bulatlat, altermidya at karapatan.

Nadiskubreng Mayo 18 nang magsagawa ng vulnerability scan sa bulatlat.com ang isang makina ng dost na natukoy na Philippine Research, Education and Government Information Network.

Natukoy din ang IP address at firewall gayundin ang email address na naka rehistro sa Philippine Army sa Taguig.

Una nang iginiit ng bulatlat na politically motivated ang nasabing cyber attack sa kanilang website at nasayang ang buwis ng taumbayan sa nasabing hakbangin.

Kasabay nito ang apela sa gobyerno ng media outlets na itigil na ang cyber attack.

Ibinunyag ni Senate President Vicente Sotto III ang posibleng pagiging standard bearer ng  Nationalist People’s Coalition (NPC) ni Senador Panfilo Lacson.

Ito ayon kay Sotto ay sakaling magpasya si Lacson na pumalaot sa presidential elections bagamat hindi naman niya aniya madidiktahan ang mga kapartido kung sino ang susuportahang presidentiable.

Samantala bukod kina Congresswoman Loren Legarda at Sorsogon Governor Francis Chiz Escudero tinukoy ni Sotto sina dating  DICT Scretary Gregorio Honasan at dating Senador JV Ejerito na interesadong tumakbo muli sa pagka-senador at maaari naman aniyang i-adopt ng NPC ang mga re-election senator tulad ni Senador Sherwin Gatchalian.

Graduate na sina Sotto, Senate Presidential Protempore Ralph Recto at Senate Minority Floorleader Franklin Drilon at target naman ni Lacson ang tumakbong muli sa presidential elections o mag-retiro.

Itinuturing naman ni Sotto ang Pangulong Rodrigo Duterte bilang formidable competitor o malakas na kalaban ito sa pagka-bise presidente. —ulat mula kay Cely Ortega Bueno (Patrol 19)

Mahigpit pa rin ang pagtanggi ng Pangulong Rodrigo Duterte na humarap sa International Criminal Court (ICC) kaugnay sa posibleng imbestigasyon sa anti-drug war campaign ng gobyerno.

Tinawag ng pangulo na bullshit ang ICC kayat hindi aniya niya ide-depensa o haharapin ang akusasyon sa harap ng “white people” na tinawag niyang loko-loko.

Iginiit pa ng pangulo na hindi binding o walang bisa ang Rome statute dahil hindi naman ito nai publish sa government publication nang i-ratify ito ng Senado.

Mas lalawakan pa simula ngayong araw na ito ang paguusap ng gobyerno at Israeli experts team hinggil sa vaccination rollout.

Ayon ito kay Vaccine Czar Carlito Galvez kung saan partikular na tututukan nila ang pagpapa reserve ng COVID-19 vaccines.

Bukod pa aniya ito sa ituturong sistema ng Israeli health experts para mas maging mabilis ang pamamahagi ng bakuna.

Labing lima (15,000) hanggang 20,000 doses ng COVID-19 vaccine ang makukuha ng mga lalawigan sa labas ng Metro Manila.

Ipinabatid ito ni Vaccine Czar Carlito Galvez Jr. kapag dumating na sa bansa ang mas maraming supply ng bakuna kontra COVID-19.

Sinabi ni Galvez na 5.5 million doses ng sinovac vaccine ang ipapadala pa sa bansa ng china sa susunod na buwan.

Nilinaw ni Galvez na target ng vaccine manufacturer na matapos ang 20.5 million doses na nakatakdang i-deliver sa buwan ng Setyembre sa halip na sa Nobyembre.

Sa ngayon aniya ay mahigit 14 million doses na ng bakuna ang napapasakamay ng bansa kung saan mahigit 9 milyon ay dumating nitong Hunyo.

Kasabay nito ipinagmalaki ni Galvez ang sinelyuhang 40 million doses ng COVID-19 vaccine ng Pfizer kung saan uubra na ring maiturok sa mga may edad 12pataas.

Nagbanta ang Pangulong Rodrigo Duterte na susuwayin niya ang anumang utos ng korte kaugnay sa quarantine protocols  dahil ang pagtugon sa pandemya ay itinuturing na national interest.

Kasunod na rin ito nang isinampang petisyon ng dalawang abogado sa Cebu na humihiling sa korte na ideklarang inapplicable o hindi uubra sa lalawigan ang protocols ng gobyerno para sa mga papasok na travelers.

Binigyang diin ng pangulo na hindi dapat makialam ang korte sa usapin dahil hindi ito ang tamang pagkakataon para paganahin nito ang kanyang kapangyarihan.

Ikinuwento pa ng pangulo na nakipag kita sa kanya nuong isang linggo si Cebu Governor Gwen Garcia kung saan tiniyak niyang patas sila at nakita naman niya ang punto nito bagamat hindi siya sang ayon dito.

Mahigpit na kinundena ng isang Watchdog at Think Tank ang anito’y patuloy na panghihimasok at paniniktik ng China sa Pilipinas.

Kasunod na rin ito nang pagkakabunyag ng tangkang surveillance ng China sa Pilipinas nuong Arroyo Administration na nagtangkang ipasok ang national broadband network ng ZTE Corporation ng China nuong 2007.

Ayon kay Bency Ellorin, pangulo ng Pinoy aksyon for governance and the environment dapat malaman ng publiko na ang dating Pangulong Gloria Macapagal-Arroyo ay kasabawat sa plano ng China na magpasok ng negosyo sa pilipinas para simulan ang pag-eespiya nito.

Ang NBN ZTE deal aniya ang unang malakihang pagtatangka ng China na maniktik sa pilipinas at mabuti na lamang ay nabantayan ng taumbayan at ng senado at napigil ang NBN ZTE scam.

Lumutang na ang mga isyung kabuntot ng nasabing scam tulad ng mga milyon milyong dolyar na suhol na kinasasangkutan nina dating First Gentleman Mike Arroyo, dating Comelec Chairman Benjamin Abalos at dating NEDA Director General Romulo Neri.

Binigyang diin ni Ellorin na ang isyu hindi lamang graft and corruption at pandarambong kundi seguridad ng bayan at batid naman ng lahat na ang korporasyong Tsino ay inuutusan ng kanilang batas na tumulong sa paniniktik, spying o surveillance sa loob ng bansa kung saan mayruon silang mga negosyo.