Judith Estrada-Larino

Ito ayon kay UP-NIH Director Eva Dela Paz ang maituturing na pinaka-common symptom ng Delta variant ng coronavirus bagama’t paiba iba aniya ang iba pang sintomas ng nasabing variant.

Ipinabatid ni Dela Paz na ang Delta variant batay sa report ng maraming bansa ay nagdudulot ng mas maraming pagkaka ospital lalo nat mabilis itong makahawa kumpara sa iba pang variant at 60% na higit na infectious kaysa alpha na una nang na-detect sa United Kingdom.

Ayon naman kay Dr. Edsel Maurice Salvana, miyembro ng IATF-TAG lumalabas sa pag-aaral ng Australia na mas maikli pa sa 15 minutes na close contact ang epekto ng Delta variant na kaagad nakakahawa o nakaka -nfect kapag dumaan lamang sa harap ng isang hindi infected ang isang dinapuan ng Delta variant.

Mas matindi rin aniya ang kapit ng Delta variant sa mas maraming tao partikular ang mga bata.

Iginiit ng isang grupo ng Pinoy nurses sa gobyerno ang pagalis na o pag-lift ng deployment ban sa lahat ng health care workers.

Ayon kay Maristela Abenojar, pangulo ng Filipino Nurses United mayroon namang maiiwang sapat na bilang ng mga nurse sa bansa kahit pa alisin ng gobyerno deployment ban.

Bukod dito binigyang diin ni Abenojar ang karapatan ng mga nurses na maghanap ng mas malaking pasahod at magandang oportunidad sa ibang bansa para buhayin ang kanilang pamilya sa Pilipinas.

Sinabi pa ni Abenojar na hindi kailangan at hindi makatuwiran ang 5,000 cap o bilang ng health care workers kabilang ang nurses na uubrang palabasin ng bansa sa gitna ng pandemya lalo pat kumpleto naman sa mga dokumento ang mga nasabing Pinoy health care workers.

Magugunitang itinaas pa ng IATF ang taunang cap sa P6, 500.

Patuloy ang paggalaw papalapit sa Philippine Area of Responsibility (PAR) ng bagyong nasa silangang bahagi ng bansa.

Ipinabatid ng PAGASA na ang nasabing sama ng panahon ay pinakahuling namataan sa layong halos 2,000 kilometro silangan ng Bicol region at taglay ang pinakamalakas na hanging umaabot sa 55 kilometro kada oras.

Ayon pa sa PAGASA pinalalakas ng bagyo ang umiiral na habanging habagat.

Kaugnay nito ibinabala ng PAGASA ang posibleng pagbaha sa western section ng bansa kayat dapat maghanda na ang mga residente rito.

Magandang balita ang pagbaba ng 3,000 hanggang 5,000 nang naitalang kaso ng COVID-19 sa bansa kahapon na itinuturing na pinakamababang naitala sa buwang ito.

Ayon ito kay Dr. Ted Herbosa, medical expert sa national task force against COVID-19 matapos maitala sa 3,666 ang mga bagong kaso ng COVID-19 kahapon bagamat mayruon namang mga laboratoryo na hindi nakakaabot sa deadline sa pagsusumite ng COVID-19 data nila.

Sinabi ni Herbosa na good news din ang inaasahang pagdagsa ng supply ng bakuna simula ngayong linggo para mas bumilis at maparami ang mabakunahan kontra COVID-19.

Walang nakikitang dahilan si PNP Chief Guillermo Eleazar para damputin ang mga ayaw magpabakuna tulad na rin nang babala ng Pangulong Rodrigo Duterte.

Sa katunayan ipinabatid ni Eleazar na maraming Pilipino ang gustong magpa bakuna na lalo na’t sunud sunod na ang pagdating ng supply ng COVID-19 vaccine.

Sinabi sa DWIZ ni Eleazar na mahalaga lamang ma maipaabot sa taumbayan na mayruon nang supply ng bakuna kayat uubra na silang magpaturok para na rin sa kanilang proteksyon.

Tulad na lamang aniya ng kanilang sitwasyon sa PNP kung saan 93% na ng kanilang mga pulis ay nais magpa-bakuna mula sa dating halos wala pang 50%.

Wala po tayong huhulihin una dahil nakikita naman natin ang ating kababayan ay pumipila sa vaccination sites. Pero sa tingin ko sa ating ginagawang kamnpanya ng iba’t ibang sector at ahensya. We encouraged more the people to go the vaccination sites,” ani Eleazar sa panayam nng IZ sa Ala-sais

Uubra sa Pilipinas ang ginamit na strategy ng Israeli Health Ministry para mapabilis ang vaccination roll out sa bansa.

Ipinabatid ito sa DWIZ ni Dr. Ted Herbosa, medical expert ng national task force against COVID-19 bagamat nananatili ang mahigpit na border control sa Israel na nakatapos na sa pagbabakuna ng walong milyong populasyon nito.

Malaki aniyang bagay ang paggamit ng apat na malalaking HMO O health maintenance organization ng Israel para matiyak na lahat ng tao sa kanilang bansa ay mabakunahan.

Mayroong sila 4 na HMO o health maitenance organizations, na in-charge to make sure na lahat dapat mabakunahan ay ma-vaccinate. May programa din sila na tinutulungan nila mag-kumbinse lalo sa mga ultra othodox Jews na kausapin tto convince them to vaccinate sila, ani Herbosa sa panayam ng IZ sa Ala-sais

Tuluy-tuloy ang pagpapauwi ng gobyerno sa mga OFW mula sa ibat ibang bansang apektado ng COVID-19 pandemic.

Sinabi sa DWIZ ni Labor Secretary Silvestre Bello III na nasa 586 thousand OFW’s na ang nakabalik ng bansa.

Marami pa aniya silang i-uuwing OFW bagamat ang dumarating sa ngayon ay halos kalahati na lamang ang bilang ng mga ito mula sa dating mahigit 3,000 na sagot nila ang gastusin sa buong quarantine period ng mga ito.

Tuloy- tuloy na iyan kung hindi lini-limitan kasi ngayon lini-limitan from 1,000 to 1.500 maximum. Kapag hindi lini-limitan iyan aabot 3,000 kada araw, pati quarantine nila dinadala namin sila sa hotel. Tapos kung minsan ang hotel na pinalalagyan namin ay 5 star, nauubosan tayo ng hotel kasi sa daming OFWs at mga bisita na dumaratin sa bansa,” ani Bello sa panyam ng Balitang Todong Lakas