Pagpapalakas pa ng quarantine measures.
Ito ayon kay Dr. Ted Herbosa, medical expert sa National Task Force against COVID-19 ang dapat tutukan ng gobyerno para matiyak na maisasalang sa COVID- 19 test ang lahat ng mga papasok sa Pilipinas saan mang bansa galing ang mga ito.
Sinabi sa DWIZ ni Herbosa na hindi uubra ang border control lalo na sa 80 bansa kung saan mayruon nang mga kaso ng delta variant ng coronavirus.
Muling lalakas ang pagbabakuna ng gobyerno kontra COVID-19 matapos dumating sa bansa kagabi ang halos 250k doses ng Moderna vaccines gayundin ang panibagong suplay ng isang milyong doses ng Sinovac vaccines kaninang umaga.
Ayon kay Dr. Ted Herbosa medical expert sa National Task Force against COVID-19 malaking tulong ang ika-limang COVID – 19 vaccine para magtuluy tuloy ang vaccination roll out ng pamahalaan at tuluyang maabot ang herd immunity.
Sinabi sa DWIZ ni Herbosa na pinaplantsa na nila ang distribution ng mga nasabing bakuna kontra COVID- 19 bagamat sigurado na ang bahagi ng supply nito sa Metro Manila.
Dinala ng due league with cold storage at ang 2k pinurchase ni …. at yung 150 sa ating government this will be distributed n Metro Manila muna, kasi we are trying to understand paano ito bago i-deploy sa probinsya…Literally ang quarantine protocols naman kino-cover iyan,kasi if you are coming from Indonesia dapat maquarantine pa rin in a facility at matest ka in 7 days at hindi naman ire-relief kung tinatago iyan, syempre … sa mga probinsya ma-quarantine ka muna temporarily ″pahayag ni Dr. Ted Herbosa.
Dumagsa ang mga bulaklak at kandila malapit sa bahay ng mga Aquino sa Times St. sa Quezon City.
Maging ang mga mensahe ng pakikiramay kaugnay nang pagpanaw ng dating Pangulong Noynoy Aquino.
Nilagyan din ng mga lobo at bulaklak ang harap ng gate ng bahay ng Pamilya Aquino.
Kahapon ng umaga nang pumanaw ang dating pangulo sa capitol medical center dahil sa renal disease secondary to diabetes.
Bukas, sabado ang urn ng dating pangulo ay nakatakdang ihatid sa Manila Memorial Park katabi ng puntod ng mga magulang na sina dating Senador Ninoy Aquino at dating Pangulong Corazon Aquino.
Binuksan na ng pamilya Aquino kaninang alas-10 ng umaga ang public viewing sa urn ng dating Pangulong Noynoy Aquino sa Ateneo De Manila University.
Ayon sa pamilya Aquino tatagal hanggang mamayang alas-10 ng gabi ang urn ng dating Pangulong Aquino sa unibersidad.
Una nang iniuwi ng pamilya Aquino ang urn ng dating pangulo mula sa Heritage Park sa taguig kung saan isinagawa muna ang pribadong novena.
Ang dating pangulo ay sumakabilang buhay kahapon ng alas-6:30 ng umaga sa Capitol Medical Center dahil sa renal disease secondary to diabetes.
Lider na walang pagod nagsulong ng kapayaan sa rehiyon ng Mindanao para sa mga Bangsamoro.
Binigyang diin ito ng Bangsamoro parliament matapos i-adopt ang resolusyon na isinulong ng Bangsamoro Transition Authority bilang pakiki-simpatiya at pagpapaabot ng pagdadalamhati sa pamilya ng yumaong dating Pangulong Noynoy Aquino.
Nakasaad sa resolusyon ang commitment ng dating pangulo para makahanap ng solusyon sa kaguluhan sa Mindanao na nagbigay daan sa anito’y breakthrough sa Bangsamoro peace process.
Kabilang dito anila ang negosasyon sa MILF naging daan nang paglagda sa comprehensive agreement on the Bangsamoro.
Ayon pa sa BTA maaalala ang dating Pangulong Aquino bilang Chief Executive na naglatag ng pundasyon ng kasalukuyang bangsamoro government at nagsulong ng maraming reporma sa buong Muslim Mindanao region.
Bukas ang pamahalaan na baguhin ang kanilang COVID-19 response, basta’t nakabatay ito sa siyensya.
Ito ang naging reaksyon ng Department of Health (DOH) matapos na kuwestiyunin ng ilang senador ang kanilang desisyon hinggil sa pananatili ng obligadong paggamit ng face shield.
Ayon kay Dr. Beverly Ho, director ng DOH Health Promotion and Disease Prevention and Control Bureau, bagama’t inire-respeto nila ang opinyon ng publiko, at ng mga opisyal ng gobyerno ay nais nilang bigyang diin na nakabatay sa siyensya ang kanilang mga desisyon.
Dahil dito, asahan na aniya na magbago ang kanilang ipinatutupad na COVID-19 response, dahil nakabatay ito sa mga pag-aaral.
Matatandaang, kinuwestiyon ng ilang senador, kabilang na nina Senate President Vicente Sotto III; Senators Nancy Binay, Joel Villanueva at Aquilino “Koko” Pimentel III ang nakalilitong polisiya ng pamahalaan hinggil sa paggamit ng face shield.
Pinai-imbestigahan ni Congressman Alfonso Umali sa kamara ang anito’y maanomalyang public bidding ng Philippine Ports Authority.
Kasunod na rin ito nang inihaing resolusyon ni Umali para sa joint inquiry in aid of legislation ng committee on good governance and public accountability at committee on transportation sa anomalya sa bidding sa pagtatayo ng limang pantalan sa bansa.
Ayon kay Umali, nalugi ang gobyerno ng halos P1. 3 bilyon sa public bidding na hindi napapanahon base sa mga probisyon sa ilalim ng bagong terminal leading and management rules and regulations.
Sinamantala aniya ng mga opisyal ng PPA ang kanilang posisyon at impluwensya para paboran ang isang korporasyon at i-award dito ang kontrata sa konstruksyon ng mga nasabing pantalan at nawalan din ng trabaho dahil sa public bidding ang tinatayang 11,000 manggagawa.
Arestado ang isang American national na umano’y pumatay sa may bahay nitong Pilipina sa Amerika at una nang idineklarang nawawala sa loob ng dalawang taon.
Ang suspek na si Dane Kallungi, 38 anyos ay kinasuhan ng first degree murder matapos arestuhin sa Albuquerque, New Mexico nitong Hunyo 16 dahil sa pagpaslang sa asawang si Jepsy Amaga kallungi, 26 anyos.
Ayon kay Lt. Joe Frabbile ng Colorado Springs Police Department, may mga usapan ng hiwalayan ng mag asawa nang mangyari ang pagpaslang ni kallungi sa asawang Pinay sa pamamagitan ng pagsakal dito at paglilibing sa labi nito.
Sinabi ni Frabbile na naipaalam na nila sa mga kaanak ng pinay sa Pilipinas at Hong Kong ang pagkaka aresto kay kallungi na pina-plantsa na ang extradition pabalik sa Colorado.
Nabatid na nakipag-ugnayan na ang pamilya ng Pinay sa Philippine Embassy sa Washington para makuha ang labi nito.
Ang Pinay na si Jepsy ay huling nakita nuong Marso 20, 2019.
Hinahanap ni Iloilo City Mayor Jerry Treñas ang libu-libong bakuna na umano’y bahagi ng kabuuang supply na ibinigay dito ng Department of Health (DOH).
Ayon kay Treñas, nasa 66,000 lamang na bakuna ang natanggap nila mula sa 84,000 vaccines na ipinadala umano ng DOH sa lungsod.
Sinabi ni Treñas na sumulat na siya kay DOH Western Visayas Director Emilia Monicimpo para tanungin sa vaccine supply sa Iloilo City subalit wala pa siyang natatanggap na sagot mula rito.
Inihayag ni Treñas na hindi nagtatagal sa kanila ang bakuna kung saan walong libo ang naituturok sa kanilang residente araw-araw.
Kaugnay nito muling umapela si Treñas sa national government para magpadala ng dagdag na bakuna at huwag namang ibigay ang malaking bahagi ng supply sa Metro Manila at walo pang lalawigang kalapit nito.
Wagi si Wesley So sa 2021 Paris Rapid and Blitz Tournament.
Scintillating o kamangha mangha ang pagsasalarawan ng tournament observers sa naging performance ni So sa nasabing event.
Si So ay nakapagtala ng kabuuang 24. 5 points kung saan 12 points sa rapid at 12.5 points sa Blitz para padapain ang Russian player na si Ian Nepomniachtchi na nakagawa ng 21. 5 points.
Binigyang diin ng grandchesstour.org sa website nito na hindi lamang basta nanalo sa tournament si So kundi nananatili itong unbreakable o hindi magigiba.
Kabilang ang bucharest leg ng grand chess tour isang beses lamang natalo si So sa 36 matches nito.
Magugunitang si So ay umalis ng Pilipinas para katawanin ang Amerika sa mga international competitions.