Author

Gilbert Perdez

DWIZ 882

Cebu City councilor at dating Cong. Antonio Cuenco pumanaw dahil sa COVID-19

Pumanaw na si Cebu City councilor at dating Congressmen Antonio Cuenco sa edad na 84 matapos tamaan ng coronavirus disease 2019 (COVID-19).

Sa isang post sa Facebook ng kanyang anak na si James Cuenco, kinumpirma nito na nakaranas muna ng lagnat at ubo ang dating mambabatas noong Hunyo 18 kaya’t isinalang ito sa swab test noong araw ding iyon.

Inabot muna ng dalawang araw bago lumabas ang resulta na nagpositibo ito sa COVID-19.

Si Cuenco ay anak ni dating Governor Manuel Cuenco at apo naman ni dating Senate President Mariano Jesus Cuenco.

Matatandaang isa rin siya sa mga may-akda ng Republic Act 9165 o mas kilala bilang Comprehensive Dangerous Drugs Act of 2002.

June 27, 2020 0 comment

SPORTS

NBA fans nalungkot matapos magretiro si Vince Carter

written by Gilbert Perdez

Nalungkot ang maraming fans ng National Basketball Association (NBA) matapos magretiro ang dunk legend na si Vince Carter.

Magugunitang naglaro sa walong magkakaibang team ang eight-time All-Star player pero mas namayagpag ito sa Toronto Raptors kung saan siya nanatili ng pitong taon.

Naging global sensation si Carter makaraang maghari sa 2000 Slam Dunk Contest bago sinamahan ang koponan ng Amerika sa Olympics noong taon ding iyon.

Huli siyang naglaro sa NBA noong Marso 11 sa panig ng Atlanta Hawks.

June 26, 2020 0 comment

ENTERTAINMENT

Blackpink naglabas ng bagong kanta

written by Gilbert Perdez

Naglabas ng bagong kanta ang Blackpink na may pamagat na “How You Like That.”

Sinasabing bahagi lamang ito ng full-length album na ilulunsad ng South Korean girl group sa Setyembre.

Matatandaang naglabas naman si Lady Gaga ng kanyang collaboration song na “Sour Candy” kasama ang Blackpink noong nakaraang buwan.

June 26, 2020 0 comment

INTERNATIONAL NEWS

Tensiyon sa pagitan ng China, India sa Himalayan border lalong umigting

written by Gilbert Perdez

Lalong pinalalala ng China ang tensiyon sa Himalayan border makaraang mag-deploy ito ng maraming sundalo at mga armas pandigma.

Ayon sa foreign ministry ng India, ang hakbang na ito ng Beijing ay paglabag umano sa bilateral agreements ng dalawang bansa.

Matatandaang nagkabatuhan at nagkapaluan ang mga tropa ng China at India kung saan higit 20 ang nasawi habang 76 iba pa ang nasugatan.

June 26, 2020 0 comment

NATIONAL NEWS

COVID-19 cases sa bansa umakyat na sa 34,073 — DOH

written by Gilbert Perdez

Umakyat na sa 34,073 ang bilang ng mga tinamaan ng coronavirus disease 2019 (COVID-19) sa Pilipinas.

Ito’y makaraang makapagtala ang Department of Health ng 1,006 na bagong impeksiyon.

Ayon sa DOH, sa nabanggit na bilang, 788 ang fresh cases habang 218 naman ang late cases.

Sumampa naman sa 9,182 ang mga nakarekober matapos maitala ang 274 recoveries.

Samantala, pumalo na rin sa 1,224 ang bilang ng mga nasawi sa pagpanaw ng 12 pang pasyente.

June 26, 2020 0 comment

INTERNATIONAL NEWS

14 militia members timbog sa Iraq

written by Gilbert Perdez

Nilusob ng Iraqi security forces ang isang kuta ng armadong grupo na suporta umano ng Iran sa Baghdad.

Sa ulat ng Al Jazeera, tinatayang 14 militia members ang nahuli ng mga awtoridad sa lugar.

Ayon sa Iraq, ang Kataib Hezbollah faction ang pinaghihinalaan ng Estados Unidos na nagpasabog ng rockets sa kampo ng US troops at iba pang mga pasilidad sa kanilang bansa.

June 26, 2020 0 comment

SPORTS

Boxing legend Roberto Duran nagpositibo sa COVID-19

written by Gilbert Perdez

Hanging boxing gloves. Very low key and heavy shadows

Tinamaan ng coronavirus disease 2019 (COVID-19) si six-time boxing world champion Roberto “Hands of Stone” Duran.

Sa isang Instagram post, binanggit ng kanyang anak na si Robin na kasalukuyang nakaratay sa ospital sa Panama ang kanyang ama.

Pero masayang sinabi ni Duran na maliban sa sipon ay wala nang ibang sintomas na nararamdaman ang kanyang ama at bumubuti na ang kondisyon ng boxing legend.

June 26, 2020 0 comment

ENTERTAINMENT

Ex-Hashtags member Jon Lucas tinamaan ng COVID-19

written by Gilbert Perdez

Nagpositibo sa COVID-19 rapid test ang dating miyembro ng grupong Hashtags na si Jon Lucas.

Ayon sa ulat, kahit nakaranas ng sintomas ng sakit si Lucas ay hindi naman naging malubha ang kondisyon nito.

Katunayan, tatlong araw lang na nanatili sa ospital ang singer.

Naniniwala ang aktor na ang paniniwala niya sa Diyos ang nagligtas sa kanya mula sa panganib ng nabanggit na sakit.

June 26, 2020 0 comment

NATIONAL NEWS

Pagkulong sa suspek ng 2 linggo, unconstitutional —VP Robredo

written by Gilbert Perdez

Labag sa Saligang Batas o unconstitutional ang nakasaad sa anti-terrorism bill na maaaring idetine ang isang pinaghihinalaang terorista sa loob ng dalawang linggo.

Ito ang binigyang diin ni Vice President Leni Robredo kasabay ng paglilinaw na dapat ay hanggang tatlong araw lamang puwedeng ikulong ang isang suspek.

Dahil dito, sinabi ni Robredo na mahalagang buksan ng mga mambabatas ang pagbabago sa nabanggit na probisyon.

Dapat din aniyang siguruhin na hindi ito maaabuso ng mga awtoridad.

June 25, 2020 0 comment

NATIONAL NEWS

Lockdown ikinasa sa mga tanggapan ng HRET

written by Gilbert Perdez

Isinailalim sa lockdown ang mga tanggapan ng House of Representatives Electoral Tribunal (HRET) sa Quezon City dahil sa posibleng kaso ng coronavirus disease 2019 (COVID-19).

Ayon kay Supreme Court Associate Justice Marvic Leonen, ginawa ang hakbang upang bigyang-daan ang isasagawang disinfection at quarantine sa lahat ng personnel sa loob ng 14 araw.

Sinabi ni Leonen na hinihinalang dinapuan ng virus ang isang liaison officer kasunod ng staff-wide rapid test noong nakaraang linggo.

June 25, 2020 0 comment

Newer Posts

Older Posts