Author

Gilbert Perdez

DWIZ 882

7 barangay chairman sa Pangasinan suspendido dahil sa umano’y anomalya sa SAP

Pinatawan ng anim na buwang suspensiyon ang pitong barangay chairmen sa ilang bayan ng Pangasinan dulot ng umano’y anomalya sa social amelioration program (SAP).

Kinilala ang mga ito na sina Lawrence Gilbert Delos Angeles ng Barangay Balogo; Froilando Fernandez ng Barangay Gayaman; Rogelio Fernandez ng Barangay Caloocan Norte, at Jesus Dennis Ruiz ng Barangay San Isidro sa bayan ng Binmaley; Walter Velasco ng Barangay Cablong sa Sta. Barbara; Ariel Cayabyab Hiquiana ng Barangay San Vicente sa San Jacinto, at Angel Sombrito ng Barangay Calanutan sa bayan ng Rosales.

Ayon kay DILG Pangasinan Provincial Director Paul Lalata Jr., kabilang sa mga kinakaharap na reklamo ng mga barangay officials ay sinasabing grave misconduct prejudicial to the best interest of service, abuse of authority, at oppression.

October 2, 2020 0 comment

HEADLINES HOT STORIES OF THE WEEK NATIONAL NEWS

DTI pinayagan ang ilang industriya, negosyo na full capacity na ang operasyon

written by Gilbert Perdez

Naglabas na ang Department of Trade and Industry (DTI) ng listahan ng mga industriya o negosyong papayagang mag-operate sa full capacity sa ilalim ng general community quarantine (GCQ).

Batay sa memorandum circular ng DTI, maaari nang magdagdag ng operational capacity ang mga negosyong kinabibilangan ng mining & quarrying; ilang financial services tulad ng money exchange, insurance, reinsurance, lending companies, at non-compulsory pension funding; legal & accounting; management consultancy activities; architecture & engineering activities; technical testing & analysis; scientific & research development; at advertising & market research.

Maaari na ring isagad ang kapasidad ng operasyon ng mga nasa hanay ng computer programming, publishing & printing services, tulad ng film, music, at TV production.

Samantala, puwede na ring magdagdag ng kapasidad ang ilang negosyo tulad ng recruitment & placement agencies kasama ang overseas employment; photography services, industrial, graphic, & interior design; wholesale & retail trade ng mga motor vehicles, motorcycles, at bicycles, kasama na rito ang parts at components; at maging ang mga talyer o pagawaan ng mga motor vehicles, motorsiklo, at bisikleta, gayundin ang vulcanizing shops, battery repair shops, auto repair shops, at car wash.

Saklaw din naman ng kautusan ang mga mall at commercial centers na mayroong non-leisure business activities at mall-based non-leisure wholesale at retail establishments gaya ng hardware stores; clothing & accessories; bookstore o school office supplies stores; infant care supplies; pet shops, pet food & pet care supplies; IT, communications & electronic equipment; flower, jewelry, novelty, antique, at perfume shops; toy stores [pero dapat sarado ang mga playgrounds at amusement areas]; music stores; art galleries [selling purposes]; at firearms & ammunition trading establishment.

Ayon kay DTI Secretary Ramon Lopez, pinapayagan na rin nila ang full operation ng mga nasa hanay ng Public at private construction projects.

Hanggang pitumpu’t limang porsiyento naman ang pinapayagang operasyon ng mga barbershops at salons.

Samantala, hanggang 24 oras na ang dine-in, take-out, at delivery services ng mga food establishments.

October 2, 2020 0 comment

NATIONAL NEWS

49k na mga marinong Pinoy balik trabaho na

written by Gilbert Perdez

Aabot sa 49,000 Filipino seafarers ang nai-deploy kasunod ng unti-unting pagbubukas ng seafaring industry sa gitna ng coronavirus disease 2019 (COVID-19) pandemic.

Ayon kay POEA administrator Bernard Olalia, nangangahulugan ito na sa kabila ng krisis sa buong mundo ay dahan-dahan nang bumabalik sa normal ang deployment at nakakasakay na muli sa barko ang mga seafarers.

Samantala, muli namang nagbabala sa publiko ang POEA na mag-ingat sa pag-a-apply ng trabaho online at makipag-ugnayan sa kanilang tanggapan ukol sa recruitment at job vacancies upang hindi mabiktima ng mga illegal recruiters.

October 2, 2020 0 comment

NATIONAL NEWS

Petisyong patawan ng buwis ang VFP ibinasura

written by Gilbert Perdez

Ibinasura ng Court of Tax Appeals (CTA) ang hirit ng Taguig City government na patawan ng real property taxes ang Veterans Federation of the Philippines (VFP).

Batay sa desisyon ng Third Division ng tax court, binigyang diin nito na walang merito ang petisyon ang lokal na pamahalaan ng Taguig dahil isang government instrumentality o bahagi ng gobyerno ang VFP kaya’t exempted ito sa pagbabayad ng buwis.

Sinasabing sa assessment ng Taguig LGU, lumalabas na hindi umano nagbayad ng buwis ang VFP para sa limampung ektaryang lupain nito sa Western Bicutan na nagkakahalaga ng P99 milyon mula 1989 hanggang 1999.

October 2, 2020 0 comment

NATIONAL NEWS

Bilang ng mga taong maaaring makapasok sa simbahan nais padagdagan sa IATF

written by Gilbert Perdez

Nanawagan sa Inter-Agency Task Force for the Management of Emerging Infectious Diseases (IATF-EID) ang isang Quiapo Church official na payagan ang pagpasok ng mas maraming tao sa loob ng mga simbahan.

Ito’y makaraang bumuhos sa labas ng simbahan ng Quiapo ang maraming deboto para sa misa sa unang Biyernes ng kasalukuyang buwan na sinasabing paglabag sa physical distancing protocols dulot ng COVID-19 pandemic.

Ayon kay Parochial Vicar, Fr. Douglas Badong, kung dadagdagan ang kapasidad ng mga simbahan ay mas magiging organisado ang mga tao at titiyakin nilang masusunod ang mga health protocols.

Sa ilalim ng general community quarantine (GCQ) na tatagal ng hanggang Oktubre 31, limitado lamang sa 10% ng seating capacity ng venue ang pinapayagan ng mga awtoridad.

October 2, 2020 0 comment

INTERNATIONAL NEWS NATIONAL NEWS

DFA naglabas ng abiso para sa mga Pinoy na patungong Iraq

written by Gilbert Perdez

Pinayuhan ng Department of Foreign Affairs (DFA) ang mga Pilipino na iwasan munang bumiyahe patungong Iraq kasunod ng rocket assaults sa Baghdad International Airport at Green Zone.

Paliwanag ng DFA, kung hindi naman maaaring i-postpone ang biyahe, dapat tiyakin na walang umiiral na curfew sa kanilang destinasyon.

Batay sa advisory ng ahensya, dapat ding iwasang mag-book ng flights na gabi o umaga ang dating o arrival sa Baghdad, Basra, at iba pang paliparan sa Kurdistan Region.

Madalas tina-target ng rocket attacks ang ilang Iraqi military bases na siya ring tinutuluyan ng American troops, gayundin ang Green Zone na tahanan naman ng maraming foreign missions, kabilang ang US embassy.

October 2, 2020 0 comment

HEADLINES NATIONAL NEWS

COVID-19 cases sa bansa pumalo na sa mahigit 316k

written by Gilbert Perdez

Nananatili pa ring episentro ng coronavirus crisis ang National Capital Region (NCR).

Ito ang inihayag ng Department of Health (DOH) makaraang makapagtala ang ahensya ng 2,150 na bagong kumpirmadong kaso sa buong bansa dahilan upang umakyat na sa 316,678 ang kabuuang bilang ng COVID-19 infections.

Ang datos ay nakuha ng COVID-19 Data Repository System (CDRS) mula sa pitong laboratoryo sa iba’t-ibang panig ng bansa.

Bukod dito, nakapagtala ang DOH ng 416 na bagong recoveries kaya’t sumampa na sa 254,617 ang bilang ng mga gumaling mula sa sakit.

Sumirit naman sa 5,616 ang death toll kasunod ng pagpanaw ng 56 pang pasyente.

October 2, 2020 0 comment

INTERNATIONAL NEWS

Kilos-protesta sa Israel nagpatuloy sa kabila ng pandemic

written by Gilbert Perdez

Nagpatuloy ang kilos-protesta ng libu-libong Israelis sa Jerusalem para ipanawagan ang pagbibitiw sa puwesto ni Prime Minister Benjamin Netanyahu sa kabila ng lockdown dulot ng coronavirus disease 2019 (COVID-19) pandemic.

Ayon sa Israeli media, sumugod ang mga raliyista sa Tel Aviv at Caesarea habang ang ilan ay inilatag sa social media ang kanilang mga aktibidad.

Binigyang diin ng mga cause-oriented groups na kaya lang umano nagkasa ang gobyerno ng mas mahigpit na lockdown sa lugar ay upang mapigilan ang ginagawa nilang kilos-protesta.

September 27, 2020 0 comment

INTERNATIONAL NEWS

Armenia nagdeklara ng martial law sa kanilang bansa

written by Gilbert Perdez

Nagdeklara ng batas militar ang Armenia kasunod ng bakbakan na naganap sa pagitan ng puwersa nito at tropa ng Azerbaijan sa pinag-aagawang Nagorno-Karabakh region.

Ayon sa defense ministry ng Armenia, sinalakay ng Azerbaijan ang ilang civilian settlements sa rehiyon kaya’t napilitan silang gumanti sa mga ito.

Sa pagresbak ng Armenian troops, dalawang helicopters at tatlong drones ng Azerbaijan ang bumagsak.

Hindi pa tukoy ang bilang ng mga nasawi at sugatan sa bakbakan ng magkabilang panig.

September 27, 2020 0 comment

HEADLINES NATIONAL NEWS

Mga Pinoy abroad na nagpositibo sa COVID-19 pumalo na sa 10,438 —DFA

written by Gilbert Perdez

Pumalo na sa 10,438 ang bilang ng mga Pilipinong dinapuan ng coronavirus disease 2019 (COVID-19) sa ibayong dagat dahil limang bagong kaso na naitala ng Department of Foreign Affairs (DFA).

Batay sa pinakahuling case bulletin ng DFA, 6,654 pa rin ang total recoveries habang nananatili naman sa 791 ang kabuuang bilang ng mga nasawi o death toll.

Sa nabanggit na tally, ayon sa DFA, nasa 2,993 na lamang ang aktibong kaso.

September 27, 2020 0 comment

Newer Posts

Older Posts