Gilbert Perdez

Nadagdagan pa ng 539 ang bilang ng mga gumaling mula sa COVID-19 sa Pilipinas dahilan upang umakyat na sa 295,312 ang total recoveries sa ating bansa.

Batay sa pinakahuling case bulletin ng Department of Health (DOH), pumalo na sa 354,338 ang kabuuang bilang ng coronavirus cases sa bansa bunsod ng 2,673 na bagong naitalang impeksiyon.

Sinasabing sa bilang na ito ay 52,423 na lamang ang aktibong kaso.

Samantala, sumampa na sa 6,603 ang death toll matapos ang pagpanbaw ng 73 pang pasyente.

JUST IN: Kaso ng COVID-19 sa bansa, nadagdagan pa ng 2,673 ngayong Sabado, Oktubre 17.

Pumalo na sa kabuuang 354,338 ang bilang ng kumpirmadong kaso ng COVID-19 sa bansa. Mayroon namang 52,423 naitalang active cases. | https://t.co/HHOy7zaafm pic.twitter.com/Ui0dKQUQbG

— DWIZ Newscenter (@dwiz882) October 17, 2020

May nakaamba na namang dagdag-presyo sa diesel at kerosene sa susunod na linggo.

Ngunit ayon sa mga source mula sa industriya, magkakaroon naman ng rollback sa presyo ng gasolina.

Sinasabing P0.15 hanggang P0.20 ang magiging taas-presyo sa kada litro ng kerosene habang P0.20 hanggang P0.30 sa diesel.

Samantala, P0.30 naman hanggang P0.40 kada litro ang bawas-presyo sa gasolina.

Ang price movement ay bunsod pa rin ng paggalaw sa presyo ng langis sa pandaigdigang pamilihan.

Muling pinaalalahanan ng Department of Labor and Employment (DOLE) ang mga kompanya sa pribadong sektor hinggil sa pagbibigay ng 13th month pay sa mga manggagawa.

Batay sa kanyang Labor Advisory No. 28, ipinaliwanag ni Labor Secretary Silvestre Bello III na mayroon lamang hanggang Disyembre 24 ngayong taon ang mga negosyante na ibigay ang nabanggit na cash benefit.

Binigyang diin ni Bello na obligadong magbayad ng 13th month pay ang mga kompanya dahil mandato sa batas ang pagbibigay nito kahit pa ito ay kumikita o hindi.

Samantala, nilinaw din ng kalihim na hindi sila tatanggap ng anumang ‘application for exemption’ o hirit na pagpapaliban sa pagbabayad ng naturang benepisyo.

Plano ng Department of the Interior and Local Government (DILG) na mag-hire ng 20,000 contact tracers sa loob lamang ng dalawang linggo upang maabot ang kanilang target na 50,000 contact tracers.

Sa Laging Handa presser, ipinaliwanag ni DILG Undersecretary for Operations Epimaco Densing III na bahagi ito ng mas pinaigting na pagtugon ng gobyerno sa coronavirus disease 2019 (COVID-19) pandemic.

Sumasailalim na aniya sa pagsasanay ang mga contact tracers na-hire na ng ahensya.

Ayon kay Densing, kabuuang 85,000 contact tracers na ang kanilang nai-deploy bago pa lamang maipasa ang Bayanihan to Recover as One Act (Bayanihan 2).

Pagbabawalan nang mag-angkat ng bigas ang mga kooperatiba ng mga magsasaka.

Paliwanag ni Agriculture Secretary William Dar, ito’y dahil sa hinalang ginagamit ang mga ito ng ilang negosyante upang makapag-import ng mas maraming bigas.

Batay sa Rice Tariffication Law, papayagan lamang na mag-angkat ng bigas ang mga rice traders kung may kaukulang permits habang magbabayad din ito ng 35% taripa sa mga Southeast Asian countries at 50% naman mula sa non-ASEAN members.

Sa budget hearing ng DA, isiniwalat naman ni Senate Committee on Agriculture chair Sen. Cynthia Villar na ginagawa umanong “dummy” o kinakasangkapan ng mga ganid na negosyante ang mga farmer cooperatives dahil exempted ang mga ito sa buwis.

Matatandaang naging numero unong rice importer ang Pilipinas noong 2019 matapos payagan ng gobyerno ang unlimited importation ng bigas bilang tugon sa inflation.