Author

Gilbert Perdez

COVID-19 cases sa bansa mahigit 351k na

Pumalo na sa 351,750 ang bilang ng mga tinamaan ng COVID-19 sa Pilipinas matapos makapagtala ang Department of Health ng 3,139 na bagong impeksiyon.

Ayon sa DOH, pinakamarami pa rin sa National Capital Region (NCR) na nakapagtala ng 1,003 habang 206 naman sa Cavite, 175 sa Rizal, 138 sa Laguna at 126 sa Iloilo.

Nadagdagan naman ng 786 ang bilang ng mga nakarekober dahilan upang umakyat na sa 294,865 ang total recoveries.

Samantala, 34 pang pasyente ang pumanaw dahil sa virus kaya’t umakyat na sa 6,531 ang death toll sa buong bansa.

JUST IN: Kaso ng COVID-19 sa bansa, nadagdagan pa ng 3,139 ngayong Biyernes, Oktubre 16.

Pumalo na sa kabuuang 351,750 ang bilang ng kumpirmadong kaso ng COVID-19 sa bansa. Mayroon namang 50,354 naitalang active cases. | https://t.co/HHOy7zaafm pic.twitter.com/U8awVs8H5G

— DWIZ Newscenter (@dwiz882) October 16, 2020

October 16, 2020 0 comment

INTERNATIONAL NEWS

2 patay sa sa malawakang forest fires sa Syria

written by Gilbert Perdez

Patay ang dalawa katao sa malawakang forest fires sa Syria.

Sa ulat ng Syrian state television, sinasabing maging ang Lebanon ay tinamaan ng sunog.

Ayon naman kay Agriculture Minister Mohammed Hassan Qatana, tinatayang pitumpu katao rin ang isinugod sa ospital matapos mahirapang huminga.

Kabilang sa mga apektado ay ang daan-daang ektarya ng mga lupain sa mga probinsya ng Latakia at Tartus.

October 11, 2020 0 comment

INTERNATIONAL NEWS

Parusang kamatayan vs sex offenders sa Bangladesh Ikinukonsidera na

written by Gilbert Perdez

Ikinukonsidera na ng Bangladesh ang pagpapataw ng parusang kamatayan laban sa mga sex offenders.

Ito’y bunsod ng kaliwa’t kanang protesta dulot ng sunod-sunod na kaso ng panggagahasa at sexual assaults sa kanilang bansa.

Giit ni law Minister Anisul Huq, imumungkahi nila sa gabinete ang agarang pag-amyenda sa mga batas na may kinalaman sa pang-aabusong sekswal.

Sinasabing ito ang unang pagkakataon na inulan ng ganito kalawak na kilos-protesta ang Bangladesh dahil sa sexual violence.

October 11, 2020 0 comment

SPORTS

Ginebra wagi kontra NLEX

written by Gilbert Perdez

Nakabuena-mano ng panalo ang Barangay Ginebra sa pagbabalik ng 2020 PBA Philippine Cup matapos gibain ang NLEX sa score na 102-92.

Si Aljon Mariano ang nanguna sa Gin Kings sa pamamagitan ng kanyang 20 points habang nagdagdag naman si Stanley Pringle ng 12 points.

Sa unang laro, pinadapa ng TNT ang Alaska Aces sa score na 100-95.

Si RR Pogoy ang humataw nang husto nang kumana ito ng 45 points para sa Tropang Giga.

Nag-eject naman sa laro sa panig ng TNT si Poy Erram matapos mapatawan ng dalawang flagrant fouls.

October 11, 2020 0 comment

HEADLINES INTERNATIONAL NEWS

Pinay nurse ginawaran ng British Empire Medal sa UK

written by Gilbert Perdez

Ginawaran ng British Empire Medal ang Filipina nurse na si Minnie Klepacz sa United Kingdom bunsod ng hindi matatawaran nitong tulong at suporta sa kanyang komunidad at mga katrabaho sa gitna ng coronavirus disease 2019 (COVID-19) pandemic.

Ayon naman sa University Hospitals Dorset-National Health Service Foundation Trust, bukod sa kanyang trabaho sa ospital ay gumagawa rin si Klepacz ng community work para sa mga Pinoy at ilang co-worker niya sa Britanya tulad ng pagluluto ng pagkain para sa mga ito lalo na ang mga nagpapagaling sa sakit.

Si Klepacz ang pinuno ng Black Asian Minority Ethnic o BAME Network sa Royal Bournemouth Hospital.

Sinasabing tinedyer pa lamang si Klepacz nang mapunta sa UK at 19 na taon na rin itong nagtatrabaho doon.

October 11, 2020 0 comment

HEADLINES

Angkas pinuri ang pag-endorso ng IATF sa hirit ng Metro Manila mayors na payagang ang pilot study para sa motorcycle taxis

written by Gilbert Perdez

Pinuri ng Angkas ang ginawang pag-endorso ng Inter-Agency Task Force (IATF) sa hirit ng mga alkalde sa Metro Manila na payagang maipagpatuloy ang pilot study para sa mga motorcycle taxis.

Kasabay nito, daan-daang Angkas drivers ang bumagtas sa kahabaan ng EDSA Extension sa lungsod ng Pasay dulot ng naturang hakbang ng IATF.

Nanawagan din sa mga mambabatas ang mga riders na gumawa ng batas upang maging legal ang pamamasada ng mga motorcycle taxis sa bansa.

October 11, 2020 0 comment

HEADLINES NATIONAL NEWS

Pagbuwag sa Office of the Ombudsman pinalagan ni Carpio-Morales

written by Gilbert Perdez

11579968_ombudsman-conchita-carpio-morales-to-receive_f6083f73_m

Tanging ang pag-amyenda sa Konstitusyon ang makabubuwag sa Office of the Ombudsman.

Ito ang binigyang diin ni dating Ombudsman Conchita Carpio Morales matapos igiit ng kasalukuyang Ombudsman na si Samuel Martires na buwagin na lamang ang kanyang tanggapan dahil sa wala na itong sapat na bilang ng mga personnel.

Magugunitang sa budget hearing sa Kongreso, sinabi ni Martires na kung hindi maaaprubahan ang kanilang panukalang pondo para sa susunod na taon ay kukulangin na umano sila sa tao.

Ngunit paliwanag ni Morales, noong nanungkulan siya sa anti-graft office ay hindi naman sila kinulang sa personnel at sapat naman ang bilang ng mga tauhan nila lalo na sa mga rehiyon.

October 11, 2020 0 comment

HEADLINES NATIONAL NEWS

Motorcycle taxis dapat nang payagang magbalik-operasyon — Recto

written by Gilbert Perdez

Dapat nang payagang magbalik-operasyon ang mga motorcycle taxis.

Ayon kay Senate President Pro Tempore Ralph Recto, ito’y upang magkaroon ng transport options at pagkakakitaan ang maraming Pilipino.

Sinabi ni Recto na ang motorcycle taxi ay isang job-creating public service na gagana kahit walang ilalabas na pondo ang gobyerno.

October 11, 2020 0 comment

HEADLINES

Mga magulang ng 3 menor de edad na nahuling lumabag sa curfew sa Maynila kinasuhan na

written by Gilbert Perdez

Kinasuhan na ng Manila Police District-Moriones Tondo Police Station ang mga magulang ng tatlong menor de edad na nahuling lumabag sa curfew.

Ayon kay Mayor Isko Moreno, kasong paglabag sa City Ordinance No. 8243 o Anti-Child Endangerment Act ang isinampa laban sa mga hindi pinangalanang magulang.

Ang tatlong bata na na-rescue ay may edad siete, 10at 13 kung saan agad silang ibinigay sa pangangalaga ng Manila Department of Social Welfare (DSWD).

Giit ni Moreno, dapat makasuhan at makulong ang mga magulang na pinababayaang gumala ang kanilang mga anak sa oras ng curfew.

October 11, 2020 0 comment

HEADLINES NATIONAL NEWS

Total coronavirus recoveries sa bansa umakyat na sa 293,075 — DOH

written by Gilbert Perdez

Sumirit na sa 293,075 ang bilang ng mga gumaling mula sa coronavirus disease (COVID-19) sa Pilipinas.

Ito’y makaraang makapagtala ang Department of Health (DOH) ng 17,057 na bagong recoveries.

Sa pinakahuling case bulletin ng DOH, nagkaroon ng 2,502 na bagong impeksiyon dahilan upang pumalo naman sa 339,341 ang coronavirus cases sa bansa.

Sa nabanggit na bilang, nasa 39,945 na lamang ang aktibong kaso.

Samantala, sumampa naman sa 6,321 ang death toll kasunod nang pagpanaw ng 83 pang pasyente.

JUST IN: Kaso ng COVID-19 sa bansa, nadagdagan pa ng 2,502 ngayong Linggo, Oktubre 11.

Pumalo na sa kabuuang 339,341 ang bilang ng kumpirmadong kaso ng COVID-19 sa bansa. Mayroon namang 39,945 naitalang active cases. | https://t.co/HHOy7zaafm pic.twitter.com/7nm9RtmM2o

— DWIZ Newscenter (@dwiz882) October 11, 2020

October 11, 2020 0 comment

Newer Posts

Older Posts