Author

Gilbert Perdez

DWIZ 882

Isang guro sa France pinugutan ng ulo

Inaresto ng mga awtoridad ang siyam katao kabilang ang apat sa mga kamag-anak ng isang lalaki na pumatay sa isang guro sa Paris, France.

Ayon kay French President Emmanuel Macron, maituturing na terror attack ang nangyari sa biktimang si Samuel Paty na pinugutan ng isang lalaki.

Napatay naman ng mga awtoridad ang hindi pinangalanang suspek.

Matatandaang bago ang pamamaslang ay nagpakita umano si Paty sa kanyang mga estudyante ng cartoons ni Muhammad na propeta ng Islam.

Para sa mga muslim, ang anumang masamang pagsasalarawan sa kanilang propeta ay isang uri ng blasphemy o paglalapastangan sa kanilang relihiyon.

Samantala, kinondena naman ng mga Muslim leaders ang sinapit ni Paty at iginiit nilang hindi katanggap-tanggap sa kasalukuyang sibilisasyon ang pagpatay ng mga inosenteng tao.

October 18, 2020 0 comment

SPORTS

Pagbabalik ni Greg Slaughter sa GInebra ngayong season malabo pa —Cone

written by Gilbert Perdez

Nilinaw ni Ginebra coach Tim Cone na hindi pa makakasama sa mga laro ng Barangay Ginebra si Greg Slaughter sa PBA bubble sa Clark, Pampanga.

Kasabay nito, sinabi naman ni Cone na babalik na sa Gin Kings si Slaughter sa susunod na PBA conference pero hindi pa tiyak kung kailan ito lalahok sa mga isasagawang praktis.

Ayon kay Cone, maganda ang kinalabasan ng pakikipag-usap nila sa kampo ni Slaughter matapos mapaso ang kontrata nito ilang buwan na ang nakalipas.

October 18, 2020 0 comment

INTERNATIONAL NEWS

Labour Party ni Prime Minister Jacinda Ardern nangibabaw sa general election sa New Zealand

written by Gilbert Perdez

Nangibabaw ang Labour Party ni Prime Minister Jacinda Ardern sa katatapos na general election sa New Zealand.

Kasabay nito, wagi rin si Ardern sa halalan habang nag-concede na ang kalaban nitong si Judith Collins.

Ayon sa Electoral Commission, hinakot ng Labour ang 49% ng kabuuang boto habang 27% naman ang nasungkit ng National.

Sinasabing nakakuha ng malawak na suporta mula sa mga botante si Ardern bunsod ng mas maigting o agresibong kampanya nito laban sa coronavirus disease 2019 (COVID-19) sa kanilang bansa.

Sa loob ng ilang buwan, nakapagtala lamang ang New Zealand ng halos 2,000 kaso kung saan 40 dito ang active cases habang 25 ang mga nasawi.

October 17, 2020 0 comment

RONDA PROBINSYA

Isang barangay kagawad sa Maguindanao timbog matapos madakip sa buy-bust operation

written by Gilbert Perdez

Bagsak sa kulungan ang isang barangay kagawad matapos madakip sa ikinasang buy-bust operation sa Barangay Poblacion sa Buluan, Maguindanao.

Ayon kay Western Mindanao Command Chief Lt. Gen. Corleto Vinluan, Jr., ang suspek na si Jahir Guipal ng bayan ng Mangudadatu ay nadakip ng pinagsanib na puwersa ng Wesmincom, Philippine Drug Enforcement Agency ng Bangsamoro Autonomous Region in Muslim Mindanao (BARMM) at Buluan Municipal Police Station.

Sinasabing si Guipal ay isang high-value target ng PDEA kung saan nasabat mula rito ang 20 gramo ng hinihinalang shabu at P14,000 na marked money.

Nasa custody na ngayon ng PDEA regional office ng BARMM ang suspek at nakatakda umanong sampahan ng kasong paglabag sa Comprehensive Dangerous Drugs Act of 2002.

October 17, 2020 0 comment

RONDA PROBINSYA

WVMC binalaan ang publiko sa IloIlo City laban sa pekeng RT-PCR COVID-19 results

written by Gilbert Perdez

Binalaan ng Western Visayas Medical Center (WVMC) sa Iloilo City ang publiko laban sa mga pekeng RT-PCR COVID-19 results na nagtataglay ng logo ng ospital at Department of Health.

Ginawa ng ospital ang pahayag matapos kumalat ang bogus na dokumento na may pekeng pirma nina Arriane Sibal, Abigail Joy Pastolero, Andres Miranda, at Pierre Layson na hindi naman umano mga empleyado ng nabanggit na pagamutan.

Samantala, nanawagan din sa publiko ang pamunuan ng ospital na isumbong sa mga awtoridad ang mga katulad na aktibidad upang mapanagot at masakote ang mga salarin.

October 17, 2020 0 comment

RONDA PROBINSYA

Isang lalaki sa Palawan tiklo matapos masabat ang isang toneladang giant clams

written by Gilbert Perdez

Kalaboso ang isang lalaki makaraang masabat mula rito ang isang toneladang giant clams o taklobo na sinasabing nagkakahalaga ng P2.5 milyon sa Palawan.

Ayon sa Philippine National Police Maritime Group 2nd Special Operations Unit, nadakip ang suspek na si Markin Claud, 32-anyos, sa Purok Bagong Lipunan, Barangay Teresa, bayan ng Narra.

Batay sa red list ng International Union for Conservation of Nature, itinuturing nang threatened species ang mga taklobo o giant clams.

Walang naipakitang dokumento si Claud ukol sa mga taklobo kaya’t sinampahan ito ng kasong paglabag sa Section 102 ng Philippine Fisheries Code of 1998.

October 17, 2020 0 comment

RONDA PROBINSYA

Baguio City muling bubuksan sa mga turista

written by Gilbert Perdez

Muling bubuksan para sa mga turista ang lungsod ng Baguio.

Sa isang anunsiyo sa social media, binanggit ng Public Information Office na tatanggap na sila ng mga mamamayan mula sa buong Luzon simula October 22.

Dalawang daang bisita o dayo ang papayagang pumasok sa lungsod kada raw.

Samantala, ikinatuwa naman ni Tourism Secretary Bernadette Romulo-Puyat ang naging pasya ng Baguio LGU kasabay ng paglilinaw na isinasapinal pa lamang nila ang bagong health at safety measures ukol dito.

October 17, 2020 0 comment

HEADLINES

Quiapo Church naglunsad ng mobile app para sa kanilang deboto

written by Gilbert Perdez

Naglunsad ng mobile app ang Quiapo Church para sa mga deboto.

Sa isang Twitter post, binanggit na sa pamamagitan ng nabanggit na app ay maaari pa ring ipakita ng publiko ang kanilang debosyon sa Itim na Nazareno sa gitna ng nararanasan nating COVID-19 pandemic.

Sinasabing puwedeng gamitin ang app para sa misa, prayer intentions, gabay sa Holy Rosary o santo rosaryo, Novena sa Black Nazarene, at iba pa.

Ang mobile app ng Quiapo Church ay maaari nang i-download sa IOS at android devices.

Gamitin po natin ang QUIAPO CHURCH MOBILE APP upang mas lalo pa nating madala’t maisabuhay ang ating debosyon sa Mahal na Poong Hesus Nazareno saan man tayo naroroon ngayong panahon ng pandemya.

1/4 pic.twitter.com/mt50Ir3xwa

— Quiapo Church (@quiapochurch) October 16, 2020

October 17, 2020 0 comment

HEADLINES NATIONAL NEWS

PESOs dapat kumuha muna ng JFA bago mag-online job fair — POEA

written by Gilbert Perdez

Inatasan ng Philippine Overseas Employment Administration (POEA) ang Public Employment Service Offices (PESO)’s na kumuha muna ng Job Fair Authority (JFA) bago magsagawa ng online job fair.

Batay sa POEA Advisory No. 138 na nilagdaan ni Administrator Bernard Olalia, binanggit na dapat kumuha ng JFA ng mga organizer ng event lalo pa’t nangangailangan pa rin ito ng specific physical venue.

Paliwanag pa ng POEA, may ilang PESO rin ng mga lokal na pamahalaan na gumagawa ng sarili nilang platform sa pagdaraos nila ng kanilang online job fair.

Maliban dito, nakatakda ring maglabas ang POEA ng guidelines para sa mga nabanggit na event.

October 17, 2020 0 comment

HEADLINES

Mga Pinoy abroad na nagpositibo sa COVID-19 sumampa na sa 11,146 —DFA

written by Gilbert Perdez

Walang bagong kaso ng pagkasawi dahil sa COVID-19 sa hanay ng mga Pilipino sa labas ng bansa.

Dahil dito, ayon sa Department of Foreign Affairs (DFA), nananatili sa 811 ang death toll doon sa loob ng tatlong magkakasunod na araw.

Isang kaso naman ang naitala sa Asia Pacific dahilan upang sumampa na sa 11,146 ang bilang ng mga Pinoy na tinamaan ng COVID-19 sa ibayong dagat.

Nananatili naman sa 7,184 ang total recoveries sa hanay ng mga Pilipino abroad.

October 17, 2020 0 comment

Newer Posts

Older Posts