Gilbert Perdez

Nangako si Interior Secretary Eduardo Año na gagamit ito ng bagong istratehiya sa pagtugis sa mga kriminal.

Ginawa ni Año ang pahayag matapos igiit ni Pangulong Rodrigo Duterte ang pangangailangan ng mga bagong motorsiklo ng Philippine National Police (PNP) upang masugpo ang mga krimen sa lansangan o street crimes.

Ayon kay Año, pagsasamahin nila ang mga uniformed at non-uniformed policemen upang malinis ang mga kalsada laban sa mga masasamang-loob.

Magkakaroon aniya ng mga special units na siyang tutugis o hahabol sa mga kriminal na gumagamit ng motorsiklo tulad ng mga karnaper, holdaper, isnatser at iba pa.

Manatiling konektado sa ibang tao o socially connected habang nagso-social distancing.

Ito ang muling ipinaalala ng Department of Health (DOH) sa publiko upang maiwasan ang pagkakaroon ng tinatawag na “quarantine fatigue” sa gitna ng coronavirus pandemic.

Ayon kay DOH Undersecretary Maria Rosario Vergeire, dahil sa ikinasang quarantine status sa iba’t ibang panig ng bansa ay nakakaranas ang mga tao ng social withdrawal o pag-iwas sa mga bagay na nakagawiang gawin bago ang lockdown.

Marami naman aniyang mga paraan na maaari nating gawin para suportahan ang isa’t isa lalo na ang mga kamag-anak kahit tayo ay magkakalayo o may distansya.

Ipinapayo rin ng DOH na tawagan ang mga mahal sa buhay, makipag-usap sa mga ito, gumawa ng recreational activities at hobbies tulad ng pagbe-bake at iba pang aktibidad upang makaiwas sa  “quarantine fatigue”.

Batay sa datos DOH, umakyat na sa 3.6 milyon ang bilang ng mga Pilipino na nakakaranas ng ilang mental health issues dahil sa pandemya.

Muling ipinanawagan ni Cabinet Secretary Karlo Nograles ang agarang pagpasa sa National Land Use Act (NLUA) na naglalayong matiyak ang food security ng Pilipinas.

Ayon kay Nograles, pinuno ng Zero Hunger Task Force ng pamahalaan, lubhang nakakaapekto sa sektor ng agrikultura ang conversion ng mga agricultural lands at nagiging banta na rin ito sa seguridad sa pagkain ng bansa.

Lubos aniyang mahalaga kay Pangulong Rodrigo Duterte na sapat ang produksiyon ng pagkain ng bansa at natutulungan ang mga magsasaka dahilan upang ipanawagan ng presidente sa kanyang State of the Nation Address (SONA) noong Hulyo ang agarang pagpasa ng land use act.

Inatasan ng Department of Transportation (DOTr) ang railways sector na unti-unting taasan ang maximum passenger capacity ng kanilang mga tren upang ma-accommodate ang mas maraming pasahero simula ngayong araw.

Ayon kay DOTr Secretary Arthur Tugade, ito’y bilang bahagi ng mas pinalakas na economic recovery efforts ng pamahalaan sa gitna ng COVID-19 pandemic.

Dahil dito, ayon sa DOTr, mula sa 18%  ay tataas na sa 30% ang passenger capacities ng mga tren ng Philippine National Railway (PNR), Metro Rail Transit Line 3 (MRT-3), at Lines 1 at 2 ng Light Rail Transit (LRT).

Dagdag ng ahensya, sa susunod ay i-aakyat naman sa 50%  ang maximum capacity ng mga naturang transport systems.

Sumirit na sa 310,158 ang kabuuang bilang ng mga gumaling mula sa coronavirus disease (COVID-19) sa Pilipinas.

Ito’y makaraang makapagtala ang Department of Health (DOH) ng 14,941 na bagong recovered cases.

Sa pinakahuling case bulletin, nagkaroon naman ng 2,379 na bagong kaso dahilan upang pumalo na sa 356,618 ang total cases.

Ngunit sa bilang na ito, ayon sa DOH, nasa 39,808 na lamang ang mga aktibong kaso o hindi pa gumagaling sa sakit.

Samantala, 50 pang pasyente ang pumanaw dahilan upang umakyat sa 6,652 ang death toll sa buong bansa.

JUST IN: Kaso ng COVID-19 sa bansa, nadagdagan pa ng 2,379 ngayong Linggo, Oktubre 18.

Pumalo na sa kabuuang 356,618 ang bilang ng kumpirmadong kaso ng COVID-19 sa bansa. Mayroon namang 39,808 naitalang active cases. | https://t.co/HHOy7zaafm pic.twitter.com/3k3QN5VE3D

— DWIZ Newscenter (@dwiz882) October 18, 2020