Author

Gilbert Perdez

DWIZ 882

Persona non grata tarpaulins aprub sa DILG

Walang nakikitang mali ang Department of the Interior and Local Government (DILG) sa mga nagkalat na tarpaulins o mga mensahe na tumutuligsa sa mga rebelde at iba pang mga teroristang grupo sa bansa.

Ayon kay Secretary Eduardo Año, bahagi pa rin ito ng freedom of expression o speech na protektado sa ilalim ng Saligang Batas ng Pilipinas.

Giit ni Año, kung hindi naman bahagi ng CPP-NPA-NDF ang isang indibidwal ay wala itong dapat ikabahala.

Matatandaang nagkalat sa Roxas Boulevard at sa iba pang parte ng Metro Manila ang ilang tarpaulins at banners na nagdedeklara sa CPP-NPA-NDF bilang persona non grata.

October 24, 2020 0 comment

RONDA PROBINSYA

Isang supporter ng ASG sa Basilan Province sumuko

written by Gilbert Perdez

Sumuko sa mga awtoridad ang isang hinihinalang supporter ng Abu Sayyaf Group (ASG) sa Basilan province.

Ayon kay Lt. Gen. Corleto Vinluan Jr., commander ng Western Mindanao Command (Westmincom), si Kahar Hamid Muktar ay kusang-loob na nagtungo sa 4th Special Forces Battalion ng Philippine Army.

Kasamang isinuko ni Muktar ng Lamitan City ang isang garand rifle at walong bala.

Sinabi ni Vinluan na si Muktar ay nasa ilalim ng grupo ni Basilan-based ASG leader Furuji Indama.

October 24, 2020 0 comment

HEADLINES NATIONAL NEWS

COVID-19 recoveries sa bansa pumalo na sa 313,112 —DOH

written by Gilbert Perdez

Pumalo na sa 313,112 ang bilang ng mga nakarekober mula sa COVID-19 sa Pilipinas.

Ito’y makaraang makapagtala ang Department of Health (DOH) ng 442 na bagong recoveries.

Nasa 2,057 na bagong kaso rin ang nadagdag sa listahan dahilan upang sumampa na sa 367,819 ang COVID-19 cases sa bansa.

Sa bilang na ito, ayon sa DOH, nasa 47,773 na lamang ang aktibong kaso.

Samantala, sumampa sa 6,934 ang death toll kasunod ng pagpanaw ng 19 pang pasyente.

JUST IN: Kaso ng COVID-19 sa bansa, nadagdagan pa ng 2,057 ngayong Sabado, Oktubre 24.

Pumalo na sa kabuuang 367,819 ang bilang ng kumpirmadong kaso ng COVID-19 sa bansa. Mayroon namang 47,773 naitalang active cases. | https://t.co/HHOy7zaafm pic.twitter.com/ZAdPAKi2tm

— DWIZ Newscenter (@dwiz882) October 24, 2020

October 24, 2020 0 comment

HEADLINES

70 Pinoy seafarers stranded sa China

written by Gilbert Perdez

Nasa 70 Filipino seafarers ang kasalukuyang stranded sa karagatang sakop ng China.

Ayon kay Philippine Ambassador to China Jose Santiago Sta. Romana, bukod sa problemang pinansiyal na kinakaharap ng mga employer ng mga Pinoy ay nakadagdag din sa problema nila ang mahigpit na polisiya ng mga Tsino kaya hindi makababa ang mga ito.

Sa ginanap na Laging Handa briefing, binanggit din ni Sta. Romana na inaayos na nila ang mga pagpapauwi ng mga kababayan natin doon.

Inaasahang mare-repatriate na ang mga Pinoy seafarers mula China sa susunod na buwan.

October 24, 2020 0 comment

HEADLINES NATIONAL NEWS

DOH nais magtalaga ng cold storage facilities sa bawat rehiyon para sa COVID-19 vaccine

written by Gilbert Perdez

Plano ng Department of Health (DOH) na magkaroon ng mas maraming cold storage facilities sa bansa na pag-iimbakan ng bakuna laban sa coronavirus disease 2019 (COVID-19

Ayon kay DOH Undersecretary Maria Rosario Vergeire, nais nilang magtalaga ng mga pasilidad sa iba’t ibang rehiyon upang matiyak na mananatili ang bisa ng vaccine.

Batay sa isang Department Order, tinukoy naman ng DOH ang Research Institute for Tropical Medicine (RITM) bilang national vaccine storage facility.

Matatandaang iminungkahi ni Sen. Francis Tolentino sa DOH na gamitin ang mga cold-storage facilities ng mga pabrika ng ice cream bilang imbakan ng bakuna upang hindi masira kapag dumating na sa bansa.

October 24, 2020 0 comment

NATIONAL NEWS

Pagbibigay ng SRRV pinasususpinde ng DOT

written by Gilbert Perdez

Ipinag-utos ng Department of Tourism (DOT) sa Philippine Retirement Authority (PRA) na suspendihin ang pag-iisyu ng special retirees residence visa (SRRV) sa mga dayuhang may edad 35 pataas habang nirerepaso ang kasalukuyang polisiyang may kaugnayan dito.

Sa pagpupulong ng PRA Board of Trustees, inatasan ng DOT ang ahensya na i-review ang age bracket, dollar deposit requirements at iba pang may kinalaman sa usapin.

Matatandaang niluwagan ng PRA ang polisiya nito kung saan pinapayagan na ang mga dayuhang 35 years old pataas na magretiro sa Pilipinas.

Ang unang requirement lamang para rito ay dapat makapag-deposit ang mga dayuhan ng $50,000 sa bangko o bumili ng condo unit na may halagang P2.5-M.

Muling magpupulong ang board sa November 6, 2020 para sa agarang pagbabago sa naturang polisiya.

October 23, 2020 0 comment

RONDA PROBINSYA

4 sugatan matapos masabugan ng landmine sa Maguindanao

written by Gilbert Perdez

Sugatan ang apat katao, kabilang ang dalawang sundalo at dalawang miyembro ng Civilian Active Auxiliary, matapos masabugan ng landmine sa Barangay Salman, Ampatuan, Maguindanao.

Ayon kay Lt. Gen. Corleto Vinluan, Jr., commander ng Western Mindanao Command (Wesmincom), agad na isinugod sa Tamondong Hospital ang mga biktima.

Nabatid na nagsasagawa ng mine-clearing operations ang Joint Task Force Central sa lugar nang biglang sumabog ang isang anti-personnel mine.

Dahil dito, mas pinaigting pa ng militar ang mga operasyon nito laban sa mga hinihinalang terorista sa nabanggit na lugar.

October 23, 2020 0 comment

RONDA PROBINSYA

Zamboanga titigil muna sa pagtanggap ng LSI’s

written by Gilbert Perdez

Tigil muna sa pagtanggap ng balik-probinsyang locally stranded individuals ang lungsod ng Zamboanga simula Lunes, Oktubre 26.

Sa isang public advisory sa Facebook page ng lokal na pamahalaan, ipinaliwanag na ang pansamantalang pagbabawal sa pagpasok ng mga LSI’0s sa lungsod ay bunsod ng limitadong quarantine facilities at pagsasara ng mga borders ng mga katabi nitong probinsya.

Ikinasa umano ang moratorium matapos maglabas ng resolusyon ang Regional Inter-Agency Task Force hinggil sa naturang usapin.

Kasalukuyang umiiral ang modified general community quarantine (MGCQ) sa siyudad hanggang Oktubre 31.

October 23, 2020 0 comment

NATIONAL NEWS

Crime rate sa bansa bumaba ng 46% — Eleazar

written by Gilbert Perdez

Bumaba ng 59% ang bilang ng mga nabiktima ng motorcycle riding criminals sa buong bansa ngayong panahon ng coronavirus disease (COVID-19) pandemic.

Ayon kay Joint Task Force COVID Shield Commander Lt. Gen. Guillermo Eleazar, kung dati ay apat ang average ng index crimes, nasa dalawa na lamang ito ngayon.

Una rito, inihayag ni Eleazar na sumadsad din ng 46% ang crime rate sa buong kapuluan.

Matatandaang nangako si Interior Secretary Eduardo Año na gagamit ng bagong strategy ang pulisya sa pagtugis sa mga kriminal.

Pinaiigting din ng Philippine National Police (PNP) ang mga operasyon nito, gayundin ang police visibility sa iba’t-ibang panig ng bansa para mapigilan ang paglaganap ng mga kriminal na gumagamit ng nakaw na mga sasakyan at motorsiklo.

October 23, 2020 0 comment

HEADLINES NATIONAL NEWS

Paggamit ng ilang pulis ng kumpiskadong mga sasakyan kinondena ni Sinas

written by Gilbert Perdez

“Itigil n’yo na ‘yan!”

Ito ang muling babala ni National Capital Region Police (NCRPO) Chief Major Gen. Debold Sinas sa mga pulis na posibleng gumagamit ng mga narekober na sasakyan mula sa iba’t ibang operasyon ng pulisya.

Ang pahayag ay ginawa ni Sinas kasunod ng ginawa nitong pagsibak sa isang miyembro ng Quezon City Police District (QCPD) dahil sa paggamit ng umano’y “hot car” o nakaw na sasakyan.

Ayon kay Sinas, si Police Master Sergeant Danilo Pacurib ay namataan ng mga ahente ng QCPD Highway Patrol Team habang nagmamaneho ng isang itim na kotse na nagtataglay ng improvised na plaka sa Commonwealth Avenue noong Oktubre 16.

Ngunit sa isinagawang verification ng PNP-Highway Patrol Group, natuklasan na nakaalarma ang nabanggit na sasakyan at sinasabing inagaw mula sa may-ari nito sa Sta. Rosa, Laguna noon pang Hunyo 22, 2016.

Sasampahan si Pacurib ng mga kasong paglabag sa New Anti-Carnapping Law at Anti-Fencing Law.

October 18, 2020 0 comment

Newer Posts

Older Posts