Gilbert Perdez

Ikinalugod ng Climate Change Commission (CCC) ang pagkakasama ng accelerated climate change agenda sa Philippine Development Plan (PDP) 2023-2028.

Partikular na binanggit ni CCC Vice Chair and Executive Director (VCED) Robert E.A. Borje ang “Chapter 15: Accelerate Climate Action and Strengthen Disaster Resilience” na napabilang sa PDP.

Ayon kay Borje, mahalaga ito upang mas mapalakas pa ang commitment ng gobyerno sa paglalapat ng mga karampatang aksiyon laban sa pabago-bagong klima.

“The PDP Chapter 15 reflects the Philippine Government’s commitment and dedication to enhance the nation’s overall resilience to climate change and its impacts, putting a premium on the need for integrated and comprehensive climate action between and among government, partners, and all stakeholders,” wika ni Borje.

Tinukoy naman sa Chapter 15 ng PDP ang mga layunin sa mga komunidad, institusyon at natural at built environment para maging mas matatag o resilient sa mga epekto ng natural hazards at climate change sa tinurang panahon.

Ang PDP, na kumakatawan sa six-year vision ni Pangulong Ferdinand Romualdez Marcos Jr., ay binuo ng National Economic and Development Authority (NEDA), kasama ang ilang government agencies at stakeholders.

Upang masuportahan at mapagana ang PDP 2023-2028, sinabi ni Borje na ina-update na rin ng CCC ang National Climate Change Action Plan (NCCAP), gayundin ang Nationally Determined Contribution (NDC), habang pinaiigting din ang implementasyon ng National Climate Risk Management Framework (NCRMF), at isinusulong ang National Adaptation Plan (NAP).

Aminado naman si Borje na kailangan nilang magdoble-kayod, katuwang ang ilang ahensya ng gobyerno, upang maisakatuparan ang mga ito.

Maglalaan aniya ang gobyerno ng P453.1 bilyon upang magamit ng National Government Institutions (NGIs) para sa adaptation at mitigation programs.

“CCC is working very closely with the Department of Budget and Management to achieve the objective of increasing overall NGI submissions significantly,” ani Borje.

Samantala, isiniwalat ni Borje na mas palalakasin pa nila ang kapasidad ng mga komunidad at lokal na pamahalaan o LGUs sa pamamagitan nang pagbubuo, pagpapabuti at pagsusumite ng Local Climate Change Adaptation Plan (LCCAP).

“The CCC will continue to further strengthen its public-private-community engagements to further develop public awareness and understanding on climate change, and further improve the quality of risk and vulnerability assessments,” pahayag ni Borje.

Sa 1,715 LGUs, kabuuang 1,397 na ang nakapagsumite ng kanilang LCCAPs noong 2022 kumpara sa 715 submissions mula sa mga lokal na pamahalaan noong 2021 na nangangahulugang nagkaroon ng 42% na pagtaas.

Maliban dito, sinabi ni Borje na patuloy silang makikipag-ugnayan sa Department of the Interior and Local Government (DILG) upang maabot ang kanilang target na bilang.

“We will intensify our partnerships with the private sector, CSOs and other stakeholders as necessary, as well as provide CCC technical support to build the capacities of our LGUs and enhancing LCCAPs, including in the areas of risk and vulnerability assessment, greenhouse gas inventory, and local climate budget tagging,” dagdag pa ng opisyal.

Nagsagawa ng courtesy call ang German Development Cooperation (GIZ) South-South Collaboration on Climate Information Services (SSCIS) Project Team kay Climate Change Commission (CCC) Vice Chair at Executive Robert E.A. Borje, Overall Program Director, para talakayin ang mga susunod na hakbang ukol sa implementasyon ng SSCIS.

Sa nangyaring pagpupulong, mainit na tinanggap at pinuri ni Borje ang SSCIS Project Team sa pagpupursige nito, katuwang sila, upang maisakatuparan ang proyekto.

“The implementation of the SSCIS Project presents an opportunity for CCC and the Philippine government to further enhance knowledge and capacities in data management, including collecting, generating, and analyzing climate data as a basis of climate action,” wika ni Borje.

Layon ng EUR 5-million project na matulungan at mabigyan ng climate information services ang national at local government, gayundin ang academe, at lumikha ng isang South-South Center of Excellence kung saan maaaring magpalitan ng kaalaman at kahusayan ang mga bansang lantad sa pabago-bagong klima.

“The South-South Center of Excellence will allow us to further deepen our engagement with the Climate Vulnerable Forum (CVF), promoting a whole-of-world approach in enhancing climate resilience of communities,” sabi ng opisyal.

Maliban naman kay Dr. Bjoern Surborg, Principal Advisor ng SSCIS Project and Cluster Coordinator for Climate Change and Disaster Risk Management ng GIZ Philippines Office, dumalo rin sa meeting si Chief Adviser Jimmy Loro, at maging ang team members na sina Theresa Lim, Denise Ann Suarez, Richard Antonio, at Rune Ylade.

“The GIZ Philippines, through the South-South Project, remains committed to work with the Philippine government in promoting data-driven climate action to enhance local knowledge on climate change,” pahayag naman ni Dr. Surborg.

Patay ang isang arkitekto matapos barilin ng hindi pa nakikilalang salarin sa Brgy. Malabag, Silang, Cavite.

Ayon kay Silang Police chief P/Lt. Col. Romulo dela Rea, nakitang wala nang buhay at may tama ng bala sa ulo ang biktima na hindi pa binanggit ang pagkakakilanlan.

Sa paunang imbestigasyon, may kakausapin umanong kliyente ang arkitekto at bago nakarating sa lugar ay tinambangan ito.

Hindi pa tukoy ang motibo at mga salarin sa pamamaril.

Mahigit pitong daang libong pisong halaga ng hinihinalang shabu ang nasabat ng mga elemento ng Southern Police District o SPD mula sa apat na drug suspects sa ikinasang buy-bust operation sa Ilang-ilang St., South Signal Vill., Taguig City.

Kinilala ni SPD Director PBGen. Kirby John Brion Kraft ang mga suspek na sina Esmael Saban Guialodin, Javier Volante, Angelo Colongon Pogoy, at Anthony Parreño Moreno, kapwa nakatira sa nasabing lugar.

Maliban sa ₱500 na ginamit bilang buy-bust money, nasabat din sa operasyon ang 104 grams ng umano’y shabu na nagkakahalaga ng ₱707,200.00.

Mahaharap ang mga suspek sa kasong paglabag sa Republic Act 9165 o Comprehensive Dangerous Drugs Act of 2002.