Gilbert Perdez

Nagkaka-ubusan na ng suplay ng lokal na galunggong sa ilang pangunahing pamilihan tulad ng Commonwealth Market at Mega Q Mart sa Quezon City.

Ayon sa Bureau of Fisheries and Aquatic Resources (BFAR), ito ay bunsod ng nalalapit na closed fishing season kung saan ipinagbabawal ang paghuli ng galunggong sa isla ng Palawan na siyang pinakamalaking pinagkukunan nito sa bansa.

Upang matugunan ang limitadong suplay sa bansa, nagsimulang mag-angkat ng isda ang pamahalaan.

Sa kabuuang 25,000 metric tons na inaprubahan para sa importation, 12,000 metric tons na ang nakarating sa bansa.

Sa kasalukuyan, nagkakahalaga ng 220 hanggang 280 pesos ang isang kilo ng lokal na galunggong, habang 220 hanggang 260 pesos naman ang imported.

Idineklara nang ‘drug-cleared’ ng Philippine Drug Enforcement Agency (PDEA) ang nasa 2,421 barangays mula sa 2,929 drug-affected villages sa Ilocos Region.
Sa isang virtual forum, isiniwalat ni PDEA Ilocos regional information officer Mariepe De Guzman na hindi pa rin ganap na malaya sa droga ang 508 barangays o 15.55 percent ng mga barangay sa rehiyon.
Binanggit din ni De Guzman ang kabuuang bilang ng mga drug-cleared barangays kung saan 1,089 sa Pangasinan, 456 sa La Union, 465 sa Ilocos Sur, at 411 sa Ilocos Norte.
Hindi pa cleared o drug-affected pa rin ang nasa 183 barangays sa Pangasinan, 45 sa La Union, 166 sa Ilocos Sur, at 114 sa Ilocos Norte.
Pumalo naman sa 22 high-impact operations ang naisagawa ng PDEA na nagresulta sa pagkakaaresto ng 83 high-value targets.
Nakumpiska rin ang nasa 638.54 kilos ng hinihinalang shabu at 1,505 kilos ng marijuana noong 2022 na tinatayang nagkakahalaga ng P2.7 bilyon.
Katuwang naman ang ilang law enforcement agencies, nakapagkasa rin ang PDEA ng 1,746 operations na naging dahilan upang madakip ang 832 suspects habang 1,546 naman ang mga naisampang kaso.

Gumagawa na ng mga paraan ang pamahalaan para maiwasang maipit sa bangayan ng Estados Unidos at China.

Sa panayam ng international media sa sidelines ng World Economic Forum (WEF) sa Davos, Switzerland, ipinaliwanag ni Pang. Ferdinand Marcos Jr. na mas pinaigting pa ng Pilipinas ang pakikipag-ugnayan sa US at China sa gitna ng tumitinding geopolitical rivalry sa Asia Pacific region

Binigyang diin ng Pangulo na hindi niya hahayaang maipit ang bansa sa sitwasyon.

Isinaalang-alang din ni PBBM ang kapakanan ng 150,000 Filipino nationals na naninirahan at nagtatrabaho sa Taiwan habang ang Kaohsiung City naman ay malapit lamang sa Batanes na siyang pinakadulo ng Pilipinas.

Muling binigyang-diin ni Pangulong Ferdinand Marcos Jr. ang kahalagahan ng Philippine delegation, kabilang ang mga miyembro ng gabinete at mga mambabatas para maayos na maipahatid ang mga interes ng Pilipinas sa World Economic Forum.

Sa kanyang pagdalo sa WEF sa Davos, Switzerland, binanggit din ni PBBM ang pananaw niya sa itinutulak na Maharlika sovereign fund na ibinida rin ng presidente sa forum.

Paliwanag pa ni Pangulong Marcos, nasa proseso na ang Kongreso para i-disenyo ang wealth fund na naaayon sa mga pangangailangan ng bansa.

Pagpapakita muli ng kumpiyansa at tiwala ng pribadong sektor sa pamahalaan ang pakikilahok ng mga negosyante sa mga biyahe ni Pangulong Ferdinand Marcos Jr sa labas ng bansa.

Ito ang binigyang diin sa Laging Handa public briefing ng political analyst na si Dr. Froilan Calilung.

Ayon kay Calilung, nakakatuwa na nagpapakita ng suporta ang mga malalaking negosyante sa liderato ni Pangulong Marcos.

Mula aniya rito ay nabubuo rin ng Public-Private Partnership o PPP.

Masasabi aniya na isang magandang development para sa Pilipinas ang paglalagak ng tiwala at kumpiyansa sa Presidente ng kanyang tinaguriang mga industrial giants ng bansa.

Sinabi ni Calilu ng na mayroon nang traders sa bansa sa hanay ng imprastraktura, istraktura, sistema, at organisasyon na maituturing aniyang well-established na sa larangan ng pamumuhunan.