Nasungkit ng nag-iisang mananaya mula Nueva Ecija ang higit P15 milyong jackpot prize sa regular Lotto 6/42.
Ayon sa Philippine Charity Sweepstakes Office o PCSO, natumbok ng masuwerteng bettor ang winning combination na 23-02-31-20-06-28.
Habang 36 na mananaya naman ang nakahula sa limang kumbinasyon kaya’t tumama rin ang mga ito ng tig-P24k.
Ang 6/42 lotto ang binobola tuwing Martes, Huwebes, at Sabado.
Nasa 347 distressed Filipinos sa Saudi Arabia ang napauwi sa bansa.
Ang mga repatriates, kabilang ang limang bata, ay dumating sa bansa sakay ng isang Philippine Airlines chartered flight bilang bahagi ng repatriation mission ng pamahalaan sa Saudi.
Matatandaang inatasan ni Pangulong Rodrigo Duterte si Presidential Assistant on Foreign Affairs Robert Borje na magtungo sa Gitnang Silangan para pangunahan ang repatriation efforts ng gobyerno.
Layon din ng pagbisita ni Borje sa Saudi na mas paigtingin pa ang bilateral ties at labor reform cooperation ng dalawang bansa.
Inaasahan namang darating sa bansa ngayong Linggo ang ikalawang repatriation flight mula pa rin sa nasabing bansa.
Sumampa na sa mahigit walong milyon ang bilang ng mga nabigyan ng bakuna kontra COVID-19 sa Pilipinas.
Base sa datos mula sa National Vaccination Operations Center o NVOC, lumalabas na hanggang nitong Hunyo 18, 2021 ay umabot na sa 8,050,711 jabs ang na-administer sa iba’t ibang panig ng bansa.
Umabot naman sa 5,953,810 ang kabuuang bilang ng mga nabigyan ng unang dose ng bakuna.
Ayon kay National Task Force Against COVID-19 Chief Implementer Secretary Carlito Galvez Jr., mas paiigtingin pa nila ang national vaccination campaign ng pamahalaan.
Nakapagtala ang Pilipinas ng 7,652 na bagong COVID-19 recoveries nitong nakalipas na 24 na oras.
Dahil dito, umakyat na sa 1,277,715 ang kabuuang bilang ng mga gumaling sa impeksiyon.
Batay sa pinakahuling case bulletin ng Department of Health o DOH, nagkaroon naman ng 5,803 na bagong kaso dahilan upang sumampa sa 1,359,015 ang total cases sa buong bansa.
Sa nasabing bilang, nasa 57,679 ang mga aktibong kaso.
Samantala, sumirit sa 23,621 ang death toll kasunod ng pagpanaw ng walumpu’t apat pang pasyente.
Inanunsiyo ng Estados Unidos na nagpadala ito ng 2.5 milyon na doses ng COVID-19 vaccines sa Taiwan.
Ang nasabing bilang ay halos triple sa naunang alokasyong ibinigay nito sa nasabing bansa.
Matatandaang ikinadismaya ng China ang ginawang pagbisita ng ilang senador ng Amerika sa Taiwan at nangako pang magbibigay ng maraming bakuna.
Itinuturing ng China na sakop o bahagi nito ang Taiwan kaya’t nag-alok din ito ng libreng coronavirus vaccines sa naturang isla.
Isinapubliko na ang listahan ng mga nominado para sa MYX Awards ngayong taon.
Pasok sa listahan ang Ben & Ben, SB19 at si Moira dela Torre.
Inanunsiyo ng music channel ang nabanggit na development sa kanilang digital accounts tulad ng Kumu, Twitter, YouTube, TikTok, at Facebook.
Sinasabing nakakuha ang Ben&Ben ng limang nominasyon kabilang ang “Music Video of the Year” para sa “Sa Susunod Na Habang Buhay” kung saan itinampok dito ang real-life couple na sina Kathryn Bernardo at Daniel Padilla.
Apat na nominasyon naman ang nasungkit ni dela Torre, kasama ang “Song of the Year” para sa kanyang hit single na “Paubaya.”
Pinadapa ng Milwaukee Bucks ang Brooklyn Nets sa score na 115-111 sa Game 7 ng kanilang semifinals series.
Dahil dito, umabante ang Bucks sa Eastern Conference finals kung saan makakaharap nito ang mananalo naman sa hiwalay na serye sa pagitan ng Atlanta Hawks at Philadelphia Sixers.
Kumamada si Giannis Antetokounmpo ng 40 puntos para sa Bucks na nagdala sa kanila sa finals habang si Kevin Durant naman ang nanguna sa Nets sa pamamagitan ng score na 48 puntos.
Ayon kay Antetokounmpo, paghahandaan nila nang husto ang susunod na serye sa Eastern Conference finals.
Inihayag ng Canadian government na extended ang border restrictions sa nonessential travel sa Estados Unidos hanggang Hulyo 21.
Ayon kay Prime Minister Justin Trudeau, hangga’t marami pa ring kaso ng COVID-19 sa kanilang bansa ay bawal munang tumawid ang mga mamamayan sa border nila patungong Amerika.
Sinabi ni Trudeau na nasa 20% pa lamang mula sa target nilang 75% ng populasyon ang nabigyan ng ikalawang dose ng bakuna kontra COVID-19.
Kapag naabot na aniya ang kanilang target ay saka pa lamang luluwagan ang mga ipinatutupad na restrictions sa Canada.
Pasok na sa Western Conference finals ang Los Angeles Clippers.
Ito’y makaraang masungkit ng Clippers ang 131-119 victory laban sa Utah Jazz sa kanilang semifinals series.
Unang nabaon ng 25 puntos ang Los Angeles sa third quarter ngunit unti-unting hinabol ang Utah at nanalo pa sa dulo ng laban.
Kumamada si Terance Mann ng 39 points na siyang pumalit sa puwesto Kawhi Leonard dulot ng tinamo nitong injury.
Makakaharap ng Clippers sa West finals ang Phoenix Suns.
Umakyat na sa 1,261,115 ang bilang ng mga gumaling sa coronavirus disease 2019 (COVID-19) sa Pilipinas.
Ito’y makaraang gumaling ang 3,441 na mga pasyente.
Batay sa pinakahuling case bulletin ng DOH, dahil naman sa 6,833 na bagong kaso ay sumampa na 1,346,276 ang bilang ng mga tinamaan ng impeksiyon sa bansa.
Sa nabanggit na bilang, nasa 61,776 naman ang aktibong kaso habang sumirit naman sa 23,385 ang death toll kasunod ng pagpanaw ng 110 pang pasyente.
JUST IN: Kaso ng COVID-19 sa bansa, nadagdagan pa ng 6,833 ngayong Biyernes, Hunyo 18.
Pumalo na sa kabuuang 1,346,276 ang bilang ng kumpirmadong kaso ng COVID-19 sa bansa. Mayroon namang 61,776 naitalang active cases. | https://t.co/HHOy7zaafm pic.twitter.com/TZaOtNRFDn
— DWIZ Newscenter (@dwiz882) June 18, 2021