Nabawasan ng higit 700 ang ‘average number’ ng mga kaso kada araw sa National Capital Region (NCR) nitong nakaraang linggo.
Ito’y batay sa pinakahuling monitoring report ng OCTA Research Group kung saan lumalabas na sumadsad ng 18% ang mga naitatalang kaso mula ika-labing isa hanggang ika-labimpito ng Hunyo kumpara sa mga nakalipas na linggo.
Ayon sa grupo, mula ika-apat hanggang ika-10 ng Hunyo kasi ay nasa 924 ang ‘average number’ ng COVID-19 cases per day sa Metro Manila.
Inihatid na sa kanilang huling hantungan ang magpinsang sina Far Eastern University football player Kieth Absalon at Nolven Absalon.
Libu-libong Masbateños, kabilang ang kanilang pamilya’t mahal sa buhay, ang dumalo sa necrological service sa Masbate Baptist Church bago ang funeral procession sa Barangay Kalipay.
Nasawi ang magpinsan noong nakaraang linggo matapos masabugan ng landmine na itinanim ng New People’s Army (NPA) sa Brgy. Anas, Masbate City.
Matatandaang nangako ng hustisya si Pangulong Rodrigo Duterte sa pamilya ng football player nang lumabas sa imbestigasyon na bukod sa nasabugan ng improvised explosive device (IED) ay binaril pa umano ng mga salarin ang mga biktima.
LOOK: Magpinsang Keith at Nolven Absalon, inihatid na sa huling hantungan sa Masbate | via @jaymarkdagala pic.twitter.com/IYdlohhDhS
— DWIZ Newscenter (@dwiz882) June 13, 2021
Umaabot sa P38.1-M halaga ng umano’y puslit na sigarilyo ang nasabat ng mga tauhan ng Bureau of Customs-Manila International Container Port (BOC-MICP).
Ayon sa BOC, ang shipment ay galing China na idineklara bilang packaging material at nakapangalan o naka-consign sa Green Nature Alliance Ventures.
Ngunit nang isailalim sa physical examination ay naglalaman ito ng mahigit 1,000 malalaking kahon ng Marvel, Mighty, Astro, at iba pang brand ng yosi.
Inihahanda na ang kaukulang kasong isasampa laban sa mga sangkot sa nasabing smuggling incident.
Nagsagawa ng solidarity maritime patrol ang Philippine Air Force (PAF) sa Philippine Rise na dating Benham Rise.
Ito ang inihayag ni PAF spokesperson Lt. Col. Maynard Mariano kasabay ng pag-amin na ang aktibidad ay bahagi ng pagdiriwang ng 123rd Independence Day at 5th anniversary nang pagpapalit ng pangalan ng nasabing undersea features.
Isang tactical military transport aircraft at dalawang fighter jets ang lumahok sa maritime patrol na pinangunahan ng air force, katuwang ang kanilang Tactical Operations Wing Northern Luzon.
Ang Philippine Rise ay matatagpuan sa layong 250 kilometers sa silangan ng hilagang baybayin ng Dinapigue, Isabela.
https://twitter.com/dwiz882/status/1404086360189784067?s=20
Nakabawi ang Los Angeles Clippers sa Utah Jazz sa Game 3 ng kanilang Western Conference semifinals.
Ito’y matapos masungkit ng Clippers ang 132-106 victory laban sa Jazz sa kanilang home court.
Si Kawhi Leonard ang nanguna sa LA taglay ang kanyang 34 points habang nagdagdag naman si Paul George ng 31 points.
Inaasahan namang babawi ang Jazz sa Game 4 ng nasabing serye.
Mag-donate ng dugo!
Ito ang panawagan sa publiko ng Philippine Red Cross (PRC) kasabay ng pagdiriwang ng World Blood Donor Day (WBDD) ngayong araw, Hunyo 14, na may temang “Give blood and keep the world beating.”
Ayon sa PRC, patuloy sa pagbaba ang nakokolekta nitong dugo sa gitna ng ipinatutupad na community quarantines dulot ng banta ng COVID-19.
Sinasabing mataas pa rin ang demand ng dugo sa mga pasyente at ospital kaya’t kinakailangang mapunan ang kakulangan dito.
Samantala, tiniyak naman ng Red Cross na masusunod ang social distancing at may suot na protective mask ang mga donor ng dugo.
Umaabot na sa 20,093 ang kabuuang ng mga Pilipino sa ibayong dagat na dinapuan ng COVID-19.
Ito’y ayon sa Department of Foreign Affairs (DFA) matapos makapagtala ang ahensya ng isang bagong kaso.
Wala namang naitalang bagong recovery kaya’t nananatili sa 12,077 ang kabuuang bilang ng mga gumaling sa sakit habang nasa 6,817 ang active cases.
Samantala, pumalo na sa 1,199 ang death toll sa hanay ng mga Pinoy sa labas ng bansa kasunod ng pagkamatay ng isa pang Pinoy doon.
Patuloy na nadaragdagan ang bilang ng mga nakarekober sa COVID-19 sa Pilipinas.
Batay kasi sa pinakahuling datos ng Department of Health (DOH), nagkaroon ng 7,701 na bagong recoveries kaya’t sumampa na sa 1,232,986 ang kabuuang bilang ng mga gumaling sa sakit.
Nakapagtala rin ang DOH ng 7,302 na bagong kaso dahilan upang sumirit sa 1,315,639 ang total confirmed cases sa bansa.
Sa nasabing numero, nasa 59,865 ang mga aktibong kaso.
Samantala, dahil naman sa pagpanaw ng 137 pang pasyente, sumampa na sa 22,788 ang death toll sa buong kapuluan.
Maaari nang magbalik-alindog project!
Ito’y makaraang payagan ng Inter-Agency Task Force (IATF) ang partial opening ng mga gym at iba pang indoor non-contact sports, gayundin ang mga historical sites at museums sa NCR Plus na kinabibilangan ng Metro Manila, Bulacan, Cavite, Laguna, at Rizal.
Ayon kay IATF at Presidential Spokesperson Harry Roque, pinapayagan na ang 30% ng venue capacity para sa nasabing establisimiyento na mayroong safety seal certifications.
Samantala, sinabi naman ni Tourism Secretary Bernadette Romulo-Puyat na napapanahon ang naging desisyon ng IATF dahil matataon din ito sa pagdiriwang ng Araw ng Kalayaan ngayong araw.
Inirekomenda ng Anti-Red Tape Authority (ARTA) sa Office of the Ombudsman ang pagsasampa ng kaso laban sa head ng Food and Drug Administration – Center for Drug Regulation and Research (FDA-CDRR).
Ito’y makaraang tulugan umano ni FDA-CDRR Director Jesusa Joyce Cirunay ang daan-daang Automatic Renewal o AR drug applications.
Batay sa “motu propio disposition” ng ARTA kay Ombudsman Samuel Martires, inirerekomenda nito ang paghahain ng “412 counts” ng kasong paglabag sa Section 21 (e) ng Republic Act No. 11032 o ang Ease of Doing Business and Efficient Government Service Delivery Act of 2018 laban kay Cirunay.
Ayon sa ARTA, inaabot na ng halos isang dekada sa FDA–CDRR ang mga AR drug applications dahil ilan umano sa mga ito ay naisumite sa tanggapan ni Cirunay noon pang 2014.