Patay ang isang 14 anyos na dalagita matapos ma-trap sa nasusunog nilang bahay sa Acacia St., Bgy. Pulanglupa Dos, Las Piñas City.
Sa imbestigasyon ng City fire station, unang sumiklab ang apoy sa isang bedroom ng bahay hanggang sa kumalat ito sa silid kung saan natutulog ang biktima.
Inaalam pa ang halaga ng mga napinsalang ari-arian, gayundin ang naging sanhi ng naturang sunog.
Ligtas na Balik-Eskwela!
Ito ang mariing panawagan ng mga estudyante ng Pamantasan ng Lungsod ng Maynila o PLM sa isinagawang protesta ng mga ito.
Ayon sa mga PLM students, nais nilang matamasa ang karapatan sa kalidad na edukasyon at isang maaliwalas na kinabukasan sa kabila ng COVID-19 pandemic.
Habang dumarami anila ang mga tinatamaan ng virus ay problemado naman ang sektor ng edukasyon, kabilang ang mga guro at estudyante, na kapwa nangangamba kung paano nila maipagpapatuloy ang edukasyon sa gitna ng krisis.
Nakikidalamhati si Presidential Communications Operations Office o PCOO Secretary Martin Andanar sa pamilyang Capco sa pagkawala ni dating Press Undersecretary Roberto “Bobby” Capco.
Sa isang statement, sinabi ni Andanar na maaalala si Capco sa pagsisilbi nito sa bansa bilang mamamahayag na may integridad at dedikasyon.
Ayon kay Andanar, mahalaga ang ginampanang papel ni Capco bilang integral communications operations planner at implementer na siyang namahala sa mga programa ng Philippine Information Agency, Bureau of Communications Services, at News and Information Bureau noong administrasyong Arroyo.
Nakapagtala ang Department of Health o DOH ng 20,089 na bagong COVID-19 recoveries.
Dahil dito, sumampa na sa higit 1.8 milyon ang bilang ng mga gumaling sa sakit.
Sa pinakabagong case bulletin, nagkaroon naman ng higit 20,000 na bagong kaso habang nasa dalawang milyon na ang bilang ng mga tinamaan ng virus.
Samantala, halos 35,000 na ang death toll sa buong bansa kasunod ng pagpanaw ng mahigit isang daang pasyente.
Inanunsiyo ng Saudi Arabia na may na-intercept itong tatlong ballistic missiles na hinihinalang pinakawalan ng mga rebelde.
Ayon sa Saudi forces, tinarget ng mga missile ang mga lungsod ng Najran at Jazan sa katimugang bahagi ng kanilang bansa.
Naniniwala naman ang Saudi na kagagawan ng Houthi rebels ng Yemen na kaalyado naman ng Iran.
INAASAHANG magbabalik sa “ASAP Natin ‘To” ngayong araw na ito ang singer na si Yeng Constantino.
Ito’y gagawin ni Yeng kasabay ng pagdiriwang ng kanyang ika-labinlimang taong anibersaryo sa entertainment industry.
Sinasasabing makakasama ni Constantino sa ASAP stage ang mga batang singers na sina Anji Salvacion, Diego Gutierrez, Sam Cruz at Angela Ken.
Magugunitang inilabas ng singer ang kanyang latest single na pinamagatang “Kumapit” noong Hunyo ngayong taon.
BUKAS na muli ang Kabul airport sa Afghanistan. Ang hakbang ay ginawa ng technical team na pinangungunahan ng Qatar upang bigyang-daan ang humanitarian works.
Inaasahang bubuhusan ng pondo ng United States Congress ang aid efforts ngunit malabo upang ibigay ito nang direkta sa Taliban.
Pupulungin naman ni UN chief Antonio Guterres ang mga kinatawan ng mga bansa sa ika-labintatlo ng Setyembre para sa tulong na ihahatid ito sa Kabul.
PINADAPA ng NLEX ang Phoenix Super LPG sa score na 94-76 sa kanilang bakbakan sa PBA Philippine Cup na ginanap sa Don Honorio Ventura State University Gym sa Bacolor, Pampanga.
Kahit wala si Kiefer Ravena, humataw nang todo ang Road Warriors sa pangunguna ni Jericho Cruz na humakot ng 19 points, 7 assists at 4 steals.
Kumamada rin si Raul Soyud ng 17 points habang tumipa si JR Quiñahan ng 14 points para sa NLEX.
Dahil sa panalo, umakyat sa 4-2 ang record ng Road Warriors habang nalugmok naman ang Fuel Masters sa ikalimang sunod na pagkatalo sa pitong laro.
Lopez na inaprubahan na ng Inter-Agency Task Force o IATF ang pagpapatupad ng granular lockdowns sa Metro Manila.
Ayon kay Lopez, inaasahang aarangkada ang implementasyon nito sa Miyerkules, Setyembre a-otso.
Aniya, ipatutupad ang mga restrictions sa ilang partikular na bayan o lungsod na may mataas na kaso habang bubuksan naman ang ilang lugar para sa ibang sektor na may limitadong kapasidad.
Samantala, dadaan pa sa approval ni Pangulong Rodrigo Duterte ang nasabing rekomendasyon.
NAGPAPATULONG sa pribadong sektor ang Department of Health o DOH upang makakuha ng supply ng Baricitinib.
Ito’y dahil ayon kay Health Undersecretary Maria Rosario Vergeire, posibleng masaid na ang stocks ng experimental drug na Tocilizumab sa katapusan ng taon.
Ayon kay Vergeire, ang Baricitinib na karaniwang ginagamit laban sa arthritis ay mayroon nang certificate of product registration sa bansa at ginagamit na rin sa ibang mga pasilidad.