DWIZ 882

Dose-dosenang truck ang ginamit sa paghahakot ng tone-toneladang basurang iniwan ng mga deboto ng Poong Itim na Nazareno sa kahabaan ng ruta ng Traslacion na ginanap kahapon, Huwebes, ika-9 ng Enero.

Ayon sa Pamahalaang Lungsod ng Maynila, nasa 330-tonelada ng basura o katumbas ng 68 truckloads ang nakolekta ng Manila Department of Public Services sa kasagsagan ng prusisyon, kahapon.

POST-TRASLACION ALERT: About 68 truckloads or 330 tons of garbage were recorded and collected by the Manila Department of Public Services during #Traslacion2020.

During #Traslacion2019, about 99 truckloads or 387.4 tons of garbage were recorded and collected.#AlertoManileno pic.twitter.com/ty7vVXYiJm

— Manila Public Information Office (@ManilaPIO) January 9, 2020

Bagaman hindi pa rin maiwasan ng mga deboto na mag-iwan ng mga basura sa daraanan ng Traslacion, ay mas mababa naman ang naturang bilang kaysa sa nakolektang basura sa Traslacion noong nakaraang taong 2019.

Batay sa Manila Public Information Office (PIO), nasa 387.4-toneladong basura o katumbas ng 99 truckloads ang nakolekta noong Traslacion 2019.

Samantala, labis namang ikinalungkot ng environmental watchdog na EcoWaste Coalition ang iresponsableng pagtatapon ng basura na ito sa Rizal Park, maging sa iba’t ibang sulok ng Maynila sa kahabaan ng Traslacion ngayong taon.

Muling ipinanawagan ni Senador Bong Go ang pagtatatag ng Department of Overseas Filipinos Workers (OFWs).

Ito’y sa gitna na rin ng tumitinding tensyon sa Middle East gayundin ang paglitaw muli ng panibagong kaso ng OFW na nasawi matapos maabuso ng kaniyang amo sa ibang bansa.

Ayon kay Go, malaki ang maitutulong ng pagbuo ng Department of OFW na siyang magiging responsable sa pangangasiwa sa kapakanan at kaligtasan ng mga Pilipino sa ibayong dagat.

Giit ng senador, huwag na sanang hintayin pang dumami ang mga kaso ng OFW na naabuso o kaya ay ang magkaroon pa ng krisis sa mga bansang kinaroonan ng maraming Pilipino.

Kahit aniya nasa abroad ang ibang mga Pilipino, lalo na kung ang mga ito ay naghahanap buhay para sa kanilang pamilyang naiwan sa Pilipinas, marapat lamang umanong gawin ng pamahalaan ang tungkulin sa mga ito na pangalagaan ang kanilang kapakanan.

Awa at hindi pagiging makasarili.

Ito ang mensahe ni Pangulong Rodrigo Duterte sa mga katolikong Pilipino kasabay ng Traslacion ng Itim na Nazareno kahapon, Enero 9.

Ayon sa pangulo, magiging maganda kung matutunan ng maraming Pilipino ang maawa at ang hindi pagiging makasarili.

Sinabi pa ng pangulo na ang krus ng Panginoon ay hindi simbolo ng pagkatalo sa halip ay ng pagkapanalo na siyang nagligtas sa atin.

Tumititibay din aniya ang pananampalataya ng mga Pilipino kahit pa may mga pinagdaraanang problema sa buhay.

Kasabay nito, hinimok ng pangulo ang mga Pilipino na magkaisa para maabot ang mas magandang kinabukasan para sa lahat.

Tinatayang umabot sa mahigit 2,500,000 deboto ang lumahok sa Traslacion ng Itim na Nazareno ngayong taon.

Ito’y batay sa tala ng Manila Disaster Risk Reduction and Management Office (MDRRMO) kagabi, Enero 9.

Nag-abang naman sa Quiapo church ang nasa 530,000 deboto para sa pagdating ng andas kung saan naka pwesto na rin ang mga pulis.

Samantala, ayon sa MDRRMO, umabot sa 487 katao ang bilang ng sugatan sa Traslacion.

Gayunman wala naman umanong lubhang sugatang deboto, maliban sa isang deboto na kinailangan itakbo sa ospital makaraang mahirapang huminga.

Ipinagmalaki ng National Capital Region Police Office (NCRPO) ang mas mabilis na pag-usad ng Traslacion ng Itim na Nazareno ngayong taon.

Ayon kay NCRPO chief Police Brig. Gen. Debold Sinas, kung magtatagal pa kasi ang Traslacion mas lalaki ang tyansa ng mga masasamang loob na gumawa pa ng hindi maganda.

Sinabi rin ni Sinas na walang napaulat na major incident sa kasagsagan ng Traslacion.

Wala rin umanong naitalang malubhang nasaktan o nasugatan sa prusisyon.

Dahil dito, sa kanilang pagtaya ay naging pangkalahatang mapayapa rin ang pagtatapos ng Traslacion ngayong taon.

Nakahanda ang National Capital Region Police Office (NCRPO) na imbestigahan ang di umano’y pang aabuso ng mga pulis na nagbantay sa Traslacion 2020.

Ayon kay NCRPO acting director Police Brigadier General Debold Sinas, bagama’t may mga nasaktan ring pulis, bahagi ng kanilang trabaho ang magsilbi sa taongbayan.

Humingi ng paumanhin si Sinas sa mga nasaktang deboto samantalang nagpasalamat naman sya sa mga sumunod sa mas mahigpit nilang security measures sa Traslacion.

Sinasabing marami ang nasaktan dahil sa paghihigpit ng PNP na makalapit sa andas ang mga deboto na nalimitahan na lamang sa likod ng andas.

May mga reports pa na gumamit ng spray na may sili ang mga pulis sa mga deboto na nagtangkang pumasok sa human barricade na binubuo ng mga pulis.

(Contributor: Len Aguirre)