DWIZ 882

Nanawagan ang Commission on Human Rights (CHR) sa gobyerno ng Pilipinas at Kuwait na siguruhing mabibigyan ng katarungan ang pagkamatay ni Jeanelyn Villavende.

Ayon kay CHR Commissioner Gwendolyn Pimentel–Gana, dapat na ipataw ang hustisya laban sa mga employer ni Villavende na siyang pumatay sa pinay dh.

Ipinaalala din ni Pimentel–Ganas sa Kuwait government na naging memorandum of agreement sa pagitan ng Pilipinas at Kuwait na naglalayong maprotektahan ang mga Pilipino na nagta trabaho sa naturang bansa.

Muling binuksan ng Commission on Elections ang voter’s registration sa January 20, 2020.

Ayon kay COMELEC spokesman James Jimenez, hinikayat ang mga kabataan na bago pa lamang boboto at iba pang hindi nakapagpapa rehistro na magparehistro na upang makaboto sa susunod na election.

Gagawin ang registration mula Lunes hanggang Sabado kabilang ang holidays mula 8:00 ng umaga hanggang 5:00 ng gabi.

Bukod sa pagpaparehistro bukas din ang mga tanggapan ng COMELEC para sa pag po-proseso ng transfer of registration records, change o correction of entries, reactivation at reinstatement ng pangalan sa voter’s list.

Tatagal ang registration period hanggang September 30, 2021.

Nagkainitan si Foreign Affairs Secretary Teodoro Locsin Jr. at ilang mga nagkikilos protesta sa labas ng tanggapan ng Department of Foreign Affairs sa Pasay City.

Lumabas si Locsin mula sa kanyang tanggapan kung saan sinubukan niyang agawin ang mikropono na hawak ng isa nag po-protesta.

Sandaling bumalik sa loob ng tanggapin si Locsin at lumabas ulit para hamunin ang mga rallyista na bugbugin siya.

Sa huli, tinugon ni Locsin ang mga isyung ipinapanawagan ng mga nag kikilos protesta tulad ng pagpapatuloy ng repatriation sa Middle East sa kabila ng paglamig ng sitwasyon duon at pagsusulong ng hustisya para sa nasawing household service worker sa Kuwait.

Kinasuhan na ng Philippine Overseas Employment Administration (POEA) ang recruitment agency na nagpaalis kay Jeanelyn Villavende sa Kuwait.

Ayon kay POEA Administrator Bernard Olalia, sinampahan ng kasong administratibo ang ahensiyang nag deploy kay Villavende kasunod ng pagkamatay nito.

Aniya, bago pa namatay ang OFW ay nagsumbong na pala ito sa naturang ahensiya at humiling na mapauwi na lamang siya sa Pilipinas dahil sa nararanasang pag abuso at hindi pagbabayad ng kanyang sweldo ngunit bigo namang umaksiyon dito ang ahensiya.

Napauwi na sa bansa ang labi ni Villavende at kasalukuyang nakaburol sa kanilang tahanan sa South Cotabato.