DWIZ 882

Ipinatatapon na ng Bureau of Customs at Bureau of Animal Industry–Veterinary Quarantine Services ang mga food item na nag positibo sa African Swine Fever na nakuha sa Manila International Container Port.

Lumalabas sa laboratory testing na isinagawa na positibo sa ASF ang kargamento na pawang mga dumplings, pork chicken balls at roast chicken wings.

Dahil dito, iginiit ni BAI–VQS na ibaon ang naturang mga food products na disposal facility sa eco safe agro products sa Tondo, Manila kung saan ibabaon ito ng 25 talampakang lalim.

Matatandaang nasabat nuong Miyerkules ang kargamento na naka condign sa Dynamic M Internaitonal Trading Incorporated na dumating sa MICP mula sa China nuong December 11, 2019.

Suspendido ang klase sa 4 na paaralan sa Kalibo, Aklan malapit sa pasilidad kung saan naka confined ang mga Chinese tourist na under observation dahil sa sakit na novel coronavirus.

Ayon kay Kalibo Mayor Emerson Lachica, suspendido indefinitely ang klase sa regional Science High School for Region VI, Saint Gabriel College, Barangay Old–Bachao Sur Elementary School at Starglow Center for Academics and Arts.

Ginawa ito upang tiyakin ang kaligtasan ng mahigit 2,000 mga estudyanteng nag aaral malapit sa Gov. Corazon Legaspi-C–Bagnot Memorial Training Center kung saan nananatili ang 11 chinese na nakitaan ng sintomas ng nCoV.

Babawiin lamang aniya ang suspensiyon ng klase kapag natapos na ang quarantine sa mga dayuhan at makalabas na sa naturang pasilidad ang mga ito.

Ipinagmalaki ng Department of Public Works and Highways (DPWH) na tapos na ang konstruksyon ng apat na palapag na evacuation center sa Quezon City.

Ayon sa ahensya, layon nito na makapagbigay ng ayuda sa mga mamamayan oras na tumama ang kalamidad sa lungsod.

Anila, kumpleto ang pasilidad sa loob ng evacuation center tulad ng maayos na palikuran, breastfeeding rooms, fire exit, kusina at marami pang iba.

Makikita ang evacuation center sa bahagi ng Barangay Greater Fairview sa lungsod ng Quezon.

Mas pinalawig pa ng lokal na pamahalaan ng lungsod ng Maynila ang mga proyekto para sa mga senior citizens at Person with Disabilities (PWDs).

Ito ay matapos madagdagan pa ang mga fast food restaurants at supermarket na nagbukas ng bakanteng trabaho para sa mga ito.

Nakapaloob ito sa kasunduang pinirmahan ni Manila Mayor Isko Moreno at pamunuan ng mga naturang kumpanya.

Samantala, lubos na nagpasalamat si moreno sa ginawang hakbang ng mga ito.

Binigyan na ng go-signal ng National Economic and Development Authority (NEDA) ang pagpapagawa ng mga bagong imprastraktura, daan at tulay sa bansa.

Kabilang na rito ang konstruksyon ng Metro Rail Transit-4 (MRT-4) na nagkakahalaga ng higit P57-bilyong.

Ayon sa NEDA, kasama na rin dito ang EDSA Greenways Project, Bataan-Cavite Interlink Bridge Project, Coastal Road Construction Project, Capas-Botolan Road Project at iba pa.

Tatakbo ang 15.56-kilometer elevated Monorail Transit System ng MRT-4 mula N-Domingo sa Quezon City hanggang sa Taytay-Diversion Road-Manila East Road sa Taytay.