DWIZ 882

Pinag babawal ni Pangulong Rodrigo Duterte ang mga miyembro ng kanyang gabinete na magtungo sa Amerika.

Ayon sa Pangulo, indefinitely ay hindi na muna maaring magbyahe ang mga ito sa Amerika dahil itinuturing niya itong ”boycott” sa naturang bansa.

Paliwanag ng Pangulo, bahagi aniya ito ng kanyang unti–unting pag pagbitaw o toning down sa relasyon ng bansa sa Amerika.

Tinukoy din ng Pangulo na hindi na siya dadalo sa nakatakdang Southeast Asian Leaders meeting na gaganapin sa Las Vegas sa March 4 dahil sa umano sa strategic at geopolitical considerations.

Nilinaw ng Pangulo na hindi rin siya magtatalaga ng opisyal na kakatawan sa kanya sa naturang event.

Samantala, nilinaw din ng Pangulo na seryoso siya sa desisyong ibasura na ang Visiting Forces Agreement ng Pilipinas sa Amerika kasunod ng pagkansela ng visa ni Senador Ronald ”Bato Dela Rosa”.

Nag ugat ito sa pagpasa ng US Senate ng resolusyon na patawan ng parusa ang mga nasa likod ng pagpapakulong kay Senador Leila De Lima.

Nagpahayag ang Malakanyang ng pagkabahala sa pagtaas ng kaso ng persons under investigation dahil sa sakit na novel coronavirus sa Pilipinas.

Ayon kay Presidential Spokesman Salvador Panelo, inatasan na ni Pangulong Rodrigo Duterte si Health Secretary Francisco Duque III na magsagawa ng pag aaral at suriin kung anong mas magandang pamamaraan para masiguro na hindi makapapasok sa bansa ang naturang virus.

Kinalma ni Panelo ang publiko kung saan sinabi nitong hindi dapat mag alala o mag panic dahil ginagawa ng DOH ang mga pamamaraan para manatiling NCov free ang bansa.

Nagpaalala pa si Panelo na maging maingat ang lahat, panatilihing malinis ang sarili,  iwasan ang matataong lugar at palagiang magsuot ng facemask.

Pinaaalis na ni Pangulong Rodrigo Duterte ang mga sundalo at pulis na nagbabantay sa Batangas bunsod ng pagsabog ng bulkang Taal.

Ayon talumpati ni Pangulong Rodrigo Duterte sa anibersaryo ng Department of Social Welfare and Development, nakahigop na ng isang sakong abo mula sa bulkan ang mga pulis at sundalo kasunod ng isang linggong pagdu duty sa paligid ng bulkan.

Aniya, ipinauubaya na niya sa mga lokal na pamahalaan at mga pulis na nakatalaga duon ang pagpapatupad ng batas.

Bahala na rin aniya ang mga tiga–Batangas kung magpapasya ang mga ito na pumasok sa danger zone kahit na ipinagbabawal pa.

Kinalma ng Department of Health ang publiko sa gitna ng takot sa sakit na novel coronavirus (NCov).

Ayon kay Health Secretary Francisco Duque III, di hamak na mas mataas ang infectivity rate ng sakit na tigdas o measles kumpara sa NCov.

Aniya, kayang maghawa ng isang taong may sakit na tigdas ng hanggang 18 katao habang ang isang mayroong sakit na NCov ay maaring makahawa sa hanggang 4 na indibwal.

Sa ngayon, nanatili pa ring NCov free ang Pilipinas sa kabila ng 23 person under investigation sa naturang sakit.

Tutol ang Malakanyang na pauwiin sa ngayon ang mga Pilipino sa Hubei, China kasunod ng paglaganap ng 2019 novel coronavirus.

Ayon kay Presidential Spokesman Salvador Panelo, kapag kasi umuwi ng Pilipinas ang mga Pilipino mula sa naturang lugar ay maaring ma–expose ang bansa sa kontaminasyon.

Aniya, posible kasing maging carrier pa ng virus ang naturang mga Pilipino na uuwi sa bansa.

Payo ni Panelo, pinakamainam sa ngayon ay ang manatili muna sa Hubei ang mga Pilipino at sumunod na lamang sa mga protocols na ipinatutupad ng Chinese government.

12 Chinese national sa Iloilo at Aklan ang kasalukuyang mino monitor ng Department of Health dahil sa pagpapakita ng sintomas sa 2019 novel coronavirus.

Sa Iloilo City, inilagay sa medical observation ang isang 3 taong gulang na batang lalaki galing sa China dahil sa pagkakaroon ng lagnat.

Wala naman anilang travel history sa Hubei province ang naturang bata na dumating sa bansa kasama ang kanyang mga magulang.

Samantala, isinailalim din sa observation ang 11 Chinese national na nagbabakasyon sa Boracay.

Bagama’t wala namang ipinapakitang sintomas ang mga dayuhan ay minabuting ilagay pa rin ito sa under observation dahil nagbyahe ang mga ito sa China at hong kong bago nagpunta sa aklan.

Naglunsad ang Department of Health (DOH) ng isang official webpage para sa update hinggil sa 2019 novel coronavirus.

Ayon sa DOH, layon nitong malabanan ang fake news sa kasagsagan ng Ncov scare.

Anila, ang mga balita sa naturang site ay up to date at maari itong i-share ng publiko.

Hinikayat ang publiko na bumisita sa www dot doh dot gov dot ph slash 2019 dash ncov (www.doh.gov.ph/2019-ncov) para sa mga kumpirmado at pinakabagong balita ukol sa NCov.

Una nang umapela ang DOH sa publiko na huwag magpakalat ng mga infodemic o fakenews sa social media na nagdudulot ng takot at panic.