Author

DWIZ 882

Dalawang kampo ng militar nakatakdang gawing quarantine area sa mga Pinoy na ililikas mula Wuhan

Nakatakdang buksan ang dalawang kampo ng militar para gawing quarantine area para sa mga Pilipinong ililikas mula sa Wuhan, Hubei dahil sa nCoV.

Ayon kay Defense Secretary Delfin Lorenzana, binisita niya ang Philippine Navy Base sa Caballo Island sa Cavite.

Una nang ginamit ang naturang pasilidad para i-quarantine ang contingent ng sundalong Pilipino na ipinadala sa Liberia sa gitna ng banta sa ebola virus.

Habang ang mga opisyal naman ng DOH ang siyang mag iinspeksiyon sa bagong tayong drug rehabilitation center sa Fort Magsaysay sa Laur, Nueva Ecija.

Una nang nagpahayag ang ilang mga Pilipino sa Hubei na nais na nilang umuwi sa bansa dahil sa takot sa nCoV.

February 2, 2020 0 comment

HEADLINES NATIONAL NEWS

PUI na nasawi sa San Lazaro Hospital negatibo sa 2019-nCoV ARD

written by DWIZ 882

Nagnegatibo sa novel coronavirus ang person under investigation (PUI) na nasawi sa San Lazaro Hospital kamakailan.

Ayon kay Health Director for Epidemiology Bureau Fercito Avelino, ito ang kinumpirma ng confirmatory test result na nagmula sa Australia.

Una nang nadala sa naturang ospital ang lalaki na nagmula sa Wuhan Province dahil sa pagpapakita ng flu–like symptoms at una nang nagpositibo sa human immunodefiency virus.

Samantala, isasalang din sa confirmatory testing ang nobyo ng babaeng Chinese na kauna – unahang nag positibo sa nCoV sa bansa.

Kasalukuyan pa rin itong nasa isolation room sa San Lazaro Hospital at patuloy pa ring inoobserbahan.

February 2, 2020 0 comment

HEADLINES HOT STORIES OF THE WEEK NATIONAL NEWS

Duterte ipinag-utos na ang pagpapatupad ng temporary travel ban sa China, Hong Kong, Macau

written by DWIZ 882

Ipinag-utos ni Pangulong Rodriog Duterte ang pagpapatupad ng temporary travel ban sa lahat ng turistang magmumula sa mainland China, Hong Kong at Macau.

Ito ay sa gitna pa rin ng pagkalat ng 2019 novel coronavirus mula sa Wuhan, Hubei Province.

Ayon kay Senador Christopher Bong Go, binigyang konsiderasyon ng Pangulo ang mga concern na ipinaabot ng mga opisyal ng gobyerno at ilang health experts.

Nagpasya ang Pangulo na pakinggan ang mga suhestiyon para magrekomenda at agad na magpatupad ng precautionary measure para protektahan ang mga Filipino.

Una nang ipinagbawal ng Pangulo ang pag babawal sa pagpapasok sa bansa ng mga biyahero na mula sa Hubei Province kung nasaan ang Wuhan City na siyang pinagmula ng bagong coronavirus.

February 2, 2020 0 comment

ENTERTAINMENT

Drew Arellano at Iya Villania magkakaroon na ng ikatlong anak

written by DWIZ 882

Maligayang maligaya ngayon ang mag asawang Drew Arellano at Iya Villania.

Kasabay ng kanilang ika–6 na anibersaryo ay ibinahagi ng mag asawa sa kanilang vlog na magkakaroon na sila ng ikatlong anak.

Mangiyak ngiyak pa si Drew nang makita at mabasa ang card na ibinigay ng kanyang asawa kung saan nakalagay ang uktrasound nito.

Buntis ngayon si Iya na nasa second trimester na ng kanyang pagbubuntis.

Makikita naman sa video na masayang masaya rin ang ina ni Iya kung saan humirit ito na sana ay baby girl na maging kasunod na baby ng mag asawa.

May dalawa nang anak ang mag asawa si Primo, 3 taong gulang at si Leon na 1 taong gulang.

February 1, 2020 0 comment

INTERNATIONAL NEWS NATIONAL NEWS

US State Department nagtaas ng alert level 4 travel advisory sa China

written by DWIZ 882

Itinaas na ng US State Department sa alert level 4 ang travel advisory sa China.

Sa inilabas na abiso, hiniling ng US State Department sa lahat ng mamamayan ng Amerika at sa lahat ng government personnel na ipagpaliban ang pag biyahe sa China dahil sa banta ng 2019 novel corona virus.

Habang ang mga American citizen na nasa China ay pinapayuhang bumalik na sa Amerika.

Nagbawas na rin ng biyahe ng mga commercial carrier ng US patungo at mula sa China.

Pinaghahanda na rin ang mga mamamayan ng Amerika sakaling tuluyan nang magpatupad ng travel restriction sa naturang bansa.

Ang Wuhan, China ang tinatawag na ground zero o ang pinagmulan ng sakit na nCoV na kumalat na sa mahigit 20 bansa sa mundo.

February 1, 2020 0 comment

HEADLINES NATIONAL NEWS

Philhealth sasagutin ang pagpapagamot ng mga PUI

written by DWIZ 882

Sasagutin ng Philippine Health Insurance (Philhealth) ang pag papagamot ng mga itinuturing na Person Under Investigation (PUI) dahil sa novel coronavirus.

Ayon kay Health Secretary Francisco Duque III, napagkasunduan ng Philhealth board na maglaan ng package para sa nCoV.

Sa ilalim ng coverage, 1,000 kada araw ang ilalaan ng Philhealth para sa mga ospital na may pasyente na mayroong nCoV o kahit under investigation pa lamang.

Kung mauuwi naman sa pneumonia ang sakit ay sasagutin ng Philhealth ang pagpapagamot mula 16,000 hanggang 32,000.

February 1, 2020 0 comment

NATIONAL NEWS

P42M na donasyon ibinahagi ng European Union para sa mga biktima ng Taal

written by DWIZ 882

Nagbigay ng P42M na donasyon ang European Union para sa mga biktima ng bulkang Taal.

Ang naturang pondo ay bahagi ng Acute Large Emergency Response Tool ng EU na inaasahang magbebenepisyo sa halos 300,000 katao na apektado ng pagputok ng bulkan.

Ayon sa opisyal ng EU, handa ang union na suportahan ang mga Pilipino at matulungan ang magbalik sa normal ang buhay ng mga evacuees.

Kasama sa ipagkakaloob na humanitarian assistance ay mga emergency shelter, essential househol items tulad ng mats, blankets, hygiene kits at access sa malinis na tubig.

Sa pinakahuling tala ng NDRRMC, nasa 63,000 katao pa rin ang nananatili sa evacuation centers sa kabila ng pagbuti ng sitwasyon ng bulkan.

February 1, 2020 0 comment

HEADLINES NATIONAL NEWS RONDA PROBINSYA

Mag-ina sa Nueva Vizcaya binabantayan matapos makitaan ng sintomas ng nCoV

written by DWIZ 882

Binabantayan ngayon ang isang mag–ina sa Nueva Vizcaya na galing sa Hong Kong matapos na makitaan ng sintomas ng 2019 novel coronavirus.

Kasalukuyang nasa isolation room sa isang pagamutan ang mag–ina na mayroong lagnat at nagsusuka.

Galing umano ang mag ina mula sa bakasyon sa Hong Kong.

Sa ngayon, umaabot na sa 31 ang Person Under Investigation (PUI) ng DOH bukod pa sa isang Chinese na nagpositibo sa nCoV.

February 1, 2020 0 comment

HEADLINES NATIONAL NEWS

Kasama ng Chinese na nagpositibo sa nCoV kabilang sa mga PUI sa bansa

written by DWIZ 882

Kabilang ang kasama ng babaeng Chinese na nagpositibo sa 2019 novel coronavirus sa 31 mga Person Under Investigation (PUI) ng Department of Health.

Ayon kay Health Undersecretary Eric Domingo, kasalukuyang naka admit din ang kasama ng babae sa San Lazaro Hospital at inaantay pa ang resulta kung positibo ba ito sa nCoV.

Kasama ang sample na mula sa companion ng naturang Chinese sa mga ipinadala sa Australia para sa confirmatory testing.

February 1, 2020 0 comment

HEADLINES NATIONAL NEWS

Grupo ng mga Chinese namigay ng libreng facemask sa Maynila

written by DWIZ 882

Namigay ang grupo ng mga Chinese ng libreng facemask sa Maynila matapos na magkaubusan ng face mask sa merkado kasunod ng kumpirmasyon ng kauna–unahang kaso ng novel corona virus sa bansa.

Kahon-kahong mga facemask ang ipinamigay ng mga Chinese sa labas ng Lido de Paris Hotel sa Ongpin Street Binondo Maynila kahapon.

May mga naka sulat pa sa mga kahon ng facemask na ang naturang mga mask ay laan lamang para sa mga Pilipino.

Naging positibo naman ang pagtanggap dito ng mga publiko kung saan marami ang pumila dito para makatanggap ng facemask habang ang ilan ay nagpahayag pa ng pasasalamat sa social media.

Una nang nakatanggap ng diskriminasyon ang mga Chinese sa bansa kasunod ng mabilis na pagkalat ng nCoV sa iba’t ibang bansa.

February 1, 2020 0 comment

Newer Posts

Older Posts