Author

DWIZ 882

HEADLINES HOT STORIES OF THE WEEK NATIONAL NEWS

32 OFWs na inilikas mula China hindi nakitaan ng sintomas ng nCoV —Duque

Binabantayan ng mga doktor mula sa iba’t ibang ospital sa Central Luzon ang mga Overseas Filipino Workers (OFWs) na galing ng Wuhan, China at ngayon ay nakaquarantine na sa New Clark City.

Ayon kay Department of Health (DOH) secretary Francisco Duque III, walang kahit isa sa 32 na nagparepatriate ang nakitaan ng kahit na anong sintomas ng sakit.

Hindi ko alam kung saan nanggaling ‘yung 30, ang sa amin kasi 32 [OFWs]. 32 ang bigay na report sa akin,” paglilinaw ni Duque.

Maliban anya sa mga OFWs, kasama nilang nakaquarantine ngayon ang limang doktor ng DOH na kasama sa sumundo sa Wuhan, tatlo mula sa consulate office, anim na plane crew, dalawang driver at isang porter.

Kasabay nito ay iginiit ni Duque na walang basehan ang takot ng mga nakatira sa paligid ng lugar na ginagamit bilang quarantine area.

Karamihan, pag nagkaroon ng sintomas, malamang pagkatapos mong i-test, doon mo ma-e-establish kung talagang meron o wala (positibo o negatibo sa virus). Hindi mo masasabing siguradong-sigurado ka without doing the testing,” ani Duque. —sa panayam ng Ratsada Balita

February 10, 2020 0 comment

HEADLINES RONDA PROBINSYA

DOH mahigpit na naka-monitor sa mga Pinoy na naka-quarantine sa New Clark City

written by DWIZ 882

Mahigpit na imomonitor ng Department of Health (DOH) ang mga Pilipinong naka-quarantine sa Athlete’s Village sa New Clark City.

Ayon kay Health undersecretary Gerardo Bayugo, mga limang doktor mula sa mga ospital sa region 3 ang magkakatuwang na titingin sa lagay ng naturang mga Pinoy.

Dagdag pa ni Bayugo, nagpatupad sila ng house rules upang mapanatili ang kaayusan sa pasilidad.

Nilinaw rin ni Bayugo na maaaring gumamit ng cellphone at internet ang mga balikbayan ngunit hindi sila maaaring magpost sa social media o mag-live update kaugnay sa kanilang kondisyon habang naka-quarantine.

February 10, 2020 0 comment

RONDA PROBINSYA

Mga pampublikong ospital sa Central Luzon isinailalim na sa blue alert vs. nCoV

written by DWIZ 882

Isinailalim na sa blue alert status ng Department of Health (DOH) Central Luzon for Health Development ang lahat ng pampublikong ospital sa rehiyon.

Ito’y matapos magbalik bansa ang mga Pilipino na mula Hubei Province sa China.

Ibig sabihin ay nakahanda ang lahat ng pampublikong ospital na rumesponde o tumugon sakaling may OFW na mangailangan ng atensyong medikal.

Sa ilalim ng blue alert status, ang 50% ng tauhan sa mga pampublikong ospital ay obligadong pumasok upang makadagdag sa magbibigay ng tulong at serbisyong medikal.

February 10, 2020 0 comment

NATIONAL NEWS

Konstruksyon ng mga palikuran pinababantayan sa DOH

written by DWIZ 882

Pinababantayan sa Department of Health (DOH) ang konstruksyon ng mga palikuran.

Ito, ayon kay house committee on public accounts chairman Anakalusugan party-list Representative Mike Defensor Santiago, ang pondong nakalaan ay nakapaloob sa bugdet ng DOH ngunit ito ay mapupunta sa Department of Public Works and Highways (DPWH).

Ito aniya ay dahil ang DPWH ang mangangasiwa ng nasabing proyekto.

Ngunit kung susundin lang umano ng DPWH ang P20,000 kada palikuran magiging sapat ang P350-milyon para makabuo ng 17,500 bagong palikuran.

February 10, 2020 0 comment

NATIONAL NEWS

Makati mayor isinailalim sa hight alert ang mga health, rescue personnel vs. nCoV

written by DWIZ 882

Isinailalim na sa high alert status ni Makati City mayor Abigail Binay ang lahat ng tauhan na nasa ilalim ng health at rescue sa lungsod.

Ito’y kasunod ng dumaraming apektado ng 2019 novel coronavirus acute respiratory disease (2019 nCoV-ARD) sa bansa.

Ayon kay Binay, maging sa mga tanggapan ng gobyerno sa lungsod ay nagpapatupad ng preventive measure upang maiwasan ang pagkalat ng nabanggit na sakit.

Gaya na lamang aniya ng paggamit ng infrared thermometers para ma-check o ma-scan ang mga empleyado o bisita na papasok sa city hall.

Kasabay nito, inatasan din ang lahat ng mga negosyante na magsumite ng lahat ng pangalan ng kanilang mga empleyado na galing kamakailan sa Mainland China, Hong Kong at Macau.

February 10, 2020 0 comment

HEADLINES NATIONAL NEWS

4 Pinoy kasama sa 6 na panibagong kaso ng nCoV sa Japan cruise ship

written by DWIZ 882

Napabilang ang apat (4) pang Pilipino sa panibagong anim (6) na nagpositibo sa 2019 novel coronavirus acute respiratory disease (2019 nCoV-ARD) sa cruise ship sa Japan.

Batay sa impormasyon mula sa ministry of health, labor and welfare ng Tokyo, kasama ng apat na Pilipino ang isang Amerikano at isang Ukrainian na nakitaan ng sintomas ng nasabing virus.

Anila, nagsagawa sila ng panibagong pagsusuri sa 336 na posibleng apektado ng 2019 nCoV-ARD mula sa 3,700 pasahero at crew ng barko at nakumpirma nga ang anim na panibagong kaso.

Samantala, sinisikap na rin ng pamahalaan ng Japan na makakuha ng suplay ng gamot para sa mga sakay ng barko na may chronic conditions upang hindi na ito lumala pa o dapuan pa ng nabanggit na virus.

February 10, 2020 0 comment

HEADLINES

LTOP namahagi ng vitamin C supplements sa mga PUV drivers kontra nCoV

written by DWIZ 882

Hinimok ng grupong Liga ng Transportasyon at Operators sa Pilipinas (LTOP) ang mga tsuper ng pampublikong sasakyan na panatilihing malakas ang pangangatawan.

Ito’y sa harap na rin ng banta sa kalusugan ng 2019 novel coronavirus (nCoV) kung saan ilang kaso na ang naitatala ng Pamahalaan sa iba’t ibang panig ng bansa.

Ayon kay Orlando “Ka Lando” Marquez, pangulo ng LTOP, mahalagang mapag-ingat ang mga tsuper mula sa panganib ng nasabing sakit lalo pa’t bantad ang mga ito dahil sa kanilang araw araw na rutina sa kalsada.

Kasunod nito, nakatakdang mamahagi ang LTOP ng mga Vitamin C supplements sa mga tsuper upang matulungan ng mapalakas ang kanilang immune system.

Maliban kasi sa malinis na pangangatawan, isa rin sa mga kinakailangan upang malabanan ang sakit na dulot ng nCoV ay ang malakas at malusog na pangangatawan.

February 9, 2020 0 comment

HEADLINES

3 Manila police chief sinibak sa puwesto

written by DWIZ 882

Sibak sa puwesto ang tatlong hepe ng pulisya sa Metro Manila dahil sa kabiguan nilang matugunan ang problema sa illegal gambling sa kani-kanilang mga nasasakupan.

Sa ipinalabas na memorandum ni NCRPO director Major General Debold Sinas, kabilang sa mga na-relieve si Caloocan City Police chief Col. Noel Flores, Pasay City Police chief Col. Bernard Yang, at Muntinlupa City Police chief Gerardo Umayao.

Ayon kay Sinas, ang pagsibak sa tatlong police chief ay alinsunod sa one strike policy sa iligal na sugal ni PNP chief General Archie Gamboa.

Samantala, papalit bilang hepe ng Caloocan Police si dating NPD Mobile Force Commander Col. Dario Menorhabang, uupo naman bilang bagong Muntinlupa City Police chief si dating EPD Mobile Force chief Col. Hermogenes Duque.

Itinalaga naman ni Sinas bilang officer in charge (OIC) ng Pasay Police si Lt. Col. Deanry Romualdo Francisco habang naghahanap pa aniya siya ng kapalit ni Yang.

February 9, 2020 0 comment

HEADLINES RONDA PROBINSYA

Turismo sa Bohol apektado na ng 2019 nCoV-ARD

written by DWIZ 882

Apektado na ng usapin sa 2019 novel coronavirus acute respiratory disease (nCoV-ARD) ang industriya ng turismo sa Bohol.

Batay sa ulat, kapuna-puna ang mababang bookings na natatanggap ng mga hotel sa Panglao Island, Bohol gayundin malaking bilang ng mga nakakansela.

Iniuugnay naman ito sa pagkaka-ulat na naglibot ng Bohol ang turistang Chinese na siyang ikatlong kumpirmadong kaso ng nCoV infection sa bansa.

Bunsod nito, nagpatupad na rin ng mga safety measures ang mga establisyemento, hotel at resort sa Bohol kung saan kanila nang sinusuri ang temperatura at travel history ng kani-kanilang mga bisita.

February 9, 2020 0 comment

HEADLINES NATIONAL NEWS

Ilang PUIs naka admit sa AFP Medical Center —AFP-PAO

written by DWIZ 882

Naka-admit sa Armed Forces of the Philippines Medical Center o mas kilala bilang V. Luna Medical Center sa Quezon City ang ilang mga persons under investigation (PUI) dahil sa 2019 novel coronavirus (nCoV).

Kinumpirma ito ni AFP Public Affairs Office Health Service Command spokesperson Captain Sherwin Joseph Sarmiento bagama’t tumanggi na siyang isiwalat kung ilan ang mga ito.

Ayon kay Sarmiento, kasalukuyang naka-isolate sa infectious ward ng V. Luna ang mga PUI’s para ma-obserbahan.

Binigyang diin naman ni Sarmiento na nakahiwalay sa main building ng ospital ang gusali ng infectious ward.

Dagdag ni Sarmiento, binilinan na rin sila ng AFP Public Affairs Office na huwag nang maglabas pa ng impormasyon sa bilang at classification kung militar o sibilyan ang naka-admit na PUI’s.

February 9, 2020 0 comment

Newer Posts

Older Posts