DWIZ 882

Naniniwala ang Malakanyang na hindi na kailangan na konsultahin ni Pangulong Rodrigo Duterte ang kanyang gabinete kaugnay sa pagbasura ng Visiting Forces Agreement (VFA) pagitan ng bansa at Amerika.

Ayon kay Presidential Spokesman Salvador Panelo, magaling na abogado ang Pangulo at matagal nang pinag-aralan ang sitwasyon bago nagdesisyon na ibasura ang VFA.

Saka na lamang aniya kukunsulta ang Pangulo sa kanyang gabinete kung may mga usapin sa bansa na hindi siya sigurado.

Sa kabila nito, suportado naman ng buong gabinete ang desisyon ng Pangulo na ibasura ang naturang kasunduan.

Nilinaw ng Department of Health (DOH) na hindi pa ikinokonsidera ng World Health Organization (WHO) ang 2019 novel coronavirus (2019-nCoV ARD) bilang airborne disease.

Kasunod ito ng lumabas na artikulo sa social media kung saan tinukoy na maaring kumalat ang bagong strain ng coronavirus sa pamamagitan ng hangin.

Ayon kay DOH Undersecretary Eric Domingo, hindi pa ito napapatunayan sa ngayon at kasalukuyan palamang itong pinag aaralan ng WHO.

Una nang tinukoy ng WHO na tulad ng iba pang strain ng coronavirus gaya ng middle- East Respiratory Syndrome (MERS) at Severe Acute Respiratory Syndrome (SARS) ay nangyayari ang pagkalat ng nCoV sa pamamagitan ng human to human transmission.

Nilinaw ng Department of Health (DOH) na kasama sa umiiral na travel ban ang Taiwan.

Matatandaang naitala ang 18 kaso ng 2019 novel coronavirus sa nasabing bansa.

Ayon kay Health Undersecretary Eric Domingo, kung pagbabatayan ang World Health Organization (WHO) itinuturing nito na bahagi ng China ang Taiwan.

Bagama’t nagkaroon ng hindi pagkakaintindihan noong unang inanunsiyo at ipinatupad ang travel ban ay naituwid din ito.

Itong by late last week it was cleared that the policy is that they wanna see, we asked WHO very clearly they are always referred to just what China they want us included even in their official reports,” ani Domingo.

Nakataas ang code blue alert sa lahat ng ospital sa Region 3 kasunod ng pagsasailalim sa quarantine sa mga Pilipinong mula sa Hubei, China.

Matatandaang mananatili ng 14 na araw ang mga Pilipinong mula sa Wuhan sa New Clark City sa Tarlac.

Ayon kay Health Undersecretary Eric Domingo, nakaantabay ang mga pagamutan sakaling magpakita ng sintomas tulad ng ubo at lagnat ang sinuman sa mga Pilipinong ni-repatriate.

Aniya, sumasailalim sa dalawang beses na check-up kada araw ang mga Pilipino ngunit mabuting wala pang ni isang nagpapakita ng anomang sintomas ng 2019-nCoV ARD.

It means that half of the work force or health work force are on duty at any given time and that we are ready to mobilize more if needed,” ani Domingo.

Samantala, kinalma naman ni Domingo ang lokal na pamahalaan ng Capas, Tarlac kasunod ng kanilang mariing pagtutol na gawing quarantine area ang New Clark City.

Ayon kay Domingo, sa ngayon ay wala pang kasunod na batch ang mga OFW at magde-deploy sila ng medical team sa paligid ng New Clark City para siguruhing hindi mahahawa ng sakit ang mag residente doon.

What we are doing now is to really making sure that to show them there’s no risk for the community, this community is very very far and I’m sure they witness how it happened now that it’s embarking, in transportation from the airport or to the facility talagang walang way naman to expose anybody and of course now there are facilities that are being manned by a team and we are also having our medical workers to go around the communities to assure everybody that there is no risk,” ani Domingo.