DWIZ 882

Makakaranas ng anim na oras na power service interruption ang ilang bahagi ng Quezon City bukas, Pebrero 17.

Batay sa abiso ng Meralco, mawawalan ng suplay ng kuryente ang bahagi ng Paraluman Street malapit sa Holy Spirit Drive sa Isidora Hills Subdivision mula 10:00 ng umaga hanggang 4:00 ng hapon bukas

Ito ay bunsod naman ng nakatakdang reconductoring ng linya ng kuryente sa Paraluman St., Isidora Hills Subdivision sa Barangay Holy Spirit.

Samantala saglit ding makakaranas ng brownout ang ilang bahagi ng Sta. Rosa City Laguna mula 12:01 ng hating gabi hanggang 2:00 ng madaling araw.

Ayon sa Meralco, nakatakda nilang linisin ang mga poste ng kuryente sa bahagi ng Barangay Balibago na naapektuhan naman ng ashfall mula sa pagputok ng Bulkang Taal.

Mariing tututulan ni Pangulong Rodrigo Duterte ang anumang reclamation projects sa Manila Bay hangga’t siya ang naka-upong Pangulo ng bansa.

Iyan ang harap-harapang inihayag ng Pangulo sa inagurasyon ng bagong ayos na Sangley Airport sa Cavite kahapon.

Ayon sa Pangulo, hindi makakukuha ng go signal sa kaniya ang anumang pribadong reclamation projects maliban na lang kung ito’y mayroong koneksyon sa mga pagawaing bayan.

There is one important thing that I want to make clear not during my time, I will only allow maybe plants or whatever reclamation if it is in connection with the government project, I will not allow massive reclamation for a private sector not now because if you approve one you approve all,” ani Duterte.

Naniniwala ang Pangulo na tiyak malalagay sa balag ng alanganin ang buong Metro Manila sa sandaling payagan ng mga susunod na Pangulo ang mga planong reclamation sa Manila Bay.

Pag-aralan ninyo ng mabuti yan, the next administration whoever gets to be next president of the country to study really carefully because that Manila is an old city and it will decay if you add so many things in front of Manila bay. Government projects except for those na-approve na, wala na ako that is why yung reclamation authority kinuha ko because I heard that everybody was grovelling for it, it came to my attention we have this project, no reclamation you wait until the next President, you might look at it kindly,” ani Duterte.

Nais pagpaliwanagin ni dating PNP Chief ngayo’y Sen. Panfilo Lacson ang kasalukuyang liderato ng Philippine National Police (PNP).

Ito’y may kaugnayan sa umano’y pagkakabilang ni P/Ltc. Jovie Espenido sa listahan ng mga pulis na nasasangkot sa illegal drug trade.

Ayon kay Lacson, nakausap na niya si Espenido na minsan na niyang naging tauhan at may nilinaw aniya ito sa kaniya kaugnay sa isyu.

Lumalabas ngayon na yung kanyang pagka-include sa narco list, yung lumang dahilan nung nandon pa siya sa Albuera anyway pwede pa ding i-clarify ito sa PNP na ano ba talaga ang naging pasya ng pagka-include sa kanya sa narco list, wala namang alam, sa pagkasabi niya sa akin; si Espenido except yon at pinadala niya ako ng kopya ng report ng ajudication board na kini-clear na siya, exclude na siya dun sa listahan,” ani Lacson.

Dahil dito, sinabi ni Lacson na malaki aniya ang magiging epekto ng nasabing usapin para kay Espenido lalo’t kilala niya ito na masipag, tapat at dedikado sa pagtupad sa tungkulin.

Kung yun lang ang dahilan dapat i-correct na kaagad ito para naman hindi mag-linger sa kaisipan ng mga kababayan, in fairness to Espenido kasi nung kasama ko siya noon, PO1 palang siya noon; ang talagang pagkakakilala ko sa kanya kapag alam niyang tama siya atsaka yung integridad niya saka yung dedikasyon sa kanyang tungkulin hindi talaga matatawaran yun lang yung aking personal experience,” ani Lacson.