DWIZ 882

Nadagdagan pa ang bilang ng mga tinamaan ng sakit na polio sa bansa.

Ito’y makaraang kumpirmahin ng Department of Health (DOH) ang ika-17 kaso ng polio na naitala sa Nueva Ecija.

Ayon sa DOH, nagpositibo kasi ang isang taong gulang na batang lalaki sa polio virus o acute flaccid paralysis batay sa ulat at obserbasyon ng mga health workers sa lugar.

Kasunod nito, sinabi ng DOH na mahigpit ang kanilang pakikipag-ugnayan sa World Health Organization (WHO) para sa tamang pagpapabakuna laban sa polio.

May nakaambang dagdag-bawas sa presyo ng mga produktong petrolyo ang mga kumpaniya ng langis ngayong papasok na linggo.

Batay sa pagtaya, maglalaro sa 30 hanggang 40 sentimos ang posibleng itaas sa presyo ng kada litro ng gasolina.

Habang posible namang bumaba ng 10 sentimos o hindi na gumalaw pa ang presyo naman sa kada litro ng diesel at kerosene.

Ang panibagong price adjustment sa mga produktong petrolyo ay bunsod pa rin ng malikot na presyuhan ng krudo sa pandaigdigang pamilihan.

Pumalo na sa 487 katao ang bilang ng mga persons under investigations (PUIs) dahil sa coronavirus disease (COVID-19) ngayong Sabado.

Sa pinakahuling update na ipinalabas ng Department of Health, 154 dito ang kasalukuyang naka admit sa ibat-ibang ospital at patuloy na binabantayan ng DOH.

Samantalang 330 naman sa mga PUIs ay na discharged na ayon kay Health Assistant Secretary Rosette Vergeire.

Sa ngayon ayon sa DOH, wala pang naitatalang local transmission ng COVID-19.

Ibig sabihin ay wala pang kaso na ang isang Pilipino ay nahawa mula sa isa pang Pilipino.

Subalit sinabi ng DOH na pinaghahandaan nila ito para sa mas pinaigting na pagresponde.

Tiniyak rin ng Health departmernt ang kahandaan ng kanilang mga health facilities para sa pag-aadmit ng karagdagang mga pasyenteng magpapakita ng sintomas ng COVID-19.

Pumalo na sa 17 ang bilang ng kaso ng polio sa bansa ayon sa Department of Health (DOH) ngayong Sabado.

Pinakabago sa nadagdag sa polio cases ang isang 1-year-old na batang lalaki mula sa Cabanatuan City.

Ayon sa DOH, nakaramdam ang bata ng mataas na lagnat at biglaang panghihina sa kanyang kaliwang paa.

Agad itong sinuri ng mga health workers at nagpositibo sa poliovirus.

Samantala, kinumpirma rin ng Research Institute of Tropical Medicine na nagpositibo sa poliovirus ang sample na nakuha mula sa tubig ng Butuanon River sa Cebu.

Sinabi naman ng DOH na patuloy silang tumutulong sa surveillance capacities ng Cabanatuan at Mandaue para sa poliovirus.

Tutol si Foreign Affairs Secretary Teddy Locsin Jr. sa planong magpatupad na rin ng travel ban sa Singapore sa gitna ng banta ng coronavirus disease 2019 (COVID-19).

Sa kanyang Twitter post, sinabi ni Locsin na hindi ibinabatay ang pagpapatupad ng travel ban sa bilang ng insidente, na-infect o nasawi dahil sa nabanggit na sakit.

Bagkus aniya ay sa kapabilidad ng isang bansa na kontrolin ang sitwasyon gayundin ang pagkalat ng sakit sa kanilang nasasakupan.

Iginiit ni Locsin na may kakayanan ang Singapore na pangasiwaan ang mga insidente ng COVID-19 sa kanilang lugar.

Una nang nagtaas ng alerto ang Singapore para sa COVID-19 na tulad ng kanilang ipinatupad sa kasagsagan ng outbreak sa severe acute respiratory syndrome (SARS) noong 2003.