DWIZ 882

Nanawagan sa publiko ang World Health Organization (WHO) na hindi dapat balewalain ang panibagong kaso ng Covid-19 na Omicron variant.

Ayon kay WHO Technical Lead for Covid-19 Dr. Maria Van Kerkhove, kahit na “less severe” ang ipinapakitang sintomas ng Omicron variant ay mabilis itong kumalat at makahawa sa taong hindi pa bakunado o may karamdaman.

Sinabi ni Kerkhove na posibleng hindi lang omicron ang magiging huling variant of concern sa bansa kung hindi mag-iingat ang publiko.

Dagdag pa ni Kerkhove na isa sa pinaka magandang solusyon ay ang pagpapabakuna upang maiwasang kumalat ang nakakahawang sakit.—sa panulat ni Angelica Doctolero

Binawasan ang bilang ng mga empleyadong naka on-site working sa Korte Suprema makaraang ipatupad ang Memorandum Order No. 4-2022.

Layunin nitong mabawasan ang physical contact sa hanay ng mga SC personnel kasunod ng patuloy na pagdami ng mga naitatalang kaso ng covid-19 sa kanilang ahensya.

Ayon kay Chief Justice Alexander Gesmundo, epektibo ang bagong on-site working capacity simula sa araw ng Lunes, January 10, 2022 hanggang sa susunod na abiso.

Ang mga empleyadong inilagay sa work from home basis ay kailangang magreport ng araw-araw sa kanilang serbisyo upang makumpleto ang 5-working days kada isang linggo.

Samantala, hindi naman kabilang sa nabanggit na working capacity ang Office of the Bar Chair, Office of the Bar Confidant, Office of the Administrative Services-SC maging ang MDS and receiving section ng Judicial Records Office.  —sa panulat ni Angelica Doctolero

Patuloy parin sa pamamahagi ng relief assistance ang Philippine Coast Guard para sa mga pamilyang sinalanta ng bagyong Odette sa Visayas at Mindanao.

Sa datos ng PCG, umabot na sa 1,218.4 na tonelada ng relief goods ang naibiyahe ng PCG vessels at air assets habang 594 na tonelada naman ng iba’t ibang suplay ang naipadal ng PCGA aircraft at private vessels

sa ngayon, pumalo na sa mahigit 1,812 na tonelada ng relief goods at critical supplies ang naipamahagi na ng ahensya katuwang ang ibat-ibang lokal na pamahalaan para sa rehabilitasyon ng mga probinsyang pinadapa ng bagyo. —sa panulat ni Angelica Doctolero

Inihayag ng Development Budget Coordination Committee (DBCC) na posibleng mawalan ng P3bilyon kada linggo ang ekonomiya ng bansa matapos ang muling pagpapatupad ng alert level 3 sa Metro Manila at iba pang karatig lalawigan kabilang na ang Bulacan, Laguna, Cavite at Rizal.

Ayon sa DBCC, malaki ang naging epekto ng muling pagsirit ng covid-19 cases kung saan, pumalo sa 21,819 ang karagdagang panibagong kaso habang 77,369 naman ang kabuuang bilang ng aktibong kaso.

Bukod pa dito, nadagdagan din ng 29 ang bilang mga nagpositibo sa omicron variant dahilan para pumalo na sa 43 ang kabuuang bilang nito.

Dahil dito, nagpaalala ang DBCC na kailangang may sapat na bakuna at pondo ang pamahalaan para sa booster shots upang mas lalong maabot ang mahigit limampung milyong fully vaccinated individuals.

Sinabi pa ng DBCC na malaking tulong din ang 2022 general appropriations act para sa patuloy na pagtugon ng gobyerno sa pandemya. —sa panulat ni Angelica Doctolero