DWIZ 882

Inaprubahan na ng Land Transportation Office (LTO) ang pagpapalawig ng dalawang buwang validity sa student permit, driver’s license, conductor’s license at medical certificate na mapapaso sa Enero, Pebrero, at Marso.

Ang pagpapalawig ng validity ng mga lisensya ay ginawa bilang bahagi ng mga hakbang upang mapagaan ang pasanin ng publiko sa gitna ng patuloy na pagtaas ng kaso ng COVID-19 sa bansa.

Samantala, nanawagan si Senator Grace Poe sa lto na tiyaking madaling ma-access ang online portal nito para sa aplikasyon at renewal ng mga driver’s license.

Matatandaang nag-isyu ang lto ng 10 taong validity ng driver’s license noong nakaraang taon upang mabawasan ang problema ng mga motorista. —sa panulat ni Kim Gomez

Ilang pasahero ng Philippine National Railways (PNR) ang nagpositibo sa COVID-19 matapos ikasa ang random antigen test.

Batay sa ulat, tatlo sa siyam na pasahero sa tutuban station ang sinuri at nagpositibo sa virus na ngayon ay dinala na sa isang holding area sa kani-kanilang local government units (LGU).

Samantala, nagpaalala naman ang PNR management sa publiko na panatilihing sumunod sa minimum health protocols lalo na kung gagamit ng pampublikong transportasyon. —sa panulat ni Kim Gomez

50 milyong doses ng Pfizer COVID-19 vaccine ang binili ng gobyerno na darating sa huling bahagi ng Enero upang ma-inoculate ang mga menor de edad na 5 hanggang 11 anyos laban sa COVID-19.

Kinumpirma ito ni National Task Force (NTF) Against COVID-19 Special Adviser Dr. Ted Herbosa.

Hinikayat din ni Herbosa ang publiko na magpabakuna laban sa viral disease upang maiwasan ang tumataas na kaso ng COVID-19.

Samantala, tiniyak naman ni Herbosa sa publiko na handa ang gobyerno para sa panibagong Omicron variant. —sa panulat ni Kim Gomez

Kinansela ng United States embassy sa Pilipinas ang mga interview appointment para sa mga non-immigrant visa applicants ngayong buwan sa gitna ng tumataas na bilang ng kaso ng COVID-19.

Ayon sa US Embassy, ang pagkansela ng mga appointment ay nagsilbing pag-iingat upang pigilan ang pagkalat ng virus.

Dadag pa ng embahada, na walang karagdagang bayad para sa pagpapalit ng mga appointment.

Samantala, pinayuhan naman ang mga aplikante na bisitahin ang official website ng US embassy sa Pilipinas para sa karagdagang impormasyon. —sa panulat ni Kim Gomez

Inanunsyo ng Philippine Charity Sweepstakes Office (PCSO) na apat na mananaya na nagmula sa iba’t ibang bahagi ng bansa ang nakakuha ng 42.9 na milyong pisong jackpot prize sa 6/42 lotto.

Kabilang sa mga nanalo ay ang isang mananaya sa Guaga, Pampanga; isa sa Maragondon, Cavite; at dalawa naman sa Makati City nito lamang Enero a-6 kung saan swerteng nahulaan ang winning combination number na 23–01–09–24–12–07.

Ang mga nanalo ay kailangang magpunta sa PCSO Main Office sa Mandaluyong City para kunin ang kanilang mga premyo at kailangang magpakita ng winning ticket at dalawang valid ID.

Gayunpaman, sinabi ng PCSO, na ang lahat ng mga premyo na hindi na-claim sa loob ng isang taon mula sa petsa ng draw ay ituturing ding forfeited ayon sa mandato ng Republic Act No. 1169. —sa panulat ni Kim Gomez

Kinumpirma ni Department of Agriculture (DA) Secretary William Dar na nagpositibo siya sa COVID-19.

Sa isang post sa twitter, ipinaalam ni Dar na siya ay nakakaranas ng mild symptoms at patuloy na nagpapagaling.

Hindi naman binanggit ni Dar kung kanino o sino ang taong kaniyang nakasalamuha.

Matatandaang naitala ng bansa ang mabilis na pagtaas ng bilang ng mga bagong kaso mula noong holiday break.

Nito lamang Biyernes, nakapagtala ang Department of Health (DOH) ng 21,819 na bagong kaso sa loob lamang ng 24 oras. —sa panulat ni Kim Gomez

Ipinatupad na ng Metro Manila Mayors ang pagbabawal sa paglalabas ng bahay ang mga unvaccinated individuals.

Bukod pa dito, sinimulan nading kuhanin ng mga lgu ang mga pangalan ng mga residenteng hindi pa bakunado matapos ipag-utos ni Pangulong Rodrigo Duterte sa mga barangay officials na ilista ang mga pangalan ng mga hindi pa nagpapabakuna.

Sa nasabing ordinansa ang mga unvaccinated individuals na mahuhuli sa labas ng bahay ay pagmumultahin ng limandaang piso; isang libong piso sa ikalawang paglabag at tatlong libong piso naman para sa ikatlong paglabag.

Samantala, ang mga establisyimento naman na lalabag sa ipinatutupad na batas ng IATF ay isasara, pagmumultahin at kakanselahin ang kanilang business permit. —sa panulat ni Angelica Doctolero