Dalawang lalaki patay matapos mahulog sa irrigation canal sa Cotabato City.
Nakilala ang mga biktima na sina Niño Tamunan at alyas Boboy kapwa contruction workers.
Natagpuan ng mga otoridad ang mga bangkay kasama ng kanilang sinasakyang motorsiklo.
Dahil sa kalasingan, nalunod ang dalawa na naging dahilan ng kanilang pagkasawi.
Patuloy pa rin ang imbestigasyon ng PNP sa naturang pangyayari. —sa panulat ni Kim Gomez
Patay ang anim na katao habang 15 ang sugatan sa pagsabog sa Chongqing, China.
Batay sa ulat, pinaghihinalaang gas leak sa isang canteen ang sanhi ng paggumuho ng gusali kung saan nakulong umano ang 31 katao.
Nasagip ang 15 katao na nakuha sa guho habang ang 11 ay pinaghahanap pa.
Sa ngayon, ang mga sugatan ay dinala na sa ospital para malapatan ng lunas.
Samantala, patuloy pa rin ang imbestigasyon ng mga otoridad sa dahilan ng pagsabog. —sa panulat ni Kim Gomez
Kalaboso ang dalawang chinese national matapos mangikil sa Quezon City.
Kinilala ang mga suspek na sina Candi Yang, tubong Zhe Jang, China at Futei Xiang, tubong Hubei, China; kapwa residente ng Alabang, Muntinlupa City.
Batay sa mga otoridad, ini-report ng biktimang si John Laurence Cabrera Jose, bente kwatro anyos ang nawawala niyang sasakyan na toyota alphard na may plakang CAO-7067 na naka-park sa isang lugar sa Pasay City.
Makalipas lamang ang ilang oras ay nakatanggap ng text ang biktima mula sa mga suspek na hawak nila ang sasakyan nito at ibabalik lamang ito kapalit ng tatlong milyong piso.
Dito nagsagawa ng operasyon ang mga otoridad at nabawi sa mga suspek ang perang ginamit sa operasyon at ang tinangay na sasakyan ng biktima.
Sa ngayon, nakatakdang sampahan ng kasong robbery extortion ang mga suspek. —sa panulat ni Kim Gomez
Nahaharap sa kaso ang dalawang pulis matapos makatakas ang isang drug suspek sa kanilang police station sa Quezon City.
Kinilala ang mga pulis na sina Police Corporal Ray Leonardo Mazo, 34 anyos at Police Corporal Sadam Usman Akmad, 47 anyos, kapwa nakatalaga sa Project 6, Police Station-15 ng QCPD.
Batay sa ulat, nahuli sa buy-bust operation sina Jeric Tripon Muceros at Shan Balmes Cagud kung saan, habang abala ang dalawang pulis sa documentary requirements, ay nagawang tanggalin ng suspek na si Muceros ang kaniyang posas at mabilis na tumakas habang naiwan naman si Cagud na nagsumbong sa mga pulis.
Nahaharap ngayon ang dalawang pulis sa kasong Evasion through Negligence. —sa panulat ni Kim Gomez
Arestado ang apat na katao sa buy-bust operation ng mga otoridad sa Camarines Sur.
Kinilala ang mga suspek na sina Danielle Marie Azuela, 20 anyos; Ivy HaroChoc Aquilar, 35 anyos, Benjie Sacuesa Moriño, 36 anyos, at Allan Tarala Exala, 35 anyos, kapwa tubong Calabanga, Camarines Sur.
Nasabat sa mga suspek ang 52 gramo ng droga na may kabuuang 470,000 piso, kasama ang isang yamaha mio motorcycle na ginamit sa kanilang transaksyon maging ang ilang mga drug paraphernalia.
Sa ngayon, sinampahan na ng kasong paglabag sa Comprehensive Dangerous Drugs Act of 2022 ang mga suspek. —sa panulat ni Kim Gomez
Kalaboso ang anim na katao sa operasyon ng mga otoridad sa isang drug den sa Taguig City.
Kinilala ang mga suspek na sina Nerilita Jumaquio, 55 anyos ; Jon-Jon Cajucom, 35 anyos; Jobelle Cruz, 36 anyos; Norudin Bandong, 28 anyos; Raida Ali, 25 anyos; Crisanto San Jose, 63 anyos pawang residente sa nasabing lugar.
Nasasam sa mga nadakip ang 32 plastic sachets ng shabu na may timbang na 205 gramo o katumbas ng 1,394,000 pesos.
Nakatakda nang sampahan ng kaukulang kaso ang mga nadakip na suspek. —sa panulat ni Kim Gomez
Dalawang katao sugatan matapos ang pamamaril ng dalawang lalaki sa loob ng mosque sa Cotabato City.
Kinilala ang mga biktima na sina Ex-Councilor Abner Ampaun, 39 anyos at Amil Sula, 45 anyos.
Ayon sa mga nakakita, dalawang lalaki na sakay ng motorbike ang dumating sa lugar at namaril.
Patuloy pang pinaghahanap ng mga otoridad ang dalawang suspek na nakasuot ng face mask at hoody jacket matapos tumakas. —sa panulat ni Kim Gomez
Patay at inilibing sa lupa ang isang matanda matapos hatawin ng bato sa ulo ng kaniyang trabahador sa Agusan Del Sur.
Kinilala ang biktima na si Adelina Pamelar Ligaray, 68 anyos, may-ari ng isang rubber plantation.
Batay sa report, tumangging magpabale ng suweldo ang may-ari sa suspek na si Jay Crison Auron Pardillo na nagbunsod ng kanilang mainitang pagtatalo.
Inaresto na at sasampahan ng kasong murder ang suspek na si Pardillo. —sa panulat ni Kim Gomez
34 na checkpoints ang nai-set up sa Metro Manila para i-monitor at tiyakin ang pagsunod ng publiko sa minimum health protocols.
Ayon kay National Capital Region Police Office (NCRPO) Spokesperson L/Col. Jenny Tecson, nagkasa na sila ng visibility patrol at random checking sa mga pampublikong sasakyan upang alamin kung nasusunod ang 70% kapasidad ng mga pasahero.
Samantala, pinayuhan naman ni Tecson ang lahat ng mga motorista at commuter na magdala ng vaccination cards sa lahat ng oras upag payagang makapasok sa mga checkpoint, mga mall at iba pang pampublikong lugar kabilang na ang pagsakay sa pampublikong sasakyan. —sa panulat ni Kim Gomez
Inihayag ni Commission on Higher Education (CHED) Chairman Popoy De Vera na siya nagpositibo sa COVID-19.
Sa facebook post ni De Vera, sinabi niya na nakakaranas siya ng mildsymptoms at kasalukuyang naka-quarantine.
Matatandaang, sinabi ni De Vera na ang pandemya at personal na karanasan sa impeksyon sa COVID-19 ang nagtulak sa kanyan upang umatras sa pagtakbo bilang senador.
Sinabi pa ni De Vera na mas mahalaga ang kalusugan ng kaniyang pamilya kaysa tumakbo sa 2022 National Election. —sa panulat ni Kim Gomez