DWIZ 882

Nagbabala sa publiko si Department of Health (DOH) secretary Francisco Duque III hinggil sa kumakalat na self-administered COVID-19 test kits.

Ayon kay Duque, hindi nakatanggap ng approval ang nasabing test kits mula sa Food and Drug Administration (FDA) kaya malaki ang tiyansang peke o smuggled ito.

Agad namang pina-imbestigahan ni Duque ang produkto sa FDA upang malaman kung dumaan sa pagsusuri o nabigyan ng Certificate of Product Registration.

Maliban sa FDA, tinitignan na rin ng DOH na isama sa imbestigasyon ang National Bureau of Investigation (NBI).

Payo naman ni Duque sa publiko na huwag bibili ng alinmang produkto lalo na sa online kung walang seal mula sa FDA.—sa panulat ni Abigail Malanday

Tina-target na ng gobyerno na simulan sa unang linggo ng Pebrero ang pagbabakuna kontra COVID-19 sa mga kabataang edad 5 hanggang 11.

Ayon kay Department of Health (DOH) Usec. Myrna Cabotaje na chairperson din ng National Vaccination Operations Centers (NVOC), ibang formulation ng bakuna ang gagamitin sa mga kabataan.

Una nang nakapag-secure ng 15 milyong doses ng small at less concentrated Pfizer vaccines ang Pilipinas.

Habang inaasahang sunod-sunod na itong darating sa bansa simula sa Marso na aabot sa 6 milyon.

Target ng gobyerno na mabakunahan ang 14.7 milyong indibidwal na kabilang sa nasabing age group.–-sa panulat ni Abigail Malanday

Inihayag ni Pasig City Mayor Vico Sotto na hindi na muna sila magbubukas ng karagdagang COVID-19 vaccination sites sa lungsod.

Ayon kay Mayor Sotto, kulang ang bilang ng mga personnel sa lungsod dahil maraming city health personnel ang naka-quarantine.

Nagpapatuloy naman ang mga pagbabakuna ng booster shot sa lungsod.

Batay sa huling datos ng Pasig Public Information Office, umabot na sa 1,082 ang bilang ng aktibong kaso ng COVID-19 sa Pasig City.

Nasa 60,578 naman ang bilang ng kaso kung saan 58,025 ang nakarekober at 1,471 ang nasawi.–-sa panulat ni Abigail Malanday

Nakapagturok na ang gobyerno ng 111.9 milyong doses ng COVID-19 sa mga Pilipino.

Ayon kay Department of Health (DOH) Usec. Myrna Cabotaje, umabot na sa 57,446,651 indibidwal ang nakatanggap ng kanilang unang doses.

Nasa 51,655,649 ang nakatanggap ng ikalawang dose o ‘yung mga fully vaccinated at 2,806,530 ang nakatanggap ng booster shot.

Tiniyak naman ni Cabotaje na nananatiling sapat ang suplay ng bakuna sa bansa sabay paghikayat sa iba na magpabakuna na kontra COVID-19.—sa panulat ni Abigail Malanday

Pansamantalang isinara ang ilang simbahan sa ilalim ng manila archdiocese dahil sa pagtaas ng kaso ng COVID-19.

Ayon sa ulat, ilang pari at empleyado ang nagpositibo sa COVID-19.

Ang National Shrine of St. Jude Thaddeus sa Manila ay sarado simula noong December 31, 2020 at magbubukas sa January 14.

Habang ang National Shrine of Our Lady of Guadalupe ay isinara simula nitong January 4 na magtatagal hanggang January 17, 2022 dahil sa isang paring nagpositibo sa virus.

Samantala, sinabi naman ni Father Dave Concepcion, parish priest sa Santa Maria Goretti Parish sa Paco, Manila na sarado na rin ang simbahan na nagsimula nitong January 3 at magtatagal hanggang January 15.

Dahil sa mga simbahang nagsarado, pinayuhan muna ang mga deboto na magsimba muna sa pamamagitan ng online mass na matatagpuan sa kanilang Facebook at YouTube channels.—sa panulat ni Abigail Malanday

Naglabas ng resolusyon ang Commission on Elections (Comelec) para linawin ang mga alituntunin sa political ads na inilalagay sa online at social media.

Sa ilalim ng Resolution No. 10748, sinabi ng Comelec En Bank na kailangang irehistro ng lahat ng partido at kandidato ang kanilang verified accounts at sites bago o pagsapit ng January 31.

Tanging ang mga verified accounts ang puwedeng magkaroon ng election-related propaganda

Sa May 9, 2022 magaganap ang eleksyon 2022.—sa panulat ni Abigail Malanday

Mananatiling naka-lockdown hanggang sa susunod na linggo ang House of Representatives dahil sa pagtaas ng kaso ng COVID-19 sa Metro Manila at ilang katabing lalawigan.

Ayon kay speaker Lord Allan Velasco, iiral ang lockdown sa January 10 hanggang 16 para maprotektahan sa virus ang mga empleyado.

Unang ini-lockdown ang Batasang Pambansa Complex sa Quezon City na nagsimula nitong Martes, January 4.

Sa January 17 naman muling magpapatuloy ang sesyon sa kamara pero 20% lang ng workforce ang papayagan.

Sa ngayon, inatasan na ni Velasco si House Secretary-General Mark Llandro Mendoza para mahigpit na ipatupad ang implementasyon ng lockdown sa Kamara.—sa panulat Abigail Malanday

Mahigpit na sumusunod ang pamunuan ng mga hotel na ginagamit bilang quarantine facility.

Ito ang sinabi ni Philippine Hotel Owners Association Inc. (PHOAI) executive director Benito Bengzon kaugnay sa pagre-report ng mga bilang ng tauhan at bisita sa halos 89 sa mahigit isang daan na miyembro ng PHOAI hotels at accredited ng Department of Tourism sa Metro Manila ang kasalukuyang ginagamit bilang quarantine facility o multiple use hotel.

Matatandaang isang returning OFW mula sa US ang nagpositibo sa COVID-19 ang lumabag sa quarantine protocols ng isang hotel at nakahawa pa ng ilang indibidwal.—sa panulat ni Airiam Sancho

Bumaba sa 6.5% ang unemployment rate sa bansa noong Nobyembre 2021 mula sa 7.4% noong buwan ng Oktubre.

Ayon kay Philippine Statistics Authority (PSA) chief Claire Dennis Mapa, nasa 3.16 million na edad kinse pataas ang walang trabaho noong Nobyembre nang nakaraang taon.

Mas mababa ito sa 3.5 million unemployed na naitala noong Oktubre 2021.

Sinabi naman ni Mapa na ang November unemployment rate ang pinakamababa simula nang mag-pandemya. —sa panulat ni Airiam Sancho