DWIZ 882

Nanawagan sa senado ang Alliance of Concerned Teachers (ACT) Philippines na alisin na ang buwis sa kita ng mga guro sa eleksiyon.

Ayon sa ACT, dapat ipasa sa senado ang panukalang batas na magbibigay ng tax exemption sa election service pay o election honoraria bago mag-adjourn ang sesyon sa Pebrero a-4.

Matatandaang taong 2018 ay sinimulan ng Bureau of Internal Revenue (BIR) ang pagpapataw ng 5% tax sa election service pay kung saan, sa P9,000 na pinakamataas na honorarium ng miyembro ng Board of Election Inspectors (BEI) para sa 2022 Elections ay kakaltasanito ng P450 para sa buwis.

Ayon sa ACT, aabot sa 112.5 million pesos ang kabuuang buwis na malilikom dito ng gobyerno.

Nito lamang nakaraang taon ay inaprubahan ng kamara ang nasabing panukala pero nakabinbin naman sa senado ang katulad na panukala na inihain nina Sen. Sherwin Gatchalian, Sen. Nancy Binay at Sen. Leila De Lima. —sa panulat ni Angelica Doctolero

Papangalan ni Pangulong Rodrigo Duterte ang isang presidential aspirant na sangkot sa korapsiyon.

Ayon kay Duterte, bago maganap ang mismong araw ng eleksiyon, kaniyang isisiwalat sa publiko ang baho ng katauhan ng  kandidatong nais maging susunod na pangulo ng bansa.

Sinabi ni Duterte na may ilang nais tumakbo sa pagkapangulo pero hindi naging totoo at tapat sa kanilang tungkulin maging sa taumbayan.

Dagdag pa ng pangulo, kailangang malaman ng publiko ang maling nagawa ng mga kandidato dahil kapakanan at kinabukasan ng bansa ang nakasalalay.

Iginiit ni Duterte na ginagawa lamang niya ang kaniyang obligasyon pero nasa mga botante parin ang desisyon kung sila ay maniniwala o hindi sa mga pakulo ng mga kandidato.  —sa panulat ni Angelica Doctolero

Inihayag ni Apayao Provicial Health Officer (APHO) officer Dr. Mark Joleen Calban, na anim na bayan sa lalawigan ng Apayao ang nasa critical risk ng COVID-19 dahil sa pagtaas ng bilang ng mga tinamaan ng nakakahawang sakit sa kanilang lugar sa ilalim ng alert level 3.

Ayon kay Calban, kabilang sa mga bayan na nasa critical risk ay ang Flora, Sta. Marcela, Pudtol, Luna, Conner at Cabugao habang nasa “high risk” classification naman ang bayan ng Calanasan.

Nabatid na umabot na sa 311 ang active cases sa nasabing lalawigan kung saan, karamihan sa mga nahawaan ng virus ay may travel history sa ibang bayan o na-expose sa positibong kaso at close contact ng COVID-19. —sa panulat ni Angelica Doctolero

Ipinauubaya na ni presidential aspirant at dating Senador Ferdinand “Bongbong” Marcos Jr. sa kababaihan ang desisyon sa kontrobersyal na issue ng abortion.

Sa 2022 Presidential One-on-one interviews sa “Talk Show King” ng Asya na si Boy Abunda, ipinunto ni Marcos na karapatan ng isang babae kung gusto o ayaw nitong magpalaglag.

Ayon sa dating Ilocos Norte Governor, pabor siya sa abortion basta’t para sa “very severe cases” tulad ng rape, incest at kung mayroong medical condition.

Kung mapapatunayan naman anya na ginahasa at hindi  consensual sex ang nangyari at kalauna’y nabuntis, “choice” ng isang babae na magpa-abort o hindi.

Binigyang-diin ni Marcos na ang babae ang mas may karapatang magdesisyon para sa katawan nito sa halip na pangunahan tulad ng Simbahang Katolika na numero unong tutol sa aborsyon.