Drew Nacino

Tiniyak ng Metro Rail Transit (MRT)-line 3 na hindi sila magtataas ng pasahe sa kabila ng isang buwang libreng sakay.

Ayon kay MRT-3 acting general manager Michael Capati, mananatili sa 13 hanggang 28 pesos ang pasahe sa naturang railway line.

I-sa-subsidize naman anya ng gobyerno ang mawawalang kita sa isang buwang libreng sakay, mula sa 7 billion pesos na ibinigay ng kongreso sa MRT-3.

Batay sa revenue collection noong Enero, aabot sa 2.7 million pesos ang mawawalang kita sa MRT-3 kada araw dahil sa free ride na magtatagal hanggang Abril 30.

Sa gitna nang nalalapit na Halalan 2022, ikinabahala ng Commission of Elections ang posibleng pagkakasama ng ilang pumanaw na indibidwal sa voters’ list.

Aminado si Comelec spokesman, director James Jimenez na inaasahan niyang pagdating ng araw ng halalan ay makikita pa rin ng maraming botante ang pangalan ng mga kamag-anak nila sa listahan.

Ibinabala ng Comelec na ang mga botanteng pumanaw na dahil sa COVID-19 pandemic na nasa listahan pa rin ay maaaring magamit upang kuwestyunin ang kredibilidad ng eleksyon.

Ito, ayon kay Jimenez, ay dahil sa mabagal na delisting process kung saan inaalis ang mga pangalan batay sa mga record na isinusumite ng local civil registrar.

Samantala, hinimok naman ng election watchdog na Legal Network for Truthful Elections o LENTE ang election board members at publiko na maging mapagmatyag sa May 9 o araw ng eleksyon.

Umaasa si LENTE Exec. Dir., Atty. Rona Ann Caritos na magiging mahigpit ang mga poll worker upang maiwasan ang mga posibilidad na bumoto ang ilang tao gamit ang pangalan ng ibang botante.

Inamin ng Department of Agriculture na hindi lahat ng magsasaka ay mabibigyan ng ayuda sa gitna ng mataas na presyo ng abono o fertilizer.

Ipinaliwanag ni agriculture assistant secretary Noel Reyes na dapat rehistrado sa farmers registry at mababa sa dalawang ektarya ang sinasaka ng mga dapat bigyan ng ayuda.

Sa kabila nito, posible naman anyang mapalawig ang programa at mayroon pang P8.9-B para ngayong taon.

Nakikipag-ugnayan na rin ang kagawaran sa China para sa concessional terms para sa loan sa importasyon ng fertilizer lalo’t apektado ng giyera ng Russia at Ukraine ang produksiyon ng abono kaya tumaas ang presyo nito.

Aminado si presidential frontrunner Ferdinand “Bongbong” Marcos Jr. na positibo ang kanyang pananaw dahil naniniwala siyang ang mga mamamayang Filipino ang pinaka-malaking asset ng bansa.

 Ito ang tugon ni Marcos sa huling tanong sa “The Deep Probe: The SMNI Presidential Candidates Interview” sa tanong ni Professor Clarita Carlos kung siya ay “optimist o pessimist, high-risk o low-risk-taker o isang Machiavellian.

 Ayon sa dating senador, halos na nalibot na niya ang buong mundo pero wala siyang ibang makitang nakhihigit sa mga Filipino.

 Sa tanong naman kung siya ay high-rish o low-risk taker, inamin din ng presidentiable na mas mais niyang maging konserbatibo dahil magreresulta sa matinding paghihirap ng mas maraming mamamayan ang isang pagkakamali.

 Samakatuwid anya ay dapat maging napaka-ingat sa mga desisyon partikular sa mga national issue.

 Idineklara rin ng dating Ilocos Norte Governor na siya ay isang “Machiavellian” o dapat naiintindihan ng isang leader ang sitwasyon sa “ground” at malawak ang kaalaman sa iba’t ibang bagay upang makamit ang tagumpay.

 Si Nicolo Machiavelli ay isang Italian Renaissance Political Philosopher at mambabatas na kilala sa mga inilathalang libro tulad ng The Prince na nagpakilala sa mga katagang “The End Justify the Means,” na nangangahulugan ng political cynicism.