Itinuturing na bilang person of interest sa pagkamatay ng American marine biologist na si Dr. Kent Carpenter ang kaniyang live-in partner.
Ayon kay Negros Oriental Provincial Police Director Col. Timmar Alam, mayroong inconsistencies ang mga pahayag ng live-in partner ni Carpenter hinggil sa kaniyang pagkamatay.
Batay din sa isinagawang medical examination ng otoridad, napag-alamang hindi talaga sinaktan ng mga suspek ang babae, at nag-negatibo ito sa kaniyang alegasyong minolestya siya ng mga pumatay sa kaniyang partner.
Samantala, kabilang din sa ikinokonsiderang persons of interest sa kaso ang kapatid ng babae na madalas ding bumisita sa bahay ni Carpenter.
Sa ngayon, patuloy an inaalam ng pulisya ang motibo sa kaso.—sa panulat ni Mark Terrence Molave
