Dinala na ng Philippine National Police–Criminal Investigation and Detection Group si Senador Rodante Marcoleta sa New Quezon City Jail Male Dormitory sa Payatas.
Ito’y kasunod ng kautusan ng Sandiganbayan na ilipat ang senador sa nasabing piitan matapos makumpirma sa independent medical examination ng UP Philippine General Hospital na normal ang kondisyon ng senador at walang sintomas ng mild pneumonia.
Gayunman, inabisuhan ni UP PGH Director Gerardo Legaspi na ihiwalay muna ang senador habang inoobserbahan ang kalagayan nito, lalo na dahil sa kaniyang edad.
Samantala, nag-inspeksyon din ang korte sa QC Jail para tiyaking hindi makaaapekto sa kalusugan ng senador ang kondisyon ng pasilidad.—sa panulat ni Mark Terrence Molave
