Aabot sa P136-M na halaga ng shabu ang nasabat ng awtoridad sa tatlong bigtime pusher sa Bacoor City, Cavite.
Tinaya ng PNP-Drug Enforcement Group sa 20 kilo ang timbang ng mga nasabing droga na isinilid sa mga tea bag.
Inilunsad ang buy bust operation sa Molino Road, Barangay Mambog 4 kagabi.
Inaalam pa kung saang grupo kabilang ang tatlong naarestong suspek.
Sa Mayo 9, gaya ng power interruption. Tiniyak ni COMELEC Commissioner George Garcia na handang-handa na sila para sa May 9 Elections.
Pinayuhan ni Garcia ang mga botante na silipin ang kanilang pangalan sa precinct finder, magdala ng kodigo o hintayin ang voters registration sheet bago pumunta sa mga polling precinct.
Hindi na rin anya dapat magdala o tumanggap ng mga sample ballot.
Pinag-hihinay-hinay naman ni Garcia ang mga botante sa paggamit ng cellphone sa mismong araw ng halalan.
Tiniyak din ng poll official na nakahanda ang poll body sa anumang posibleng aberya.
Pinag-aaralan na ng Regional Tripartite Wages and Productivity Board (RTWPB) ang posibleng wage adjustment.
Ito ang ibinunyag ni Labor Secretary Silvestre Bello, III sa kabila ng pagbasura ng wage board sa petisyon ng ilang labor group na itaas ang sahod ng mga manggagawa.
Gayunman, nilinaw ni Bello na wala pang katiyakan kung aaprubahan o hindi ang wage adjustment.
Iginiit naman ng kalihim nawala sa hurisdiksyon ng RTWPB ang magpasya hinggil sa hirit na increase sa across the board adjustment.
Eksaktong dalawang linggo bago ang national at local elections, nalagasan na naman ng supporters si presidential candidate at Manila Mayor Francisco “Isko Moreno” Domagoso.
Ito’y makaraang lumipat ang isang paksyon ng Partido Federal ng Pilipinas na una nang nag-endorso sa kandidatura ni Yorme, sa kampo ni Vice President Leni Robredo.
Ang naturang paksyon ay pinangungunahan ng national chairman nitong si Dating National Commission for Muslim Filipinos Commissioner Ahubakar Mangelen.
Ayon sa PFP–Mangelen faction, naniniwala sila sa liderato at kakayahan ni Robredo na pamunuan ang bansa sa gitna ng pandemya at economic crisis patungo sa recovery at pag-unlad.
Napagtanto anila ng partido na kailangan ang mas malakas na team upang talunin ang pinaka-malaking banta sa bansa at demokrasya, na si dating senador Ferdinand “Bongbong” Marcos, Jr.
Naniniwala rin ang PFP-Faction na si Marcos ay isa sa “mga hindi kwalipikado sa lahat ng kandidato” lalo’t mismong si Pangulong Rodrigo Duterte na ang nagsabi na “weak leader” si BBM.
Patay ang isang ginang at dalawa nitong anak na edad tatlo at apat matapos pagsasaksakin ng isang lalaki sa bayan ng San Quintin, Pangasinan.
Kinilala ang mga biktimang sina Crystalene Ogaco, 36 na taong gulang, online tutor at mga anak niyang sina Ashley Jewel Morante, 10 at Jacob Morante, anim na taong gulang.
Nagtamo ng 11 saksak si Crystalene habang isa hanggang dalawa sa kanyang mga anak.
Ayon kay Pangasinan Provincial Police Director, Col. Richmond Tadina, naaresto ang suspek na si Dexter Lichauco alyas Terio, 24 anyos, pinsan ni Crystalene at residente ng Purok 5, Barangay Lagasit.
Matagal na umanong may alitan ang ginang at pinsan nito at nagtalo kamakailan nang hindi pautangin ni Crystalene si Dexter.
Hindi naman narekober ng mga imbestigador ang patalim na ginamit sa krimen habang nahaharap na ito sa kasong 3 counts of murder.
Nananawagan ang Pilipinas para sa accessible na climate financing para sa developing countries na lantad sa Global Warming.
Inihayag ni Climate Change Commission Secretary Robert Borje na mas marami pang dapat gawin para sa mga bansang hindi naman lubusang responsable sa climate change pero mas lantad sa mga problemang dulot nito.
Ito ang binigyang-diin ni Borje sa ika-apat na Asia-Pacific Water Summit sa Japan.
Ang hamon anya sa mga Asia-Pacific Nation ay bumalangkas at magpatupad ng water development strategies at trajectories sa panahon ng climate change hanggang sa huli.
Iginiit ng opisyal ng komisyon na bagaman nais pang mag-ambag ng mga developing country, tulad ng Pilipinas, kailangan munang tulungan ng mga ito ang kani-kanilang sarili sa epekto ng climate change.
Tinatayang 1,600 Filipino sa Shanghai, China ang hindi pa rin nakaboboto para sa 2022 Elections bunsod ng lockdown.
Ayon kay Shanghai Philippine Consul General Josel Ignacio, nananatiling suspendido ang overseas absentee voting sa lungsod dahil sa panibagong COVID-19 surge.
Posibleng sa Mayo o Hunyo o pagtapos ng eleksyon sa Pilipinas pa anya alisin ang lockdown.
Aminado naman si Ignacio na bagaman ang tanging aprubadong paraan ng pagboto sa shanghai ay in-person at mayroon pa ring lockdown, ikinukunsidera nila ang iba pang alternatibo.
Kabilang sa mga alternatiboang manipestasyon ng intensyon na bumoto sa iba pang polling precinct, na nagpapahintulot sa mga Pinoy na rehistrado sa Shanghai na lumipat sa ibang Philippine Diplomatic Post sa China.
Wala pang dapat ikabahala ang publiko sa bahagyang pagtaas ng COVID-19 cases sa ilang bahagi ng Metro Manila at mga karatig lalawigan sa nakalipas na linggo.
Nilinaw ni Health Undersecretary Maria Rosario Vergeire na hindi pa naman nagreresulta sa mataas na hospital admissions ang panibagong pagtaas ng bilang ng kaso ng COVID-19.
Kabilang sa mga minomonitor ng Department of Health ang ilang lugar sa MIMAROPA, Central Luzon, Davao, CARAGA, Ilocos, Cagayan Valley, Cordillera at Eastern Visayas Regions.
Ito’y makaraang makapagtala ng one-week positive growth rate ang mga naturang lugar.
Bahagya ring tumaas ang COVID-19 cases sa Pateros, mga lungsod ng Navotas, Las Piñas, Parañaque, Taguig, Muntinlupa at Marikina.
Sa kabila nito, una nang inihayag ng ilang ospital, tulad ng Philippine General Hospital at Makati Medical Center na nananatili sa low level ang kanilang healthcare utilization rate.
Nanganganib maunsyami ang dalawang nalalabing COMELEC-Sponsored Debates bukas at sa linggo.
Ito’y bunsod ng babala ng Sofitel Philippine Plaza na sususpendihin nito ang dalawang nalalabing bahagi ng event contract kung hindi magbibigay ang organizer na Impact Hub ng 14 million pesos na partial payment para sa kanilang serbisyo.
Ang Impact Hub ang kumpanyang napili ng COMELEC na mangasiwa sa serye ng debate na tinaguriang “Pilipinas Debates 2022: The Turning Point” na isinagawa sa Sofitel noong March 19, 20 at April 3.
Sa demand letter ng Sofitel noong April 20, iginiit ng pamunuan ng hotel na maka-ilang beses nag-issue ng talbog na tseke si Celeste Eden Rondario ng Impact Hub.
Inihayag din sa liham na sa ilalim ng kontrata, dapat magbayad ang Impact Hub Manila ng kabuuang 20,595,000 pesos sa apat na tranches noong March 16, March 30, April 15 at 20 para sa buong serye ng debate.
Binigyan ng Sofitel ang Impact Hub ng ultimatum hanggang alas-12 ng tanghali kahapon upang bayaran ang utang nito at kung hindi ay mapipilitan ang hotel na suspendihin ang event.
Samantala, magsasagawa naman ng press conference ang COMELEC mamayang alas-9 ng umaga sa Manila Hotel pero hindi binanggit ni Commissioner George Garcia kung kabilang sa tatalakayin ang natenggang bayad sa Sofitel. —sa ulat ni Aya Yupangco (Patrol 5)
Pinatitiyak ni Pangulong Rodrigo Duterte sa mga bagong graduate ng Philippine National Police Academy (PNPA) na panatilihin ang kanilang limitasyon sa tungkulin at tiyaking magiging malinis at tapat ang May 9 elections.
Sa kanyang pagharap sa mga miyembro ng “Alab-Kalis” Class of 2022 sa 43rd PNPA Commencement Exercises sa Camp Castañeda sa Silang, Cavite, ipinaalala ng pangulo sa mga bagong pulis na sila ay government workers.
Wala anya silang ibang dapat gawin kundi ang tama para sa mga mamamayan at bayan alinsunod sa kanilang sinumpaang tungkulin.
Binigyang-diin ni Pangulong Duterte na hindi nakatataas kaninuman ang mga manggagawa ng gobyerno dahil nagtatrabaho sila para sa taumbayan.
Iginiit din ng punong ehekutibo na walang sinuman ang dapat panigan ng mga pulis ngayong panahon ng eleksyon bilang pagpapakita ng propesyunalismo ng pambansang pulisya.