Pumanaw na ang maybahay ni dating COMELEC Chairman Benjamin Abalos Sr., at ina ni MMDA Chairman Benhur Abalos na si Corazon Abalos.
Ito ang kinumpirma ni Mandaluyong City Councilor Charisse Marie Abalos-Vargas sa isang post online.
Ayon kay Councilor Charisse, ang kanyang lola o Mama Cora ang itinuturing niyang idolo at unang ‘role model’ na humubog kung ano na siya ngayon.
Dagdag pa nito, nabatid niya ang tunay na pakahulugan ng pagmamahal, pananampalataya, at debosyon dahil sa kanyang lola.
Hindi na binanggit ni Councilor Charisse ang dahilan sa pagpanaw ng kanyang lola, pero noong Hulyo noong nakaraang taon, ay napabalitang dinapuan ng COVID-19 ang kanyang lola na si Corazon Abalos.
