Nanawagan sa pamahalaan si Overseas Filipino Workers (OFW) Advocate Susan “Toots” Ople na magpadala ng team sa Najran Region, malapit sa border ng Yemen at Saudi Arabia.
Ito’y para tulungan at asistihan ang mga manggagawang Pinoy na naiipit umano sa kaguluhan doon.
Ayon kay Ople, nangangamba siya sa kalagayan ng mga OFW dahil sinasabing 15 hanggang 80 beses na may nangyayaring pagpapasabog sa nasabing lugar.
Giit ni Ople, dapat tiyakin ng gobyerno ang kaligtasan ng mga Pinoy sa gitna ng tensyon doon dahil sapat naman umano ang pondo nito.
By Jelbert Perdez | Aya Yupangco (Patrol 5)
