Ipinagtanggol ni Anne Curtis ang kanyang It’s Showtime co-host na si Nadine Lustre laban sa basher nito.
Isang Jadine o James Reid at Nadine Lustre fan ang nag-post ng performance nina Anne at Nadine sa naturang noontime show sa Twitter.
Kasunod ng naturang post ng JaDine fan, may nag-reply na negatibong komento mula sa isang netizen at sinasabing namatayan na umano si Nadine ngunit nagagawa pang mag-‘inarte’.
Dagdag pa ng netizen ang mga salitang:
#OwnWhoYouAre pa rin without pretentions.
namatayan na nga nagagawa pang mag inarte na ganyan. advocacy pang keep going ulul #OwnWhoYouAre pa rin without pretentions
— queen kathryn (@kathxnielonly) October 16, 2017
Samantala, sa pamamagitan din ng Twitter ay pinagsabihan ni Anne ang naturang netizen.
Ani Anne, hindi alam ng naturang netizen ang pinagdadaanan ni Nadine kaya’t dapat lamang na lubayan na nito si Nadine.
Tinawag din itong ‘horrible person’ ni Anne.
You are a horrible person. You never know what a person is going through or how they deal with whatever it is they are feeling. So back off.
— Anne Curtis-Smith (@annecurtissmith) October 16, 2017
Si Nadine ay nagbalik na sa It’s Showtime noong Lunes, Oktubre 16, kahit nagluluksa pa sa pagpanaw ng kanyang kapatid na si Isaiah Lustre.
